Chapter Title : 🏘️ബോസ്റ്റൻ ബംഗ്ലാവ് 17 [Gladiator]

തന്നെ ചത്തു കുത്തു ഇരിക്കും. അവനെ പാചകത്തിൽ അവളൊന്നു സഹായിക്കുകപോലും ഇല്ല.

ഡാനിയും ഡയാനയും ഏറ്റവും അധികം ബുദ്ധിമുട്ടിയിരുന്നത് ടോയ്‌ലെറ്റിൽ പോകാൻ ആണ്. ആ കുഞ്ഞു വീടിനു പുറത്തായി മഞ്ഞിൽ ഒരു ക്ലോസേറ്റ് ഉണ്ട്. ടോയ്ലറ്റ് എന്ന് പറയാൻ സാധിക്കില്ല. മാനം മറയ്ക്കാനായി നാല് വശത്തും കർട്ടൻ മാത്രമാണ് ഉള്ളത്. അതും കനത്ത മഞ്ഞ് വീഴ്ച ഉണ്ടാകുന്ന സമയങ്ങളിൽ അങ്ങോട്ടേക്ക് പോകാനേ പറ്റില്ല.

ദിവസങ്ങൾ വീണ്ടും കടന്നുപോയി. അവർ ഈ കുഞ്ഞു വീട്ടിൽ കുടുങ്ങിയിട്ട് ഇന്നേക്ക് നാലാം ദിവസം ആയിരിക്കുന്നു. പുറത്തെ മഞ്ഞ് വീഴ്ച കുറഞ്ഞതോടെ പുറത്തെ കാഴ്ചകൾ കുറച്ചുകൂടി വ്യക്തമായ് കാണാൻ പറ്റുമിപ്പോൾ. അങ്ങകലെ നീളത്തിൽ കിടക്കുന്ന കൂറ്റൻ പാർവ്വത നിരകൾ കണ്ണിനു കുളിർമയേകുമ്മ കാഴ്ച തന്നെയായിരുന്നു.

എന്നാൽ ഡാനിക്ക് ഇനി എന്ത് ചെയ്യണമെന്ന് ഒരെത്തും പിടിയും കിട്ടിയിരുന്നില്ല.കത്രീന പറഞ്ഞത് പോലെ പ്രിൻസിപ്പലിനെക്കൊണ്ട് സാത്താനുമായി കരാറിൽ ഏർപ്പെടുത്തണം.. പക്ഷെ എങ്ങനെ..? ഇവിടെ എത്തിയ ശേഷം കത്രീനയെ കണ്ടതെ ഇല്ലാ.. അവളെ കണ്ടിരുന്നെങ്കിൽ സഹായം ചോദിക്കാമായിരുന്നു.

4 ദിവസമായി കുളിക്കാത്തതിന്റെ ഫലമായി സ്വന്തം ശരീരനാറ്റം ഡാനിയുടെ മൂക്കിലേക്ക് ഇരച്ചു കേറി. അവൻ അകത്ത് ഇരുന്ന വലിയൊരു പാത്രത്തിൽ മഞ്ഞ് ശേഖരിച്ചു നേരിപ്പൊടിന് അടുത്തായി വെച്ചു ഉരുക്കി വെള്ളമാക്കി.നേരിപ്പോടിനു അരികിലായി തന്നെ അല്പം ചരിച്ചു പാകിയ ടൈലിന് അടുത്തായി വെള്ളം പോകാൻ പറ്റുന്ന ഡ്രൈനേജ് അവൻ കണ്ടിരുന്നു.ചിലപ്പോൾ തുണി കഴുകിയ വെള്ളം പോകാനൊ., മറ്റെന്തെങ്കിലും അഴുക്ക് വെള്ളം പോകാനോ ആവുമതെന്ന് അവന് തോന്നി. എന്തായലും തൽക്കാലം അവിടെ നിന്ന് കുളിക്കാം എന്നവൻ തീരുമാനിച്ചു.

“നാറിയിട്ട് വയ്യ.. ഞാനൊന്ന് കുളിക്കാൻ പോകുവാ…”ഡാനിയേൽ പറഞ്ഞൂ. ജനാലയിലൂടെ പുറത്തേക്ക് നോക്കി ഇരുന്ന ഡയാന അവനെ നോക്കി. “മാഡത്തിന് നാറുന്നില്ലേ..? വേണമെങ്കിൽ ഒന്ന് കുളിച്ചേക്ക്…”.ഈ വീട്ടിൽ വന്ന അന്നുമുതൽ ആ സാരിയിൽ പൊതിഞ്ഞുമൂടി ഇരിക്കുകയാണ് ഡയാന. “ഇന്നലെ വന്ന ഭക്ഷണ പൊതിയിൽ 2 സോപ്പ് കൂടി ഉണ്ടായിരുന്നു. ഞാനൊന്ന് കുളിക്കാൻ പോകുവാ…”

“അതേടാ.. ഞാൻ എന്റെ സ്റ്റുഡന്റിന്റെ മുന്നിൽ തുണിയില്ലാതെ നിന്നു കുളിക്കാം….ഒന്ന് പോടാ…”പുച്ഛത്തോടെ അവൾ പറഞ്ഞു.

“ഞാൻ വേണെങ്കിൽ മാഡത്തിന്റെ ഡ്രെസ്സൊക്കെ കഴുകി തരാം…”ഒരു മടിയും കൂടാതെ അവൻ പറഞ്ഞു. “അഹ്.. എന്തായാലും ഞാനൊന്ന് കുളിക്കാൻ പോകുവാ…”എന്ന് പറഞ്ഞുകൊണ്ട് അവൻ പതിയെ ഡ്രസ്സ്‌ ഊരാനായി തുടങ്ങി.

“ഇത് നിന്റെ ബാത്രൂം അല്ല. നിനക്ക് കുളിയും കഴുകലും ഒക്കെ ഉണ്ടെങ്കിൽ വെളിയിൽ പോയി ചെയ്യ്. പുറത്തെ ടോയ്‌ലെറ്റിൽ പോ”