Chapter Title : 🏘️ബോസ്റ്റൻ ബംഗ്ലാവ് 17 [Gladiator]

മുന്നിൽ ഇരുന്നു.. “നീ വിചാരിക്കുന്നത് പോലെയല്ല സ്വർഗത്തിൽ ജീവിക്കുന്ന ദൈവം…അവനെ ചോദ്യം ചെയ്തതിന്റെ പേരിൽ അവൻ ലൂസിഫറെ സ്വർഗത്തിൽ നിന്നും പുറത്താക്കി…എന്നാൽ ഭൂമിയിൽ എത്തി എന്നെപ്പോലെ അടങ്ങാത്ത ആഗ്രഹം ഉള്ളവരെ അവൻ സഹായിക്കാൻ ശ്രമിക്കുമ്പോൾ നിന്ദ്യമായ വഴികളിലൂടെ ആ ദൈവം നിങ്ങളുടെ സന്തോഷങ്ങൾ കെടുത്താൻ ശ്രമിക്കും…”ചെറിയ ദേഷ്യത്തോടെ കത്രീന പറഞ്ഞു.

“നിന്ദ്യമായ മാർഗത്തിലൂടെ…?ഫ്രെഡറിക്കിനെയാണോ ഉദ്ദേശിച്ചത്?” ഫെഡറിക്കിനെകുറിച്ച് ഓർത്തപ്പോൾ തന്നെ അവന് അല്പം ഭയം തോന്നി.

“നീ എന്തിനാ അവനെപ്പറ്റി പറയുമ്പോൾ പേടിക്കുന്നെ…പേടിക്കണ്ട.. അവനിൽ നിന്നും ഞാൻ നിന്നെ സംരക്ഷിക്കും.അവൻ ഓരോ ദിവസം കഴിയും തോറും ദുർബലൻ ആയി മാറുകയാണ്.അന്ന് ആന്റണിയും ലൈലയും exorcism ചെയ്യാൻ വന്നപ്പോൾ അവൻ നന്നേ ദുർബലൻ ആയിരുന്നു.. അതിനാൽ ആണ് നിങ്ങൾ അന്നാ കരടിയുടെ കൈയിൽ നിന്നും രക്ഷപ്പെട്ടത്..

“അവൻ ഇനിയും…?

“വരും.. പക്ഷെ പേടിക്കണ്ട.. ഞാൻ രക്ഷിക്കും നിന്നെ.. നീ അവനെക്കുറിച്ചു ഓർക്കുക പോലും വേണ്ട..

“മ്മ്.. അല്ല.. നിങ്ങളും lucifer ഉം എങ്ങനെയാ മീറ്റ് ചെയ്തത്.. പ്ലീസ് പറ…

“ഡാനി.. വേണ്ട…നമുക്ക് അതിനെപ്പറ്റി പിന്നെ സംസാരിക്കാം…

“മ്മ്.. ഓക്കേ..നിനെത്തേടി ഒരു പ്രശ്നം വരുന്നുണ്ട്. അത് പറയാനാ ഞാൻ വന്നത്..

“എന്ത് പ്രശ്നം…?

“ഒരു സ്ത്രീ…അവൾ നിനക്കായി വരുന്നുണ്ട്…അവൾ ആരാണെന്ന് എനിക്കറിയില്ല…നീ ഒരു കാര്യം ചെയ്താൽ മാത്രം മതി…

“എന്ത് കാര്യം..?

കത്രീന അവൻ ചെയ്യേണ്ട കാര്യം ചെവിയിൽ പറഞ്ഞു കൊടുത്തു..

“മ്മ്.. ഓക്കേ.. പക്ഷെ ആ സ്ത്രീ ആരാണെന്ന് വെച്ചിട്ടാ ഞാൻ..?”ഡാനിയേൽ സംശയം പ്രകടിപ്പിച്ചു.

“സമയം ആകുമ്പോൾ നിനക്കത് മനസിലാകും…” കത്രീന അതും പറഞ്ഞു അവിടെ നിന്നും മാഞ്ഞുപോയി.

🔸🔸🔸