Chapter Title : ഭാര്യയുടെ അവിഹിതവവും ഭർത്താവിന്റെ കുറ്റാന്വേഷണവും 7 [ഗില്ലി ബാല]

കണ്ണുകൾ തള്ളിപ്പോയി.

അതിനുള്ളിൽ മൂന്നാല് ബിയർ ബോട്ടിലുകളും സിഗരറ്റ് കുറ്റികളും കിടക്കുന്നു! ആ വയസ്സായ മനുഷ്യൻ പറഞ്ഞത് നൂറു ശതമാനം ശരിയായിരുന്നു. ഞാൻ ഇല്ലാത്തപ്പോൾ അച്ചു ഇവിടെ ആരെയാണ് വിളിച്ചു വരുത്തിയത്?

എൻ്റെ ഉള്ളിൽ ദേഷ്യം ഇരച്ചു കയറി.

യാത്രയുടെ ക്ഷീണവും വിയർപ്പും കാരണം ദേഹം ആകെ ഒട്ടുന്നുണ്ടായിരുന്നു. അച്ചു വരട്ടെ, എന്നിട്ടു വേണം ഇതെല്ലാം ചോദിക്കാൻ എന്ന് ഉറപ്പിച്ച് ഞാൻ കുളിക്കാനായി തയ്യാറെടുത്തു.

ധരിച്ചിരുന്ന വസ്ത്രങ്ങളെല്ലാം അഴിച്ചു മാറ്റി ഒരു ടവൽ മാത്രം ഇടുപ്പിൽ ചുറ്റി. അഴിച്ച തുണികൾ വാഷിംഗ് മെഷീനിലേക്ക് ഇടാനായി ഞാൻ ബാൽക്കണിയിലേക്ക് നടന്നു.

വാഷിംഗ് മെഷീൻ തുറന്നപ്പോൾ അതിൽ നിറയെ തുണികൾ ഇരിക്കുന്നത് കണ്ടു. അച്ചു രാവിലെ തിരക്കിനിടയിൽ അലക്കാൻ ഇട്ടിട്ട് മെഷീൻ ഓൺ ചെയ്യാൻ മറന്നതാകുമെന്ന് എനിക്ക് തോന്നി.

"ഇവൾക്ക് ഒരു പണിയും നേരാംവണ്ണം തീർക്കാൻ അറിയില്ലല്ലോ,"

എന്ന് പിറുപിറുത്ത് കൊണ്ട് ഞാൻ എൻ്റെ തുണികൾ കൂടി അതിലേക്ക് ഇടാൻ കുനിഞ്ഞു.

പെട്ടെന്നാണ് ആ മെഷീനുള്ളിൽ നിന്നും വല്ലാത്തൊരു ഗന്ധം എൻ്റെ മൂക്കിലേക്ക് അടിച്ചു കയറിയത്. വെറും വിയർപ്പിൻ്റെ ഗന്ധമായിരുന്നില്ല അത്. ഞാൻ ആ തുണികൾ ഓരോന്നായി പുറത്തെടുത്തു നോക്കി. അതിൽ അച്ചു ഇന്നലെ ഉപയോഗിച്ച ഒരു ജോഡി വസ്ത്രങ്ങളും പിന്നെ ഞങ്ങളുടെ ബെഡ് ഷീറ്റും ഉണ്ടായിരുന്നു. അച്ചുവിന്റെ വസ്ത്രങ്ങൾ എടുത്തു മണത്തപ്പോൾ അതിൽ അവളുടെ വിയർപ്പിനൊപ്പം ഏതോ കടുപ്പമേറിയ പുരുഷ പെർഫ്യൂമിന്റെ മണം കലർന്നിരിക്കുന്നത് ഞാൻ ശ്രദ്ധിച്ചു. അവൾ ഉപയോഗിക്കുന്ന തരം മണമല്ല അത്.

കുതൂഹലത്തോടെ ഞാൻ അവളുടെ അടിവസ്ത്രം കയ്യിലെടുത്തു.

അതിൻ്റെ നടുഭാഗത്ത് എന്തോ ഒന്ന് ഉണങ്ങിപ്പിടിച്ച