Chapter Title : ചക്രവ്യൂഹം 5 [രാവണൻ]

ശരത്ത് ഒന്നുമില്ലെന്ന് തലയനക്കി

.
.
.
ആദ്യദിവസം നേരത്തെ അവസാനിച്ചു...അന്ന് മൂന്നരക്ക് സ്കൂളിലെ അവസാന മണി മുഴങ്ങി....ബെല്ല് അടിച്ചതും അഭിമന്യു ക്ലാസ്സിലെന്ന് പുറത്തേക്ക് ഇറങ്ങി ഗേറ്റ് ലക്ഷ്യമാക്കി നടന്ന ... അടുത്തേക്ക് ഓടിയെത്താൻ ഒരു മൂക്കുത്തി പെണ്ണ് കഷ്ടപ്പെടുന്നത് അവൻ ശ്രദ്ധിച്ചില്ല ...

ഗേറ്റിന് പുറത്തേക്ക് ഇറങ്ങിയ അഭിമന്യുവിന്റെ മുന്നിൽ അപ്രതീക്ഷിതമായി ശരത്തിന്റെ കാർ വന്നു നിന്നു...അപ്രതീക്ഷിതമെന്ന് ഞാൻ കരുതിയെങ്കിലും അവരൊക്കെ കരുതിക്കൂട്ടി, കൃത്യമായ പ്ലാനിങ്ങോടെയാണെന്ന് തിരിച്ചറിയാൻ വൈകി....ഒത്തിരി വൈകി

കോ ഡ്രൈവർ സീറ്റിലെ വിന്റോ ക്ലാസ്സ്‌ താഴ്ത്തി രേണുക അഭിയെ നോക്കി ചിരിച്ചു. ..

“അഭി എന്നല്ലായിരുന്നോ പേര് ....”

“അതെ. ..”
അവനും നേർത്ത പുഞ്ചിരിയോടെ മറുപടി പറഞ്ഞു.... ആ പതിനേഴുകാരന്റെ മുഖത്ത് നിറഞ്ഞു നിൽക്കുന്ന പ്രസന്നതയിലേക്ക് രേണുക ഒരുവേള നോക്കിയിരുന്നു

“മോന്റെ വീട് എവിടെയാ. ..”

“പള്ളിമുക്ക് ജംക്ഷൻ ഇല്ലേ. ...അവിടന്ന് കുറച്ചൂടെ പോണം. ...”

“പള്ളിമുക്കോ. ...ഞങ്ങൾ അതുവഴി ആണല്ലോ. ...കയറിക്കോ. ..”

“ഇല്ല വേണ്ട മിസ്സേ. ..ഞാൻ ബസിൽ പൊയ്ക്കോളാം. ...”

“ഹാ കയറടോ. ..ഞങ്ങൾ എന്തായാലും അതുവഴി അല്ലെ. ...”സംസാരിക്കുന്നതിനിടയിൽ രേണുക കുടിലതയോടെ അവനുവേണ്ടി ബാക്ക് സീറ്റിലേക്ക് ഡോർ തുറന്നുകൊടുത്തു

ചതിയാണെന്ന് തോന്നിയില്ല. ..അങ്ങനെ തോന്നാനും മാത്രമുള്ളതൊന്നും അവരുടെ പ്രവൃത്തിയിൽ നിന്ന് അനുഭവപ്പെട്ടിരുന്നില്ല എന്നതാണ് സത്യം. ...

അഭി അവരുടെ കാറിലേക്ക് കയറി. ..അപ്പോഴാണ് ഡ്രൈവിംഗ് സീറ്റിൽ ഇരിക്കുന്ന ശരത്തിനെയും, ബോണറ്റിൽ ഫ്രെയിം ചെയ്ത് ഫിക്സ് ചെയ്ത് വച്ചേക്കുന്ന അവരുടെ വിവാഹ ഫോട്ടോയും അഭിമന്യു ശ്രദ്ധിക്കുന്നത്. ...ഇവര് ഭാര്യഭർത്താക്കന്മാരായിരുന്നോ. ..അവൻ ആശ്ചര്യത്തോടെ ഓർത്തു

“മോന്റെ വീട്ടിൽ ആരൊക്കെ