Chapter Title : Black Dahlia 8 [Parvathi]

ഉള്ളിലേക്ക് കയറ്റി....എന്താണെന്ന് സംഭവിക്കുന്നതെന്ന് ചിന്തിക്കുന്നതിനുമുന്നേ ദേവികയെ തള്ളിനീക്കി മറ്റൊരാൾ കൂടെ പിൻ സീറ്റിലേക്ക് കയറിയിരുന്നു, ഡോർ അടച്ചു....

ശബ്ദം പുറത്തുവരാതെ ദേവികയുടെ കണ്ഠം മരവിച്ചു....നീലാന്ധര വനത്തിന്റെ ഉള്ളിലെ ഇടുങ്ങിയ വഴിയിലൂടെ കാർ മുന്നോട്ട് നീങ്ങിയതും ദേവിക സംശയത്തോടെ തന്റെ വലതു വശത്തും ഇടതുവശത്തും ഇരിക്കുന്ന വ്യക്തികളെ നോക്കി.... അഷ്‌കർ അലി.... ഭദ്രൻ...... കറുത്തിരുണ്ട രണ്ട് തടിയന്മാർ.... വിയസിന്റെ രണ്ടുകൈകൾ.... അയാൾക്കു വേണ്ടി കൊല്ലാനും മടിയില്ലാത്തവർ.....ഇരുവരും വിയസിന്റെ വേട്ടനായിക്കളാണെന്ന് ആദർശ് ഒരിക്കൽ പറഞ്ഞത് ദേവിക ഓർത്തു.....

"എങ്ങോട്ടാ പോണേ...."

അല്പസമയം കഴിഞ്ഞതും ശക്തി സംഭരിച്ച് ദേവിക ചോദിച്ചു....

"ചോദ്യങ്ങൾ വേണ്ട.... ഇന്ന് രാത്രി എന്റെ അടിമയല്ലേ നീ.... അടിമയെപ്പോലെ മിണ്ടാതെ അടങ്ങി ഇരിക്ക്...."

കണ്ണാടിയിലൂടെ ഭയന്നിരിക്കുന്ന ദേവികയെ നോക്കി വിയസ് ശബ്ദം കനപ്പിച്ചു.....നാളെ കാലത്തെ ഡ്രഗ്സ് തരാമെന്ന വിയസിന്റെ വാക്ക് ഓർത്തതും അവളൊന്ന് ശാന്തമായി, കൈകൾ കൂട്ടി തിരുമി അറവ് മാടിനെപ്പോലെ ആ രണ്ട് തടിമാടന്മാരുടെ നടുവിൽ ഇരുന്നു....

വനപ്രദേശം കഴിഞ്ഞ് കാർ മെയിൻ റോഡിലേക്ക് കയറിയതും അഷ്‌കർ മുഖം ഇടത്തേക്ക് ചരിച്ച് ദേവികയുടെ അപ്പുറം ഇരിക്കുന്ന ഭദ്രനെ കണ്ണുകാണിച്ചു, അവൻ ഉടനെ പോക്കറ്റിൽ നിന്നും വെള്ളപൊടി നിറച്ച ഒരു പാക്കറ്റ് പുറത്തേക്ക് എടുത്ത് ദേവികയുടെ മുന്നിൽ കൂടെ അഷ്‌കറിന്റെ നേരെ നീട്ടി....അവനതു വാങ്ങി പൊട്ടിച്ച് അല്പം കൈയിലേക്ക് വിതറി മൂക്കിനോട് ചേർത്തു വച്ച് ഉള്ളിലേക്ക് വലിച്ചുകയറ്റി.....

ലഹരിയുടെ ഗന്ധമറിഞ്ഞ ദേവിക വിറച്ചു... കാറിലെ ഏസിയിലും അവളുടെ ശരീരം വിയർത്തൊഴുകി....തലച്ചോറും സിരകളും ഒരിറ്റു ലഹരിക്കുവേണ്ടി നിലവിളിക്കുന്നുണ്ടായിരുന്നു....

"എന്താടി.... നിനക്ക് വേണോ...."

അവളുടെ നോട്ടം കണ്ട് അഷ്‌കർ പരുക്കൻ ശബ്ദത്തിൽ ചോദിച്ചു..... ദേവിക ആർത്തിയോടെ തലയാട്ടി.... അവളുടെ ചുണ്ടിന്റെ കോണിൽ നിന്നും കൊതിവെള്ളം ഉറവപോലെ ഒഴുകി....

"ഡാ വേണ്ടാട്ടോ.... രണ്ട് മഷ്‌റൂം ഇണ്ട് അവളുടെ വയറ്റിൽ...."

പിന്നിലേക്ക് നോക്കി വിയസ് പറഞ്ഞു

"ഇവൾക്കൊക്കെ അത് എന്താവാനാടാ....ഡീ കൊച്ചേ.... നീ എന്റെകൂടെ പോര്.... വെപ്പാട്ടി ആയിട്ട്......നിനക്ക് ഡെയിലി സാധനം ഞാൻ തരാം......."

അവളുടെ മുടിയിൽ തലോടി നാല്പത്തിയഞ്ച് വയസിലേറെ പ്രായമുള്ള ഭദ്രൻ പറഞ്ഞു.... കിളുന്ത് പെണ്ണ്.... പതിനെട്ടോ പത്തൊമ്പതോ വയസ്സ് പ്രായം ഉണ്ടാകും.....ഭദ്രനെ