Chapter Title : ബിയൊണ്ട് ബൗണ്ടറി [Eliyo Jordy]

ലൈറ്റ് ഓഫ് ചെയ്തു കുറച്ചുനേരം ആയെങ്കിലും ഇരുവർക്കും ഉറക്കം വന്നിരുന്നില്ല. കബീറിൻ്റെ മനസ്സിൽ അപ്പോഴും പൂന്തോട്ടത്തിൽ കണ്ട കാഴ്ച ആയിരുന്നു. പറയാൻ മടിച്ച ഒരു വികാരം അവനെ അസ്വസ്ഥനാക്കി.

"സുഹ്റാ..." കബീർ പതിഞ്ഞ സ്വരത്തിൽ വിളിച്ചു.

"മ്മ്..." അവൾ മൂളി.

"ഇന്ന് പൂന്തോട്ടത്തിൽ നീ റിയാസിനൊരു റോസാപ്പൂച്ചെടി കാണിച്ചു കൊടുത്തില്ലേ?..." അവൻ ചോദിച്ചു. അവൻ്റെ ശബ്ദത്തിൽ ഒരുതരം പതർച്ചയുണ്ടായിരുന്നു.

"ഓ, അതേയ്...," സുഹ്റ മറുപടി പറഞ്ഞു.

"അവൻ നിന്നോട് എന്തെങ്കിലും പ്രത്യേകമായി പറഞ്ഞോ?" കബീർ വീണ്ടും ചോദിച്ചു. അവൻ്റെ ചോദ്യം അൽപ്പം വിചിത്രമാണെന്ന് അവൾക്ക് തോന്നി.

"എന്ത് പ്രത്യേകമായി??..." സുഹ്റ എന്താണെന്നറിയാതെ അവനെ നോക്കി ചോദിച്ചു

അല്ലടി നിങ്ങൾ എന്താ പറഞ്ഞത് എന്ന് അറിയാൻ വേണ്ടി ചോദിച്ചതാ "... കബീർ വേഗം വിഷയം മാറ്റി

"ഏയ്, ഒന്നുമില്ല. ആ റോസാച്ചെടിയെക്കുറിച്ചും അതിൻ്റെ ഇനത്തെക്കുറിച്ചുമൊക്കെ ചോദിച്ചു," സുഹ്റ പറഞ്ഞു.

കബീർ ഒന്നു നിശ്വസിച്ചു. തൻ്റെ ഉള്ളിലെ വികാരം എങ്ങനെ അവളോട് പറയണം എന്ന് അവനറിയില്ലായിരുന്നു. നേരിട്ട് ചോദിച്ചാൽ അവൾ എങ്ങനെ പ്രതികരിക്കുമെന്ന് അവന് ഭയമുണ്ടായിരുന്നു. അൽപനേരത്തെ മൗനത്തിനു ശേഷം ,

"സുഹ്റാ, നമ്മൾ രണ്ടുപേരും ഒരുമിച്ചായിട്ട് എത്ര വർഷമായി?" അവൻ വിഷയം മാറ്റാൻ ശ്രമിച്ചു.

"ഇപ്പൊ പതിനഞ്ച് വർഷം കഴിഞ്ഞില്ലേ ഇക്കാ...!! എന്തേ ഇപ്പോൾ ചോദിക്കാൻ ?" അവൾ ചിരിയോടെ പറഞ്ഞു.

"അതെ. ഈ വർഷങ്ങളിൽ നമ്മൾ ഒരുപാട് സന്തോഷിച്ചിട്ടുണ്ട്, അല്ലേ?"

"ഓ, തീർച്ചയായും. നിങ്ങളെ ഭർത്താവായി കിട്ടിയത് എൻ്റെ ഭാഗ്യമാണ്."... അവളുടെ വാക്കുകൾ അവന് ഒരു താൽക്കാലിക ആശ്വാസം നൽകി. പക്ഷേ, അവൻ്റെ ഉള്ളിലെ ആ വിചിത്രമായ