Chapter Title : 🏘️ബോസ്റ്റൻ ബംഗ്ലാവ് 10 [Gladiator]

എന്തെങ്കിലും പറ്റിക്കാണുമോ..? അവൾക് എന്റെ സഹായം വല്ലതും വേണോ..?

കത്രീനയെ തിരക്കി അവനാ ബംഗ്ലാവ് അരിച്ചു പെറുക്കി…പക്ഷെ കാര്യമൊന്നും ഉണ്ടായില്ല.

നിരാശനായി അസ്തമയ സൂര്യനെ നോക്കി അവൻ ജന്നലിൽ നിന്ന് തല പുറത്തിട്ടു നിന്നു.

🔸🔸🔸

അത്താഴസമയം ജോർജും മകൾ ഡെയ്സിയും സിനിമാക്കാര്യം ചർച്ച ചെയ്യുക ആയിരുന്നു. എന്നാൽ കത്രീനയെ ഓർത്തു വിഷമിച്ചിരുന്ന ഡാനിയേൽ പ്ലേറ്റിലെ ആഹാരം താല്പര്യമില്ലാത്ത മുഖഭാവത്തോടെ കിള്ളി കിള്ളി കഴിക്കുക ആയിരുന്നു.

കാലിൽ ആരോ ചവിട്ടത് പോലെ തോന്നിയ ഡാനിയേൽ തല ഉയർത്തി നോക്കി. അമ്മയായിരുന്നു അത്, ജൂലി.

“എന്താ.. എന്തെങ്കിലും പ്രശനം ഉണ്ടോ.. ഓക്കേ അല്ലേ…?” ജോർജും ഡെയ്സിയും കേൾക്കാതെ ജൂലി അവനോട് ചോദിച്ചു.

“അത്.. ഓക്കേ ആണ്….!” ഡാനിയേൽ പറഞ്ഞു. ആഹാരം കഴിച്ചു എന്ന് വരുത്തിതീർത്ത ശേഷം ഡാനിയേൽ ബെഡ്റൂമിലേക്ക് പോയി.

മകൻ നടന്നു പോകുന്നത് ജൂലി സംശയത്തോടെ നോക്കിയിരുന്നു.അവൻ തന്നെ ശരിക്കൊന്ന് ശ്രദ്ധിക്കുക പോലും ചെയ്യാത്തതിൽ അവൾക്കല്പം വിഷമം ഉണ്ടായിരുന്നു.കണ്മുന്നിൽ നിന്നും ഡാനിയേൽ മാഞ്ഞതും അവൾ അടുത്തിരുന്ന മൊബൈൽ കയ്യിലെടുത്ത് നോക്കി.

ഒരാഴ്ച മുൻപ് ബംഗ്ലാവിൽ വരച്ച മാന്ത്രിക സിംബൽസ് നോക്കാനായി ലൈലയും, ആന്റണിയും നാളെയാണ് ബംഗ്ലാവിലേക്ക് വരുന്നത്. അവർ ആവശ്യപ്പെട്ട സാധനങ്ങൾ ഒക്കെ റെഡി ആക്കിയോ എന്ന് മൊബൈൽ നോക്കി ചെക്ക് ചെയുക ആയിരുന്നു ജൂലി.

🔸🔸🔸

പിറ്റേന്ന്. ബോസ്റ്റൻ ബംഗ്ലാവിൽ.

“നമ്മൾ ഇതുവരെ പോയ സ്ഥലങ്ങൾ പോലെയല്ലേ.. ഈ ബംഗ്ലാവിൽ വലിയൊരു evil ന്റെ സാന്നിധ്യം ഉള്ളത് പോലെ എനിക്ക് തോനുന്നു” നിലത്ത് ഉപ്പ് കൊണ്ടുള്ള കളം വരച്ചുകൊണ്ട് ആന്റണി ഭാര്യയോട് ചോദിച്ചു.

“എനിക്കും തോന്നുന്നുണ്ട്…എങ്കിലും