Chapter Title : 🏘️ബോസ്റ്റൻ ബംഗ്ലാവ് 13 [Gladiator]

കൂട്ടുന്ന പാപങ്ങളിൽ നിന്നും ഞാൻ നിങ്ങളെ മോചിപ്പിക്കാം..” ഫെഡറിക്കിന്റെ ശബ്ദം അവളെ പിന്തുടർന്നു.

ഓടി ഡെയ്സിയുടെ റൂമിൽ കയറിയ ജൂലി വാതിൽ പൂട്ടിയ ശേഷം ഷെൽഫിൽ ഇരുന്ന മാന്ത്രിക പൊതി കണ്ടെത്തി.പക്ഷെ ആ ചെറിയ പൊതിക്ക് കരിംകല്ലിന്റെ ഭാരം അവൾക് അനുഭവപ്പെട്ടു.വാതിലിനു പുറത്തുള്ള കോണിപ്പടികളിൽ കടുത്ത കാൽപ്പാദങ്ങൾ മുഴങ്ങി.ഒരു നിമിഷം കൊണ്ട് ആ കാൽപാദങ്ങളുടെ വേഗത കൂടിയത് പോലെ അവൾക്ക് തോന്നി. മാന്ത്രിക പൊതി ഷെൽഫിൽ നിന്ന് താഴേക്ക് ഇട്ട ശേഷം എങ്ങനെയൊക്കെയോ അത് വലിച്ചിഴച്ച് വാതിലിനു മുന്നിൽ കൊണ്ടിട്ടു.ഭയത്തിൽ ജൂലി വാതിലിനു മുന്നിൽ നിന്ന് കിതച്ചു.

“വാതിൽ തുറക്ക്.. നീയും നിന്റെ മക്കളും ചെയ്ത് കൂട്ടുന്ന ദൈവത്തിനു നിരക്കാത്ത പ്രവർത്തികളിൽ നിന്നും ഞാൻ നിങ്ങളെ മോചിപ്പിക്കാം…വാതിൽ തുറക്കടി…” ഫെഡറിക്ക് അലറി.

“നോ നോ…” പേടിച്ച ജൂലി തിരിഞ്ഞു മകളുടെ കിടക്കയിലേക്ക് ഓടിക്കയറി.. അവൾ പുതപ്പിനടിയിൽ കയറി ഡെയ്സിയെ കെട്ടിപ്പിടിച്ചു. പതുക്കെ വീടിൻ്റെ കുലുക്കം കുറഞ്ഞു. വാതിലിനു പുറത്ത് ഫെഡറിക്കിന്റെ ശബ്ദം നിശബ്ദമായി. താമസിയാതെ, എല്ലാം സാധാരണ പോലെ അവൾക് തോന്നി.

“അമ്മേ….?” ബെഡിലേക് അനക്കം കാരണം കണ്ണ് തുറന്നപ്പോൾ പുതപ്പിനടിയിൽ പാന്റീസ് മാത്രം ധരിച്ചു കിടക്കുന്ന അമ്മയെ കണ്ട ഡെയ്സി ഞെട്ടി. “എന്താ..എന്താ അമ്മേ..എന്ത് പറ്റി..?”

“ഏയ്.. ഒന്നുമില്ല മോളേ…ഉറങ്ങിക്കോ.. ഇന്ന് അമ്മ നിന്റെ കൂടെയാ കിടക്കുന്നെ…” വിറയ്ക്കുന്ന ശരീരവുമായി അവൾ പറഞ്ഞു. ഡെയ്സി അവിടെ നടന്ന ഒരു കാര്യവും അറിഞ്ഞിരുന്നില്ല.

“എല്ലാം ഓക്കെ ആണോ…?

“എല്ലാം ഓക്കെ.. അമ്മേടെ പൊന്ന് ഉറങ്ങിക്കോ…”ജൂലി മകളെ കെട്ടിപ്പിടിച്ചു.

“മ്മ്.. ഓക്കെ..”പാതി മയക്കത്തിൽ ആയിരുന്ന ഡെയ്സി അമ്മയെ കെട്ടിപ്പിടിച്ചു വീണ്ടും ഉറങ്ങാൻ തുടങ്ങി.ജൂലിയുടെ കൈകളിൽ കിടന്ന് അവൾ വീണ്ടും ഉറക്കത്തിലേക്ക് വഴുതി വീണു.

🔸🔸🔸

ജൂലിയോട് പറഞ്ഞത് പോലെ കത്രീന ഡാനിയുടെ റൂമിലേക്ക് എത്തി.ഡാനിയെ കത്രീന ഉറക്കത്തിൽ നിന്നും എഴുനേൽപ്പിച്ചു. അവൾ വീണ്ടും ഗർഭിണി ആയത് അവൻ ശ്രദ്ധിച്ചു. അതായത് ലൈലയും ആന്റണിയും ചേർന്ന് നശിപ്പിച്ച, അല്ലെങ്കിൽ ഫെഡറിക്കിനോട്‌ പോരാടി നഷ്ടപെട്ട അവളുടെ ശക്തി തിരികെ ലഭിച്ചിരിക്കുന്നു.

“വേഗം.. സമയമില്ല.. വേഗം എഴുന്നേൽക്ക്.. നമുക്ക് പോകണം…” കത്രീന ആ റൂമിലെ, അവൾക് മാത്രം അറിയാവുന്ന ഒരു സ്വിച്ചിൽ ഞെക്കിയതും റൂമിലെ തീകത്തിക്കുന്ന ചിമ്മിനിയുടെ അടുത്തായി ഒരു രഹസ്യ വാതിൽ തുറന്നു.ഡാനിക്ക് ബംഗ്ലാവ് കുലുങ്ങുന്നത് പോലെ തോന്നി. ഒപ്പം എവിടെ നിന്നോ ഫെഡറിക്കിന്റെ ശബ്ദം കേട്ടു.

“എന്താ.. എന്താ സംഭവിക്കുന്നത്…,?” ഡാനിയേലിന് അവളുടെ ഗർഭത്തെക്കുറിച്ച്