Chapter Title : 🏘️ബോസ്റ്റൻ ബംഗ്ലാവ് 17 [Gladiator]

വാതിൽ മുഴുവനായി തുറന്നുകൊണ്ട് ജൂലി പറഞ്ഞു.

“ഹായ്…” ഹാളിലേക്ക് കയറി നിന്നുകൊണ്ട് ലൈല ജൂലിയെ വിഷ് ചെയ്തു.

“ഇതെന്താ പെട്ടെന്ന് ഒരു വരവ്…? എന്തെങ്കിലും കാര്യം…?”ലൈലയുടെ വരവിന്റെ കാര്യം അറിയാനായി ജൂലി ചോദിച്ചു.

“ഇതിലെ പാസ്സ് ചെയ്ത് പോയപ്പോൾ ഒന്ന് കേറാമെന്ന് കരുതി. അത്രയേ ഉള്ളു

“ആഹ്ഹ്. ഓക്കേ ഓക്കേ..ആന്റണിക്ക് സുഖമല്ലേ…?

“അത്.. ആക്ച്വലി.. ഹി ഈസ്‌ മിസ്സിംഗ്‌.

“മിസ്സിംഗ്‌..?എന്താ..? എന്താ പറ്റിയത്…? “ജൂലി ചോദിച്ചു. ഈ സമയം ബംഗ്ലാവിന്റെ ഗേറ്റ് തുറന്ന് മറ്റൊരു സ്ത്രീ അകത്തേക്ക് നടന്നു വരുന്നത് ജൂലി കണ്ടു. കണ്ണിലേക്ക് സൂര്യപ്രകാശം അടിച്ചതിനാൽ അത് ആരാണെന്ന് അവൾക്ക് പെട്ടെന്ന് വ്യക്തമായില്ല.

“അറിയില്ല….എനിക്ക് ഒന്നും അറിയില്ല…

“ഏയ്.. വിഷമിക്കാതെ….”ജൂലി ലൈലയുടെ തോളിൽ കൈ വെച്ചുകൊണ്ട് ആശ്വസിപ്പിക്കാൻ നോക്കി.അപ്പോഴേക്കും ലൈലയുടെ പിന്നിലായി ഗേറ്റ് തുറന്ന് വന്ന സ്ത്രീ എത്തിയിരുന്നു.

“ഹലോ ജൂലി….”ആ സ്ത്രീ ജൂലിയെ വിഷ് ചെയ്തു.

“പ്രിൻസിപ്പൽ ഡയാന…മാഡം..വാട്ട്‌ എ സർപ്രൈസ്…” ഡാനിയുടെ പ്രിൻസിപ്പലായ ഡയാന, ജൂലിയെ കാണാനായി വീട്ടിലേക് നേരിട്ട് വന്നിരിക്കുന്നു.

പിറകിൽ വന്ന ഡയാനയ്ക്ക് കയറിപ്പോകാനായി ലൈല സൈഡിലെ ചുമരിലേക്ക് ചാരി നിന്നു കൊടുത്തു.

“മാഡം വിളി വേണ്ടെന്ന് ഞാൻ പറഞ്ഞിട്ടില്ലേ…ഡയാന.. അങ്ങനെ വിളിച്ചാൽ മതി”സ്റ്റെപ്പിൽ ചെരുപ്പ് ഊരികൊണ്ട് ഡയാന പറഞ്ഞു.

അപ്പോഴാണ് വാതിൽക്കൽ തനിക്ക് കയറിപ്പോകാനായി വഴിമാറി നിന്നുതന്ന സ്ത്രീയെ ഡയാന ശ്രദ്ധിച്ചത്.ഒരു മദാമ്മ. ഇരു കയ്യും നിറയെ ടാറ്റൂ കുത്തിയിരിക്കുന്നു.ലൈല സ്ലീവ്ലെസ്സ് ഇട്ടിരുന്നതിനാൽ ടാറ്റൂസ് നല്ല രീതിയിൽ കാണാം.കവിളിൽ കറുത്ത പാടും.

https://imgur.com/gallery/ifCWpeL

അന്ന് ഡെയ്സിയെ കാണാൻ തന്റെ മകൻ ആദം ബംഗ്ലാവിൽ വന്നപ്പോൾ ഡാനിയേൽ ഏതോ മദാമ്മയുമായി ലൈംഗികബന്ധത്തിൽ ഏർപ്പെടുന്നത് കണ്ടെന്നു പറഞ്ഞിരുന്നു. ഇനിയിപ്പോൾ ആ സ്ത്രീ ഇതായിരിക്കുമോ എന്ന ചോദ്യം ഡയാനയിൽ ഉണർന്നു.

ലൈലക്ക് ഒരു ചിരി സമ്മാനിച്ച ശേഷം ഡയാന അകത്തേക്ക് കയറി.

“ഇന്നെന്താ പള്ളിയിലേക്ക് വരാത്തത്…?ഇപ്പോൾ പള്ളിയിൽ കാണാറേ ഇല്ലലോ…?”ഡയാന ചോദിച്ചു.

“അത്.. ബംഗ്ലാവിൽ കുറച്ച് റിനോവേഷൻ വർക്ക്‌ നടക്കുന്നുണ്ട്. അതിന്റെ തിരക്കിലായിപ്പോയി.”ജൂലി മറുപടി നൽകി. എന്നാൽ സത്യത്തിൽ ഇപ്പോൾ ദൈവവുമായി ഒരു ബന്ധവും ജൂലിയും, ഡാനിയും പുലർത്തുന്നില്ല എന്നതാണ് സത്യം.

അവർ മൂവരും ഹാളിലേക്ക് കയറി.

“ലൈല.. ഇത് ഡയാന…ഡാനിയുടെയും ഡെയ്സിയുടെയും പ്രിൻസിപ്പൽ ആണ്.ഡയാന ഇത് ലൈല…”ജൂലി അവരെ പരസ്പരം പരിചയപ്പെടുത്തി.

“മലയാളം അറിയോ..?” ജൂലി ലൈലയയോട് മലയാളത്തിൽ സംസാരിക്കുന്നത് കണ്ടു ഡയാന ചോദിച്ചു.

“ഓ…അത്.. ഷി ഈസ്‌ ഇന്ത്യൻ. ഹാഫ് മലയാളിയാണ്. ആംഗ്ലോ ഇന്ത്യൻ..