Chapter Title : 🏘️ബോസ്റ്റൻ ബംഗ്ലാവ് 10 [Gladiator]

അവൾ.അവളുടെ കണ്ണുകൾ വീണ്ടും അടഞ്ഞു. ലൈല തല കറങ്ങി ആ മാന്ത്രിക കളത്തിന് മുന്നിൽ വീണു.ആ മുറിയാകെ ശക്തമായ കാറ്റു വീശി. ആ കറ്റിൽ നിലത്ത് ഉപ്പ് കൊണ്ട് വരച്ചിരുന്ന കളം കാറ്റിൽ മാഞ്ഞു. പിശാചുക്ൾ ഈ ബംഗ്ലാവ് വിട്ട് പോവുക ആണെന്ന് ആന്റണിക്ക് മനസിലായി. തന്റെ ഭാര്യ എന്താണോ ചെയ്തത്, അത് ഫലിച്ചു എന്നവന് തോന്നി.

ആന്റണി നിലത്തു കിടന്ന ലൈലയെ കോരി എടുത്തു താഴത്തെ നിലയിലേക്ക് ഓടി.അവർ ആ മുറിവിട്ട് ഇറങ്ങിയതും മാന്ത്രിക കളത്തിന് നടുവിൽ വെച്ചിരുന്ന മാന്ത്രികക്കല്ല് പൊട്ടിത്തെറിച്ചു. അതിൽ നിന്നും കറുത്ത പുറകെ അവിടെമാകെ പരന്ന ശേഷം വായുവിൽ മാഞ്ഞുപോയി.

https://imgur.com/gallery/gS3lQtR

🔸🔸🔸

“ഞാൻ.. ഞാനിത് എവിടെയാ….?”അപരിചിതമായ ബെഡ്‌റൂമിൽ ഉറക്കം ഉണർന്ന ലൈല ചുറ്റും നോക്കികൊണ്ട് ചോദിച്ചു. ആന്റണിയുടെ മുഖം അരികിൽ കണ്ടതും അവൾക് ആശ്വാസം തോന്നി, ജൂലിയും ജോർജും റൂമിന്റെ ഒരു വശത്തു നിൽപ്പുണ്ട്.

“ഇത് ഇവിടുത്തെ ഗസ്റ്റ്‌ റൂം ആണ്”നിർവികാരമായ മുഖത്തോടെ ജൂലി പറഞ്ഞു.

ലൈല കട്ടിലിൽ എഴുനേറ്റ് ഇരിക്കാൻ തുടങ്ങി…അവൾക് തലയ്ക്കു നല്ല ഭാരം തോന്നി. ജൂലിയും ആന്റണിയും അവളെ എഴുന്നേറ്റ് ഇരിക്കാൻ സഹായിച്ചു. “എ.. എന്താ സംഭവിച്ചത്…?” ലൈല ചോദിച്ചു.

“അറിയില്ല.. നീ എന്ത് വിഷൻ ആണ് കണ്ടത്….? നമ്മുടെ മാന്ത്രികകല്ല് വരെ പൊട്ടിപ്പോയി. ഇത്രയും ശക്തിയുള്ള സെലസ്റ്റിയൽ പവർ ഞാൻ കണ്ടിട്ടില്ല…. പിന്നെ ഞാൻ ഈ ബംഗ്ലാവ് മുഴുവൻ നമ്മുടെ മെഷീൻ വെച്ചു ചെക്ക് ചെയ്തു, നോ സൈൻസ് ഒഫ് എനി സ്പിരിറ്റ്‌…ആത്‍മാക്കളുടെ ഒരു അടയാളം പോലും ഈ ബംഗ്ലാവിൽ ഇല്ല.. എല്ലാം പോയി…”ജയിച്ച മുഖഭാവത്തോടെ ആന്റണി പറഞ്ഞു.

ലൈല അത് കെട്ട് അവിടിരുന്നു.

“നിനക്ക് നടക്കാൻ പറ്റുമോ…. വീട്ടിൽ പോകണ്ടേ…?” ആന്റണി ചോദിച്ചു.

അവൾ എഴുന്നേൽക്കാൻ നോക്കി. പക്ഷെ സാധിച്ചില്ല.. ശരീരത്തിലെ എല്ലുകൾ   ഒടിയുന്നത് പോലെ അവൾക് തോന്നി.

“ശേ.. എനിക്ക് കൊച്ചി വരെ ഒന്നു പോകണം. ഇന്നലെ ഞാൻ സംസാരിച്ചത് അല്ലേ…”ആന്റണി നിരാശയോടെ ചോദിച്ചു.

“ഒരു കാര്യം ചെയ്. ലൈല ഇവിടെ കിടന്നു റസ്റ്റ്‌ എടുക്കട്ടേ.. ആന്റണി പോയി വരു…”ജൂലി പറഞ്ഞു.

“മ്മ്.. അതെ..” ജോർജും മൂളി.

ലൈലക്കും അതായിരുന്നു താല്പര്യം കാരണം അവൾ വല്ലാണ്ട് തളർന്നിരുന്നു.

“ഞാൻ കുടിക്കാൻ സൂപ് എടുക്കാം..ആരോഗ്യം ഒക്കെ വെച്ചിട്ട് പോയാൽ മതി, രാത്രി ഇവിടെ സ്റ്റേ ചെയ്താലും ഞങ്ങൾക്ക് സന്തോഷമേ ഉള്ളു. ഞങ്ങൾക്ക് വലിയൊരു സഹായം അല്ലേ ചെയ്തത്”