Chapter Title : 🏘️ബോസ്റ്റൻ ബംഗ്ലാവ് 10 [Gladiator]

ജൂലി പറഞ്ഞു.

ജോർജിനു ഇതൊക്കെ അല്പം കൂടുതലായി തോന്നി. എങ്കിലും അവൻ പരിഭവം മുഖത്ത് കാണിച്ചില്ല.

ആന്റണി വൈകാതെ അവരോടൊക്കെ യാത്ര പറഞ്ഞു അവിടെ നിന്നും യാത്ര തിരിച്ചു.

🔸🔸🔸

ഡാനിയേൽ കോളേജ്  ബസ് ഇറങ്ങി വീട്ടിലേക്ക് നടന്നു. ബസ് ഇറങ്ങിയ ഡെയ്സി ബംഗ്ലാവിലേക്ക് നടക്കാതെ പുറത്ത് നിന്ന് ഫോണിൽ ആരോടോ സംസാരിക്കുക ആയിരുന്നു. അത് ആദം ആവും. അവളുടെ കാമുകൻ.

ഡാനിയേൽ ബംഗ്ലാവിന് അടുത്തേക്ക് നടന്നു. പെട്ടെന്ന് നല്ലൊരു കാറ്റു വീശി. അന്തരീക്ഷം ആകെ മാറി. വൈകുന്നേരം ആയിരുന്ന കാലാവസ്ഥ ഒരു നിമിഷം കൊണ്ട് കൂരിരുട്ടായി..

“എങ്ങനെയാണ് ഇത്ര പെട്ടെന്ന് ഇരുട്ടായത്?”അവൻ സ്വയം ചോദിച്ചു.

ഡാനിക്ക് എന്തോ പന്തികേട് തോന്നി. അവൻ ചുറ്റും നോക്കി. ബംഗ്ലാവും പരിസരവും വല്ലാണ്ട് മാറിയിരിക്കുന്നു. ബംഗ്ലാവിന്റെ പെയിന്റ് തന്നെ മാറി, ബംഗ്ലാവിന് ചുറ്റുമുള്ള പൂതോട്ടം മികച്ച രീതിയിൽ സംരക്ഷിച്ചിരിക്കുന്നു. അവന് ഒന്നും മനസിലായില്ല.

“വഴീന്ന് മാറു..”ഒരു പരുക്കൻ ശബ്ദം പിന്നിൽ നിന്നും അവൻ കേട്ടു. പെട്ടെന്ന് ആരോ അവനെ തള്ളിതാഴെയിട്ടു.അവൻ നിലത്തേക്ക് വീണു.

“വേഗം വൈദ്യന്റ അടുത്തേക്ക് കൊണ്ട് പോ.. ഈ സ്ത്രീ ഇല്ലെങ്കിൽ മരിക്കും.ഇയാളിത് എത്രാമത്തെ തവനെയാ ഈ പെണ്ണിനെ ഇങ്ങനെ……”ആ പുരുഷ ശബ്ദം വീണ്ടും അവൻ കേട്ടു.

നിലത്തു വീണ ഡാനിയേൽ തല ഉയർത്തി നോക്കി.4-5 ആണുങ്ങൾ ചേർന്നു ആരെയോ തൂക്കി കുതിരവണ്ടിയിൽ കയറ്റുന്നു.ഒന്നും മനസിൽ ആകാതെ അവൻ നിലത്തിരുന്നു ആ കാഴ്ച നോക്കി.

“വാ.. എന്റെ കൂടെ വാ…”ഒരു സ്ത്രീ ശബ്ദം അവന്റെ കാതിൽപ്പതിഞ്ഞു.

കത്രീന അവന്റെ മുന്നിൽ പ്രത്യകഷപ്പെട്ടു. പക്ഷെ അവളിൽ എന്തോ ഒരു മാറ്റം അവന് തോന്നി.അവൾ ഗർഭിണി അല്ലായിരുന്നു, മാത്രമല്ല അവളുടെ ശരീരത്തിൽ ഒരുപാട് മുറിവുകൾ ഉണ്ടായിരുന്നു, ആ മുറിവുകളിൽ നിന്നും ചോര ഇറ്റ് ഇറ്റ് വീഴുന്നുണ്ട്.തനിക്ക് നേരെ നീട്ടിയ കത്രീനയുടെ കൈയിൽ പിടിച്ചുകൊണ്ട് ഡാനിയേൽ എഴുനേറ്റു.

“കത്രീന…. നിനക്ക് എന്ത് പറ്റി…”അവളുടെ കുളിരു കോരുന്ന കൈകളിൽ പിടിച്ചു എഴുന്നേറ്റപ്പോൾ അവൻ ചോദിച്ചു.

“വ…നമുക്കൊന്ന് നടക്കാം….” എഴുന്നേറ്റ ഡാനിയേയും കൂട്ടി ബാംഗ്ലാവിനു ഉള്ളിലേക്ക് നടന്നു. കത്രീനയുടെ മുഖത്തെയും, ശബ്ദത്തിലെയും തളർച്ച അവൻ ശ്രദ്ധിച്ചു.

“ഇത് എങ്ങോട്ടാ…?..?” അവൻ ചോദിച്ചു. അവൻ ആ ബംഗ്ലാവിലേക്ക് നോക്കി. പുത്തൻ പുതിയത് പോലെ തോന്നി.

“ഡാനിയേൽ.. നമ്മളിപ്പോൾ പാസ്റ്റിൽ ആണ്.എന്റെ കഴിഞ്ഞ കാലത്തിൽ. ഇത് 2024 അല്ല…19 ആം നൂറ്റാണ്ടിൽ ആണ് നമ്മളിപ്പോൾ” അവൾ പറഞ്ഞു.

ഡാനിയേൽ ചുറ്റും നോക്കി.