Chapter Title : ഭാര്യയുടെ അവിഹിതവവും ഭർത്താവിന്റെ കുറ്റാന്വേഷണവും 7 [ഗില്ലി ബാല]

തമ്മിലുള്ള ആ കളിചിരികൾ തുടരുമ്പോൾ, എന്റെ ഉള്ളിലെ സ്നേഹവും വിശ്വാസവും ചാരമായി മാറിക്കൊണ്ടിരുന്നു. അവൾ എന്നെ എത്ര ലാഘവത്തോടെയാണ് വഞ്ചിക്കുന്നത്! എന്റെ ചങ്കിൽ ഒരു കല്ല് കയറ്റി വെച്ചതുപോലെ എനിക്ക് തോന്നി. സ്ക്രീനിലെ ആ കാഴ്ചകളിലേക്ക് കണ്ണിമയ്ക്കാതെ നോക്കി ഞാൻ ആ ഇരുട്ടിൽ തനിച്ചിരുന്നു.

അല്പസമയത്തിന് ശേഷം അവർ ഓർഡർ ചെയ്ത ഭക്ഷണം എത്തി. ഹാളിലെ മേശയ്ക്ക് ചുറ്റുമിരുന്ന് അവർ നാലുപേരും വർത്തമാനം പറഞ്ഞു ഭക്ഷണം കഴിച്ചു. ചിരിയും തമാശകളും അവിടെ നിറഞ്ഞുനിന്നിരുന്നു. ഭക്ഷണം കഴിഞ്ഞ് എല്ലാവരും എഴുന്നേറ്റപ്പോൾ, അച്ചു പതിവുപോലെ പാത്രങ്ങൾ അടുക്കി അടുക്കളയിലെ സിങ്കിനടുത്തേക്ക് കൊണ്ടുപോയി.

അവൾ ഓരോ പാത്രങ്ങളായി കഴുകി വെക്കുന്നതിനിടയിലാണ് സിദ്ധാർത്ഥ് കൈ കഴുകാനായി അങ്ങോട്ടേക്ക് വന്നത്.

കൈ കഴുകി കഴിഞ്ഞിട്ടും അവൻ അവിടെനിന്നും പോയില്ല. പാത്രം കഴുകിക്കൊണ്ടിരിക്കുന്ന അച്ചുവിന്റെ തൊട്ടുപിന്നിൽ അവൻ ചേർന്നുനിന്നു. തന്റെ നനഞ്ഞ കൈകൾ അവൻ അച്ചുവിന്റെ പച്ച ബനിയന്റെ പുറകുവശത്ത് പതുക്കെ തുടച്ചു.

തണുത്ത വെള്ളം തന്റെ വസ്ത്രത്തിലൂടെ അരിച്ചുകയറുന്നത് അറിഞ്ഞതും അച്ചു ഒന്ന് വിറച്ചു.

"എടാ സിദ്ധൂ... നിനക്ക് കൈ തുടക്കാൻ അവിടെ ടവൽ ഇല്ലേ? എന്റെ ഡ്രസ്സിലാണോ നിന്റെ കൈ തുടക്കുന്നത്?"

അവൾ ചീത്ത വിളിച്ചുകൊണ്ട് ചിരിയോടെ തല തിരിച്ചു നോക്കി.

പക്ഷേ സിദ്ധാർത്ഥ് അത് ഗൗനിച്ചില്ല. അവൻ അവളുടെ പുറകിലൂടെ കൈകൾ ചുറ്റിപ്പിടിച്ചു. മുഖം അവളുടെ കഴുത്തിടുക്കിലേക്ക് താഴ്ത്തി തന്റെ ചുണ്ടുകളിലെ വെള്ളം അവളുടെ തോളിൽ ഉരസി ഒപ്പി.

"ടവലിനേക്കാൾ നല്ലത് നിന്റെ ഈ ബനിയനാ അച്ചു... ഇതിന് നിന്റെ മണമുണ്ട്,"

അവൻ പതിഞ്ഞ സ്വരത്തിൽ അവളുടെ കാതുകളിൽ മന്ത്രിച്ചു.

അച്ചു