0%

Chapter Title : ബ്രഹ്മഭോഗം 2 [Master]

Author : Master Read All Parts 1.7K

സാധിക്കൂ. കണ്ണുകളടച്ച് ഒരു നിമിഷം ദീര്‍ഘമായി ശ്വസിച്ചിട്ട് ഞാന്‍ മേശവലിപ്പില്‍ നിന്നും പേപ്പര്‍ റോള്‍ എടുത്തു. കുറെ ദിവസമായി ഇത് ഉപയോഗമില്ലാതെ ഇരിക്കുകയാണ്. റോള്‍ എടുത്ത് പൊടിതട്ടിയ ശേഷം കട്ടിലിന്റെ അടിയില്‍ മടക്കി വച്ചിരുന്ന ഈസല്‍ എടുത്ത് മുറിയുടെ മൂലയ്ക്ക് വച്ചു. ആ ഭാഗത്തേക്ക് വെളിച്ചം നന്നായി ലഭിക്കുന്നുണ്ട്. ഈസലില്‍ പേപ്പര്‍ റോള്‍ വച്ചിട്ട് ഞാന്‍ താഴേക്ക് വലിച്ച് നിവര്‍ത്തി മൂന്നു ചുറ്റിലും ഉള്ള ഹോള്‍ഡറുകളില്‍ ഉറപ്പിച്ചു നിര്‍ത്തി. പിന്നെ ചായക്കൂട്ടും ബ്രഷുകളും എടുത്തു. കുറെ നാളുകള്‍ക്ക് ശേഷമാണ് ഒരു ചിത്രം വരയ്ക്കുന്നത്. വരയ്ക്കാന്‍ നൈസര്‍ഗ്ഗികമായ കഴിവും, ആ കഴിവ് പരിശീലനത്തിലൂടെ മൂര്‍ച്ചകൂട്ടി എടുത്തിട്ടുമുണ്ടെങ്കിലും മനസ്സില്‍ ശക്തമായ ചലനം ഉണ്ടാക്കുന്ന വസ്തുക്കളുടെയോ സംഭവങ്ങളുടെയോ ചിത്രങ്ങള്‍ മാത്രമേ ഞാന്‍ വരയ്ക്കാറുള്ളൂ. അങ്ങനെയൊരു സംഭവമോ വസ്തുവോ ഒന്നും കുറെ നാളുകളായി കണ്ണില്‍ പെട്ടിരുന്നില്ല; ഒരു പക്ഷെ ഞാന്‍ ശ്രദ്ധിക്കാഞ്ഞത് കൊണ്ടുമാകാം. എന്നാല്‍ ഇന്ന് അങ്ങനെയൊന്ന് മനസ്സില്‍ കൊത്തിവച്ചതുപോലെ പതിഞ്ഞിരിക്കുകയാണ്; മീരയാന്റിയുടെ രൂപം. ഞാനാഗ്രഹിക്കുന്ന രീതിയില്‍ എനിക്ക് ആന്റിയെ കാണണം. അതിനായിരുന്നു ഞാന്‍ അവിടെവച്ച് ഇങ്ങോട്ട് വരാനായി തിടുക്കപ്പെട്ടത്.

വേഗം ചെന്ന് ആന്റിയുടെ ഫോട്ടോ ഞാന്‍ എടുത്തുകൊണ്ടുവന്നു. അത് കാണാന്‍ പാകത്തില്‍ അടുത്തുണ്ടായിരുന്ന മേശപ്പുറത്ത് ചാരി വച്ച ശേഷം ഞാന്‍ ഒരു നിമിഷം മൈക്കല്‍ ആഞ്ചലോയെ മനസ്സില്‍ ധ്യാനിച്ചു. പിന്നെ ചായം മുക്കിയ ചെറിയ പോയിന്റ്‌ ബ്രഷ് പേപ്പറില്‍ പതിപ്പിച്ചു. എന്റെ മനസ്സ് ഏകാഗ്രമായി. ആന്റി ഇപ്പോള്‍ എനിക്ക് ഒരു ഉപാദാനവസ്തു മാത്രം. എന്റെ കലയിലേക്ക് ആന്റിയെ ഞാന്‍ ആവാഹിക്കുകയാണ്. ഇവിടെ ഞാനെന്ന വ്യക്തിയില്ല; എന്നിലെ കലാകാരന്‍ മാത്രമേയുള്ളൂ ഈ ചിത്രം

💬 Comments

View all comments