Chapter Title : ചാരുലത ടീച്ചർ 3 [Jomon]

പറഞ്ഞത് പോലും യാതൊരു മുന്നൊരുക്കം പോലുമില്ലാതെ ആണെന്ന്.. പക്ഷെ അറിയില്ലെടി എന്താണെന്ന്... ഞങ്ങൾ പരസ്പരം അടുത്തു നിൽകുമ്പോ പോലും നീ മുന്നേ പറഞ്ഞയാ ബോൾഡ് ആയ ചാരുലതയായിട്ടല്ല ഞാനവിടെ നിൽക്കുന്നത്.... അവന്റെയാ ചാരുവെന്ന വിളി കേൾക്കാൻ മാത്രം കൊതിക്കുന്നൊരു പെണ്ണായിട്ട.. വെറുമൊരു പെണ്ണായിട്ട്.... അവനും അങ്ങനെയാ... ആ കണ്ണിലെനിക്ക് കാണാൻ പറ്റുമെടി എന്തോരം സ്നേഹം എന്നോട് ഉണ്ടെന്ന്.... ഇതുകൊണ്ടൊക്കെയാ എല്ലാം മറന്നു ഞാനവിടെ നിന്ന് പോകുന്നത്..."

നിറഞ്ഞു വന്ന കണ്ണുകൾ തുടച്ചുകൊണ്ട് ചാരു പറഞ്ഞു....

"പക്ഷെ..."

എന്തോ പറയാനായി വന്ന നീതുവിനെ ചാരു തലയുയർത്തി നോക്കി.... നിറഞ്ഞ കണ്ണുകളും ചുവന്നു വിറക്കുന്ന ചാരുവിന്റെ അധരങ്ങളും കണ്ട നീതുവിന് പിന്നൊന്നും പറയാൻ തോന്നിയില്ല

"എനിക്കറിയാം നീതു നീ പറയാൻ വന്നത് എന്താണെന്ന്... ഞാൻ.. ഞാൻ ടീച്ചർ ആയത് അവന്റെ തെറ്റ് ആണോടി.... എനിക്കവനെക്കാൾ പ്രായം കൂടിയത് എന്റെ തെറ്റാണോ... ഒരു മണിക്കൂറിലധികം പോലും ഞങ്ങൾ സംസാരിച്ചിട്ടില്ല... പക്ഷെ അവന്റെ കണ്ണിൽ ഞാൻ കണ്ട സ്നേഹം മാത്രം മതിയെടി എത്രത്തോളം അവനെന്നെ ഇഷ്ടമാണെന്ന് തെളിയിക്കാൻ... അങ്ങനെയുള്ള ആദിയെ എങ്ങനാടി ഞാൻ വേണ്ടെന്ന് വെക്കുവാ..... എനിക്ക് പറ്റില്ലെടി...."

വീണ്ടും നിറഞ്ഞു വന്ന കണ്ണുകൾ കണ്ടതെ നീതു അവളെ കെട്ടിപ്പിടിച്ചു..

"നീയൊന്ന് കൂൾ ആയിക്കെ ചാരുവേ....നിനക്ക് അവനെ ഇഷ്ടമാണെങ്കിൽ പിന്നെ വേറെയാർക്ക ഇവിടെ പ്രശ്നം.... നിന്റെ തീരുമാനങ്ങൾ അങ്ങനെ തെറ്റാറില്ലെന്ന് എനിക്കറിയാം.... അങ്ങനെ നോക്കുമ്പോളീ തക്കാളി പെണ്ണിന് ചേർന്നതാ പൂച്ചക്കണ്ണൻ പയ്യൻ തന്നെയാ..."

നീതു കൂടി തന്റെ ഭാഗം പറഞ്ഞപ്പോൾ ചാരുവിനു വല്ലാത്തൊരു ആശ്വാസം തോന്നി.... മുൻപേ ബാൽക്കണിയിൽ നിന്നും മനസ്സിൽ തോന്നിയ ഒരായിരം ചോദ്യങ്ങളുമായുള്ള കൂട്ടിക്കിഴിക്കലുകൾ ആയിരുന്നു...ശെരിയായൊരു ഉത്തരം കണ്ടെത്താനാവാതെ അവളുടെ മനസ്സവിടെ അസ്വസ്ഥതമായിരുന്നു.... പക്ഷെയിപ്പോ എല്ലാം കലങ്ങി തെളിഞ്ഞത് പോലവൾക്ക് തോന്നി.... ജീവിതത്തിൽ ആദ്യമായി ആകർഷണം തോന്നി നോക്കി നിന്നു പോയൊരു ജോഡി കണ്ണുകൾ... അതായിരുന്നു അവൾക്ക് അവനോട് ആദ്യമേ തോന്നിയൊരു വികാരം....പിന്നീടത് രാത്രി ഉറക്കത്തിലും വന്നു ശല്യം ചെയ്യാൻ തുടങ്ങിയപ്പോ പേരറിയാത്തൊരു തോന്നലായി മാറി.. ഒടുക്കമാ വികാരത്തെ തിരിച്ചറിഞ്ഞത് പിറ്റേന്നവൻ തനിക്ക് മുൻപിൽ വന്നിരുന്നപ്പോളാണ്.... അപ്പോളും തോന്നി മറ്റൊരു സംശയം...