ദർബാർ പിരിഞ്ഞ് പുറത്തേക്ക് ഇറങ്ങാൻ തുടങ്ങുന്ന സുൽത്താന് തന്റെ തുടയിൽ എന്തോ കടിച്ച പോലെ തോന്നിയ കാരണം ഉടയാട മാടി പൊക്കി അതെന്താണെന്ന് നോക്കാൻ തുടങ്ങുമ്പോഴാണ്, വെടികൊണ്ട പന്നിയെ പോലെ പറക്കുംപരവതാനിയിൽ നൂറേ നൂറിൽ സുന്ദരിയുടെ വരവ്.കുനിഞ്ഞ് നിന്ന് തുടയിൽ കടിച്ച ഉറുമ്പിനെ നുള്ളിക്കളയുന്ന തിരക്കിൽ സുൽത്താൻ അവളുടെ വരവ് കണ്ടിരുന്നില്ല. " ഞാൻ കണ്ടു.. ഞാൻ കണ്ടു... എനിക്കിഷ്ടായി " എന്ന ഒറ്റ ശ്വാസത്തിലുള്ള അവളുടെ പറച്ചിൽ കേട്ട് ഏതോ പെൺ ജിന്ന് തന്റെ കളി സാമാനം കണ്ട കാര്യമാണോ എന്ന ഞെട്ടലിൽ വേഗം ഉടയാട താഴ്ത്തി നിവർന്നു നോക്കുമ്പോൾ പരവതാനിയിൽ വന്നവൾ സുൽത്താനെ വന്ന് കെട്ടി പിടിച്ച് "I love you റീത്തു " എന്ന് പറഞ്ഞ് മുഖത്താകെ ചുംബനങ്ങൾ അർപ്പിച്ചതിന് ശേഷം വിട്ട് നിന്ന് കിതച്ചു... സന്തോഷം കൊണ്ടു് അവൾക്ക് സംസാരിക്കാൻ ഒരു വിക്കൽ അനുഭവപ്പെടുന്നുണ്ടായിരുന്നു. പക്ഷേ സുൽത്താന് വന്നത് കട്ട കലിപ്പായിരുന്നു. മുമ്പ് പ്രേമം കൂടുമ്പോൾ "എന്റെ സുൽത്തൂ"എന്ന് വിളിച്ചവൾ കഴിഞ്ഞ വർഷം കേരളം ഒന്ന് കറങ്ങി തിരിഞ്ഞ് വന്നതിന് ശേഷം ഇഫ്രീത്ത് ഷോർട്ടാക്കി റിത്തു എന്നാണ് വിളി. അവിടെയൊക്കെ ന്യൂ ജനറേഷൻ പിള്ളേർ ഇങ്ങിനെയാണത്രേ കെട്ടിയോനെ വിളിക്കുന്നത്... അഷ്റഫ് അസൂ ആകും മഹേന്ദ്രൻ മഹിയാകും കുരുവിള കുരു ആകും.മനുഷ്യരുടെ ലോകത്തെ ചെയ്തികൾ ഇങ്ങോട്ട് കൊണ്ട് വരേണ്ട എന്ന് എത്ര പറഞ്ഞാലും കേൾക്കാത്ത ജന്തു. "നീ കണ്ടെങ്കിൽ തന്നെ