Chapter Title : ബുദൂർ ഇഫ്രീത്തിന്റെ രാജ്ഞി 6 [സൂർദാസ്]

കുമ്പി മയങ്ങുന്ന ബുദൂറിനെ അരികിൽ കണ്ടപ്പോഴാണ് അവന് താൻ എവിടെയാണെന്ന ബോധം വന്നത്. വേഗം മുണ്ടുവാരിവലിച്ചുടുത്ത് കുപ്പായമിട്ട് വാതിൽ തുറക്കുമ്പോൾ നഗ്നയായി കിടക്കുന്ന ബുദൂറിന്റെ ദേഹത്തേക്ക് ഒരു പുതപ്പിട്ടു മൂടാൻ പോലും മറന്ന് പരിഭ്രമത്തോടെ അവൻ സാക്ഷനീക്കി വാതിൽ പതിയെ തുറന്നു. ഇഷ്താര ഉമ്മിയായിരുന്നു മുമ്പിൽ.... അവന്റെ ബോധം പോകുമെന്ന് തോന്നി.. "രാവ് അന്ത്യയാമത്തിലേക്ക് കടന്നിട്ടിത്തിരി കഴിഞ്ഞിരിക്കുന്നു.... മോൻ പോയി ഇനി നിന്റെ മുറിയിൽ ഉറങ്ങിക്കോ.... " അവന്റെ കവിളിൽ ഒന്ന് തഴുകി മുറിയിലേക്ക് ഒന്ന് എത്തിനോക്കുക കൂടി ചെയ്യാതെ അവർ നടന്നു പോയി... ആ അമ്പരപ്പിൽ പുറത്ത് കടന്ന് വാതിൽ ചാരി ഗാസി ഒരു സ്വപ്നാടനത്തിലെന്നവണ്ണം അവന്റെ റൂമിലേക്ക് നടന്നു നീങ്ങുമ്പോൾ, ആകാശത്ത് നിന്ന് ഒരദൃശ്യത്തേര് വന്ന് കൊട്ടരത്തിനെ ഒന്ന് വലം വെച്ച് ബുദൂർ പരിപൂർണനഗ്നയായി നിലാവ് പുതച്ചുറങ്ങുന്ന ജാലകത്തിനടുത്ത് വന്ന് നിന്നിരുന്നു. (പഴയ കാലത്തെ കഥയുടെ ഓർമ്മകളെ എഴുതുമ്പോൾ പരമാവധി ഭാഷയെ ഇംഗ്ലീഷിൽ നിന്ന് മുക്തമാക്കി എഴുതാൻ എനിക്ക് നന്നായി അദ്ധ്വാനിക്കേണ്ടി വന്നിട്ടുണ്ട്.) കെരൂബിലിരുന്ന്, ജാലകത്തിലൂടെ നോക്കുമ്പോൾ, അകത്ത് നഗ്നയായി കിടക്കുന്ന ബുദൂറിന്റെ മേനിയഴക് കണ്ട് ഇഫ്രീത്തിന്റെ ബോധം മറഞ്ഞു പോകുമോ എന്ന് തോന്നി. ജിന്ന് ലോകത്ത് ഇത് പോലെ ഒരു സുന്ദരിയെ ഇന്നേവരെ കണ്ടിട്ടില്ല.... ഈ മനുഷ്യ സ്ത്രീയുടെ വിവരങ്ങൾക്കായി കെരൂബിന്റെ മുന്നിലെ വിവരശേഖരണ ഉപകരണം അവളിലേക്ക് തിരിച്ച് അതിൽ ഒന്ന് തൊട്ടു.... മുൻപിലെ സ്ഫടിക പലകയിൽ മിന്നിയത് ഇഫ്രീത് പതിയെ വായിച്ചു. പേര്..ബുദൂർ മാതാപിതാക്കൾ... ഹിർക്കൽ & ഇഷ്താര അർദ്ധസഹോദരൻ... ഹുമയൂൺ ഗാസി വിവാഹം.... കഴിഞ്ഞിട്ടില്ല പ്രതിശ്രുത വരൻ.... ഹാറൂൺ റഷീദ്