Chapter Title : ബ്രെയിന്‍ ഗെയിം [Master]

ഏതോ സാധനം വാങ്ങാനായി സന്ധ്യയ്ക്ക് കടയിലേക്ക് പോകുന്ന സമയത്ത്. ഞാനപ്പോള്‍ വീട്ടില്‍ ഇല്ലാതിരുന്നതുകൊണ്ടാണ് അമ്മ അവളെ അയച്ചത്. അവനും അവന്റെ അച്ഛനെപ്പോലെതന്നെ ക്രിമിനല്‍ സ്വഭാവക്കാരാണ്.

ഞാന്‍ വീട്ടിലെത്തിയപ്പോള്‍ ഷൈല കരയുകയായിരുന്നു. അമ്മ രോഷം പൂണ്ട് എന്തൊക്കെയോ പറയുന്നു. അച്ഛന്‍ എത്തിയിട്ടില്ല. ഞാന്‍ കാര്യം തിരക്കി. സംഗതിയറിഞ്ഞ ഞാന്‍ നേരെ അവന്റെ വീട്ടിലേക്ക് ചെന്നു. ഞങ്ങളുടെ വീട്ടില്‍ നിന്നും അരകിലോമീറ്റര്‍ മാറിയാണ് അവന്റെ വീട്. ചെന്നപാടെ ഞാന്‍ അവന്റെ വീട്ടിലേക്ക് കയറി മുന്മുറിയില്‍ ഒരു ബെഞ്ചില്‍ ഇരിക്കുകയായിരുന്ന അവനെ ഒറ്റ ചവിട്ടിന് നിലത്തിട്ടു.

“നായിന്റെ മോനെ, എന്റെ പെങ്ങളുടെ മേല്‍ നീ കൈവയ്ക്കും അല്ലേടാ?” ഞാന്‍ അമറി.

തുടര്‍ന്നു ഞാനവനെ തൂക്കിയെടുത്ത് പുറത്തിറങ്ങി എടുത്തിട്ടു പെരുമാറി. മൂക്കില്‍നിന്നും വായില്‍ നിന്നും ചോരചീറ്റി അവന്‍ ഒരു പഴന്തുണി പോലെ വീണിട്ടും എനിക്ക് കലിയടങ്ങുന്നുണ്ടായിരുന്നില്ല. അവന്റെ അച്ഛനും അമ്മയും ആ സമയത്തവിടെ ഇല്ലായിരുന്നു. അയല്‍ക്കാര്‍ ഞാനവനെ അടിക്കുന്നത് കണ്ടെങ്കിലും, ആ വീട്ടുകാരോട് അവര്‍ക്കാര്‍ക്കും ഇഷ്ടമുണ്ടായിരുന്നില്ല.

ഞാന്‍ വീട്ടിലെത്തി ഷൈലയെ ആശ്വസിപ്പിച്ചു. ഞാനവനെ അടിച്ച് വീഴ്ത്തി എന്നറിഞ്ഞപ്പോള്‍ അവളുടെ സന്തോഷം ഒന്ന് കാണേണ്ടതായിരുന്നു.

“അവനെന്നല്ല, ഒരുത്തനും തൊടില്ല നിന്നെ ഇനി” ഞാന്‍ പറഞ്ഞു.

“മോനെ അവന്റെ അച്ഛന്‍ മഹാ വൃത്തികെട്ടവനാ. അവനിനി എന്തൊക്കെ പുകില്‍ ഒണ്ടാക്കുമോ എന്തോ?” അമ്മ ആധിപ്പെട്ടു. ഞാനത് കാര്യമാക്കിയില്ല.

പക്ഷെ അമ്മയുടെ ശങ്ക സത്യമായി. ഏതാണ്ട് ഒരുമണിക്കൂര്‍ കഴിഞ്ഞപ്പോള്‍ മുറ്റത്തൊരു അട്ടഹാസം ഞാന്‍ കേട്ടു. അച്ഛന്‍ അപ്പോഴും വന്നിട്ടില്ല. ഒമ്പതുമണിക്ക് കടയടച്ച് ഒമ്പതരയോടെയാണ് അച്ഛന്‍ വരാറുള്ളത്. ചിലപ്പോള്‍ അതിലും വൈകും.

“ഇറങ്ങിവാടാ തന്തയില്ലാത്തവനെ ഇങ്ങോട്ട്” മദ്യപിച്ച് ലക്കുകെട്ട് എത്തിയ