Chapter Title : 🏘️ബോസ്റ്റൻ ബംഗ്ലാവ് 17 [Gladiator]

അതാ ആ ലൂക്ക്സ്…”ചിരിച്ചുകൊണ്ട് ജൂലി പറഞ്ഞു. ലൈല മദാമ്മയാണെന്ന് ഡയാന തെറ്റിദ്ധരിച്ചു എന്നവൾക്ക് മനസിലായി.

“ഓ.. സോറി സോറി…ഞാൻ കണ്ടപ്പോൾ….”ഡയാന പറഞ്ഞു.

“ഇട്സ് ഒക്കെ…”ലൈല ചിരിച്ചു.

“അല്ല.. പെട്ടെന്ന് ഒരു വിസിറ്റ്…എന്തെങ്കിലും പ്രശ്നം..?” ഡയാനയെ നോക്കി ജൂലി ചോദിച്ചു.

“അത്.. എനിക്ക് ഡാനിയെപ്പറ്റി കുറച്ച് സംസാരിക്കണമായിരുന്നു.”ഡയാനയ്ക്ക് ലൈല അവിടെ നിൽക്കുന്നത് കൊണ്ട് സംസാരിക്കാൻ ഒരു ബുദ്ധിമുട്ട് ഉണ്ടായിരുന്നു. എന്നാൽ ലൈല ഇതൊന്നും ശ്രദ്ധിക്കാതെ ഫെഡറിക്കിന്റെ വാസഥലമായ ആ സീക്രെട് റൂമിൽ തന്നെ നോക്കിനിൽക്കുകയായിരുന്നു.

“ഡാനിയെക്കുറിച്ച് എന്താ…? എന്തെങ്കിലും പ്രശ്നം…?” ജൂലി ടെൻഷനോടെ ചോദിച്ചു.

ഇതേ സമയം ഡാനിയും ഡെയ്സിയും സ്റ്റെപ് ഇറങ്ങി താഴേക്ക് വരുകയായിരുന്നു. ഹാളിൽ ഏതോ രണ്ട് സ്ത്രീകൾ നില്കുന്നത് കണ്ട അവർ സ്റ്റെപ് ഇറങ്ങുന്നതിന്റെ വേഗ കുറച്ചു.

“അത്.. ഡാനിയേൽ…”ഡയാന ജൂലിയോട് എന്തോ പറയാനായി വന്നു.പക്ഷെ ലൈല ഇടയ്ക്ക് കയറി സംസാരിച്ചു.

“ചൊ.. ചോര…….. ചോര…!!!”പൂട്ടി കിടക്കുന്ന സീക്രെട് റൂം ചൂണ്ടി ലൈല അലറി വിളിച്ചു.

സീക്രെട് റൂമിന്റെ വാതിലിനു അടിയിലൂടെ കട്ട ചോര പുറത്തേക്ക് ഒലിച്ചു വരുന്നത് ലൈല കണ്ടു.

ലൈലയുടെ അലർച്ച കേട്ട് ഡയാനയും ജൂലിയും അങ്ങോട്ടേക്ക് നോക്കി, പക്ഷെ അവർ അവിടെ ചോര കണ്ടില്ല.

ഇവൾക്കെന്താ പ്രാന്ത്‌ ആണോ എന്ന മട്ടിൽ ഡയാന ലൈലയെ നോക്കി.

“ലൈല.. ആർ യൂ ഓക്കേ..?”ജൂലി ചോദിച്ചു

അപ്പോഴേക്കും ലൈല മയങ്ങി വീഴുന്നതായി തോന്നിയ ജൂലി ഓടി വന്ന് അവളെ താങ്ങിപ്പിടിച്ചു.

“ഇവിടെന്താ ബളഹം”എന്ന് ചോദിച്ചുകൊണ്ട് ജോർജ് അവിടേക്ക് ഓടി വന്നു.

“ജോർജ്.. ന്ന് പിടിച്ചേ.. തല കറങ്ങി വീണതാ..”ലൈലയെ താങ്ങിക്കൊണ്ട് ജൂലി പറഞ്ഞു.