Chapter Title : ചേച്ചിയോടൊരിഷ്ടം 1 [രാഹുൽ]

ഞാൻ കളം മാറ്റി "അയ്യോ എന്റെ ചേച്ചിയെ ഞാൻ തമാശ പറഞ്ഞതാ.. ഞാൻ എത്രയോ വീട്ടിൽ നിന്ന് കഴിക്കുന്നതാ.. ചുമ്മാ ഇങ്ങനെ ഒക്കെ പറയാതെ " "ഈ എത്രയോ വീട്ടിൽ ജീന ചേച്ചിയുടെ വീട് ഇത്‌ വരെ ഉൾപ്പെട്ടില്ല എന്നൊരു സത്യം പറഞ്ഞെന്നെ ഉള്ളൂ " "ഓ.. ഈ കൊള്ളിച്ചു സംസാരം മതി... അടിയനോട് മാപ്പാക്കണം ഞാൻ ചുമ്മാ പറഞ്ഞതാ.. ഇന്ന് ഒരു വറ്റ് ബാക്കി വെക്കാതെ ഞാൻ ഇത്‌ കഴിച്ചോളാം " അപ്പോഴേക്കും 2 പേരിലും പുഞ്ചിരി വിടർന്നിരുന്നു... പഞ്ചായത്തിലെ മിക്ക വീടുകളും എനിക്കറിയാവുന്നത് കൊണ്ട് ഞാൻ തുടക്കത്തിൽ കൂടെ ഉള്ളത് ചേച്ചിക്ക് വലിയ സഹായം ആയിരുന്നു.. അങ്ങനെ രാവിലത്തെ വീട് കേറിയുള്ള ശയന പ്രതിക്ഷണങ്ങൾക്ക് ശേഷം ഉച്ചക്ക് അവിടുത്തെ പഞ്ചായത്ത്‌ ഗ്രൗണ്ടിൽ ഞങ്ങൾ കാർ ഒതുക്കി.. പുറത്തിറങ്ങി കൈ കഴുകി കാറിൽ ഇരുന്ന് കഴിക്കാൻ തുടങ്ങി.. അപ്പോഴാണ് മനസിലായത് ചേച്ചി ഒരു അസ്സൽ കുക്ക് ആണ് എന്നത്.. ഫുഡിനോക്കെ ഒടുക്കത്തെ ടേസ്റ്റ്.. എന്റെ ആക്രാന്തത്തോടെ ഉള്ള തീറ്റ ചേച്ചി നോക്കി ഇരുന്ന് ആസ്വദിക്കുവായിരുന്നു.. "സോറി നല്ല ടേസ്റ്റ് ആയോണ്ടാ ചേച്ചി.." ഞാൻ കഴിച്ചു കഴിഞ്ഞ് പാത്രം വടിച്ചു നാക്കുന്നിതിനടിയിൽ ചേച്ചിയുടെ ചിരി കണ്ട് നോക്കി പറഞ്ഞു

"അത് മനസിലായി.. ഇതറിഞ്ഞാൽ കുറച്ചൂടെ എടുത്തേനേ ഞാൻ " "ഇനി ഞാൻ സ്ഥിരം ഫുഡ്‌ അവിടുന്ന് ആക്കിയാലോ എന്ന്‌ അമ്മയോട് പറയാം " ഞാൻ ചുമ്മാ കളിയാക്കി "അതിനെന്താ അതും നിന്റെ വീട് ആണല്ലോ " ചേച്ചി അതും പറഞ്ഞു ചേച്ചിടെ പത്രത്തിൽ നിന്ന് ഒരു ഉരുള