Chapter Title : 🏘️ബോസ്റ്റൻ ബംഗ്ലാവ് 17 [Gladiator]

“ഇവളൊ..? ഇവരെന്താ ഇവിടെ…?!”ലൈലയെ ബംഗ്ലാവിൽ കണ്ട ജോർജ് ചോദിച്ചു.

“വന്ന് പിടിക്ക് ജോർജ്…മോളേ.. ലേശം വെള്ളം എടുത്തിട്ട് വാ…”ജോർജും ജൂലിയും ലൈലയെ താങ്ങി ഗസ്റ്റ് റൂമിലേക്ക് നടന്നു.

“മോനേ.. ദാ.. ഡയാന മാഡം.. ടീച്ചറെ ശ്രദ്ധിക്ക്.. ഞാൻ ദാ വരുന്നു..”ജൂലി പറഞ്ഞു.

അപ്പോഴാണ് തന്റെ കോളേജ് പ്രിൻസിപ്പൽ ഹാളിൽ ഇരിക്കുന്നത് അവൻ ശ്രദ്ധിച്ചത്.

“ടീച്ചർ.. കുടിക്കാൻ എന്തെങ്കിലും…?

“വേണ്ട..”ഡയാന പറഞ്ഞു.

പെട്ടെന്നാണ് ഡാനിക്ക് കത്രീന രണ്ട് ദിവസം മുമ്പ് തന്നോട് പറഞ്ഞ കാര്യം ഓർമ്മ വന്നത്. ഒരു സ്ത്രീ അവനെ തേടി വരും. അവളെ നിന്റെ റൂമിലെ സീക്രെട് വഴിക്ക് മുന്നിൽ കൊണ്ട് നിർത്തണം.അവളെക്കൊണ്ട് നീ സാത്താനുമായി കരാറിൽ ഏർപ്പെടുത്തണം.

കത്രീന പറഞ്ഞ ആ സ്ത്രീ പ്രിൻസിപ്പൽ ഡയാന ആണെന്ന് അവന് മനസിലായി.ബംഗ്ലാവിലേക്ക് എത്തുമെന്ന് ഡാനിയേൽ സ്വപ്നത്തിൽ പോലും കരുതാത്ത ആളായിരുന്നു പ്രിൻസിപ്പൽ.എത്രയും പെട്ടെന്ന് അവരെ തന്റെ റൂമിൽ എത്തിക്കണം എന്നവൻ തീരുമാനിച്ചു.

“മാഡം.. വരു.. നമുക്ക് മുകളിൽ ഇരിക്കാം..

“വേണ്ട.. ഇവിടെ ഇരിക്കം..

“അതല്ല…അമ്മ എന്നോട് പറഞ്ഞു.. പ്ലീസ്…”ഡാനിയേൽ പറഞ്ഞു.

“മ്മ്.. ഓക്കേ..

ഡയാന ഡാനിയുടെ പിന്നാലെ മുകളിലേക്ക് നടന്നു.

“ഡാനിയേൽ.. നിനക്ക് എന്താ പറ്റിയത്…? ദിനം പ്രതി നിന്റെ മാർക്ക്‌ കുറഞ്ഞു വരുവാ..അത് പോലെ ക്ലാസ്സ്‌ കട്ട്‌ ചെയ്യലും.. പിന്നെ ആദം എന്നോട് ചില കാര്യങ്ങൾ പറഞ്ഞു. അഡ്മിഷൻ സമയം എന്തൊരു പാവം ആയിരുന്നു നീ…?”റൂമിലേക്ക് നടക്കും വഴി ഡയാന അവനോട് പറഞ്ഞു.

ആ ചോദ്യത്തിലൂടെ കത്രീന പറഞ്ഞ സ്ത്രീ പ്രിൻസിപ്പൽ ആണെന്ന് അവന് ഉറപ്പായി. തനിക്കുള്ള പണിയുമായി ആണ് പ്രിൻസിപ്പൽ എത്തിയതെന്ന് അവന്