Chapter Title : ❤️ഭദ്രദീപം 3 [ M D V & Meera ]

സ്വാതിയുടെ വീട്ടിലേക്ക് പെണ്ണ് കാണാനായി പോകാം എന്ന് പറയുന്നു.

അനന്തൻ ദേഷ്യപ്പെട്ടു കൊണ്ട് അമ്മയോട് ഇനി എനിക്ക് വിവാഹമേ വേണ്ട എന്ന് കനത്ത ഭാഷയിൽ തറപ്പിച്ചു പറഞ്ഞപ്പോൾ ആ അമ്മയുടെ നെഞ്ച് പിടഞ്ഞു.

രേവതിയമ്മയും മകന്റെ ഉള്ളം അറിഞ്ഞതുകൊണ്ട് അവർ പിന്നെ അതിനെച്ചൊല്ലി സംസാരം ഉണ്ടായില്ല. രാത്രി ഒന്നും മിണ്ടാതെ അമ്മയും മകനും ഭക്ഷണം കഴിക്കുന്ന നേരം കഴിഞ്ഞാണ് വിശ്വനാഥൻ ടൗണിലെ ബാറിൽ നിന്നും നല്ലപോലെ മിനുങ്ങിയെത്തുന്നത്. ഭർത്താവിന്റെ ഈയിടെയായുള്ള ഈ മദ്യപാനം കുറെ കൂടുന്നത് കാണുമ്പോളും. രേവതിയമ്മ തിരിച്ചൊന്നും പറയാനാവാതെ പൊറുത്തു.

പക്ഷെ കിടക്കാൻ നേരം മകന്റെ മുറിയിലേക്ക് ചെന്ന രേവതിയമ്മ പൊട്ടിക്കരയുന്ന അനന്തനെ നെഞ്ചോടു ചേർത്ത് പിടിച്ചു.

മോനെ ….ഞാൻ ആണ് നിന്റെയീ അവസ്‌ഥയ്‌ക്ക് കാരണം, ഭദ്രയുടെ ജാതകം നേരത്തെ അറിയാതെ നിന്റെ മനസ്സിൽ ഇത്രയും മോഹം വളരുന്നത് ഈയമ്മ അറിഞ്ഞില്ല.

പക്ഷെ ...ഭദ്ര അന്ന് പറഞ്ഞ ഓരോവാക്കുകളും മുള്ളായി തറച്ചുകൊണ്ട് അനന്തന്റെ മനസ്സിൽ ഉണങ്ങിയ മുറിവിലും ചോര ഒഴുകുന്ന സുഖം അവൻ അനുഭവിക്കുകയാണ്.

അമ്മയുടെ മാതൃത്വം അനന്തന്റെ കണ്ണീരിനാൽ നനഞ്ഞു കുതിർന്നു. അതി ലോലമാം അവന്റെ മനസ്സിൽ നിന്നും ഒടുവിൽ അവൻ വീങ്ങി പൊട്ടി പറഞ്ഞു.

ഭദ്രയ്ക്ക് മറ്റൊരാളെ ഇഷ്ടമാണ് എന്നും, അവൾ അത് പറഞ്ഞത് തന്റെ ഹൃദയത്തെ രണ്ടായി മുറിച്ചെന്നും.
അന്നവർക്ക് രണ്ടുപേർക്കും ഉറങ്ങാൻ കഴിഞ്ഞില്ല.

മകളില്ലാതെ സ്വന്തം വിഷമം പങ്കുവയ്ക്കാൻ ഒരാൾ അടുത്തില്ലാതെ ആ അമ്മയുടെ മനസും, സ്നേഹിച്ച പെണ്ണിന്റെ വായിൽ നിന്നും തറച്ച മുള്ള് എടുക്കാൻ കഴിയാതെ അനന്തന്റെ മനസും. രണ്ടും ഒരേപോലെയാണെന്ന് പറയേണ്ടിവരും.

**************************************************************

ആഹ് ….ആഹ്