Chapter Title : ഭൂമിയിലെ ഗന്ധർവ്വൻ 2 [Mizmu-The copier]

കൊടുത്തു

.

"പേടിക്കേണ്ട... ഇതെല്ലാം നിനക്കുള്ളതാണ്, നമ്മുടേതാണ്,"

ഞാൻ അവളുടെ കാതോരം മന്ത്രിച്ചു..

.

ആദ്യമായി കൊട്ടാരത്തിലെ ഒരുക്കങ്ങളും ആ വിഭവങ്ങളും കണ്ടുള്ള ആ അമ്പരപ്പ് മാഞ്ഞ്, എന്റെ സാന്നിധ്യം അവൾക്ക് ആശ്വാസമായി മാറി. പിന്നീട് അവൾ ഒരു ചെറിയ പുഞ്ചിരിയോടെ എന്നെ നോക്കി, ആ രാത്രിയിലെ ഞങ്ങളുടെ ആദ്യത്തെ അത്താഴം വളരെ ശാന്തമായി ഞങ്ങൾ ഒരുമിച്ച് ആസ്വദിച്ചു.

.

അത്താഴത്തിനു ശേഷം, വിവാഹം കഴിയാത്തതുകൊണ്ട് തന്നെ അവൾക്ക് വിശ്രമിക്കാനായി കൊട്ടാരത്തിന്റെ മറ്റൊരു ഭാഗത്തുള്ള മനോഹരമായ ഒരു മുറി ഞാൻ ഒരുക്കിയിരുന്നു. കൊട്ടാരത്തിലെ തോഴിമാർ അവളെ ആ മുറിയിലേക്ക് ആനയിച്ചു. ഞാനും അവരോടൊപ്പം ആ മുറിയുടെ മുന്നിലെത്തി.

.

കതകു തുറന്ന് അകത്തേക്ക് കയറിയ അവൾ ഒരു നിമിഷം സ്തംഭിച്ചു നിന്നുപോയി.

അതുവരെ ചോർന്നൊലിക്കുന്ന, പൊളിഞ്ഞു വീഴാറായ ആ ചെറിയ കൂരയിലാണല്ലോ അവൾ കഴിഞ്ഞിരുന്നത്. എന്നാൽ ഇപ്പോൾ അവളുടെ കണ്ണുകൾക്ക് മുന്നിൽ തെളിഞ്ഞുനിന്നത് ഒരു സ്വപ്നലോകമായിരുന്നു.

നിലാവിന്റെ വെളിച്ചം പോലെ വെൺമയുള്ള പട്ട് വിരിച്ച ആ വലിയ രാജകീയ കിടക്കയും, ചുവരുകളിൽ തീർത്ത മനോഹരമായ ചിത്രവേലകളും, സുഗന്ധം പരത്തുന്ന പൂക്കളുടെ അലങ്കാരങ്ങളും, മുറിയിലെ സ്വർണ്ണ വിളക്കുകളുടെ പ്രകാശവുമെല്ലാം കണ്ട് അവൾ അമ്പരന്നുപോയി.

താൻ ഇതുവരെ കണ്ടിട്ടില്ലാത്ത ആ കാഴ്ചകൾ വിശ്വസിക്കാനാവാതെ അവൾ കണ്ണ് തിരുമ്മി നോക്കുന്നത് ഞാൻ കണ്ടു.

മുറിയിലെ ആഡംബരങ്ങൾ കണ്ടുനിന്ന അവൾ പതുക്കെ എന്റെ അരികിലേക്ക് വന്ന്, വിറയാർന്ന ശബ്ദത്തോടെ ചോദിച്ചു:

"വ്യോമ ... ഇതെല്ലാം... ഇതെല്ലാം എനിക്കുവേണ്ടി ഉള്ളതാണോ? എന്റെ ആ ചെറിയ കൂരയിൽ നിന്ന് ഒരൊറ്റ രാത്രികൊണ്ട് ഇങ്ങനെയൊരു സ്വപ്ന ലോകത്തേക്ക്