Chapter Title : ചേക്കിലെ വിശേഷങ്ങൾ 3 [Padmarajan]

കൈകളിൽ താങ്ങി കിടക്കുന്ന ഗൗരിയെ വണ്ടിയിലേക്ക് വലിച്ചു കയറ്റി, പിറകിലെ സീറ്റിൽ കിടത്തി. മറുഭാഗത്തെ ഡോർ തുടന്ന് ഗൗരിയുടെ തല എടുത്തു മടിയിൽ വെച്ചു.

"വണ്ടി വിടെടാ തെണ്ടീ, ആദ്യം കാണുന്ന ആശുപത്രിയിൽ നിർത്തിയാൽ മതി."

അച്യുതൻ കാർ മുന്നോട്ടെടുത്തു, തന്റെ മടിയിൽ കിടക്കുന്ന സൗന്ദര്യ ധാമത്തെ നോക്കി കൊതിയോടെ ജയകൃഷ്ണൻ ഇരുന്നു. പാതി തുറന്ന ആ ചുണ്ടുകൾക്ക് മേലെ തന്റെ ചുണ്ടു ചേർത്ത് വെക്കാൻ അയാൾ കൊതിച്ചു.

ഹൈവെയുടെ സൈഡിൽ ഉള്ള ചെറിയൊരു ആശുപത്രീയുടെ ബോർഡ് ശ്രദ്ധിച്ച അച്യുതൻ വണ്ടി അവിടേക്കു ഓടിച്ചു കയറ്റി. തിരക്കൊന്നുമില്ലാത്ത ഒരു വില്ലേജ് ഹോസ്പിറ്റൽ ആയിരുന്നു. എന്നാലും നല്ല വൃത്തിയും വെടിപ്പും ഉണ്ട്. കാഷ്യുവാലിറ്റിക്കു മുന്നിൽ നിർത്തിയ കാറിന്റെ ഡോർ തുറന്നതും, സെക്യൂരിറ്റി ഒരു വീൽ സ്‌ട്രെച്ചറുമായി എത്തി. മൂന്ന് പേരും കൂടി ഗൗരിയെ സ്‌ട്രെച്ചറിൽ കിടത്തിയ ശേഷം ജയകൃഷ്ണനും സെകുരിറ്റിയും അപ്പോൾ ഇറങ്ങി വന്ന ഒരു നേഴ്സും കൂടി സ്‌ട്രെച്ചർ തള്ളി അകത്തേക്ക് പോയി. അച്യുതൻ കാർ പാർക്കിങ്ങിലേക്കു എടുത്തു.

" ബിപി കുറഞ്ഞത് കൊണ്ടാണ്, നല്ല ക്ഷീണവും ഉണ്ട്. ഞാൻ ഒരു ഇൻജെക്ഷൻ  തരാം, ഒരു 3 മണിക്കൂർ ഒബ്സർവേഷനിൽ നിൽക്കട്ടെ, എന്നിട്ടു പ്രശ്നം ഒന്നുമില്ലേ പോകാം." കാഷ്വാലിറ്റി ഡോക്ടർ പറഞ്ഞു.

"സാറേ നമുക്ക് കോട്ടയം വരെ പോകേണ്ടതാണ്."

"ഈ അവസ്ഥയിൽ ഒരു ലോങ്ങ് ഡ്രൈവ് ഒഴിവാക്കണം, വൈകിട്ട് പ്രശനം ഒന്നുമില്ലേൽ പോകാമല്ലോ, സിസ്റ്റർ ഒരു റൂം റെഡി ആക്കി കൊടുക്കൂ."

മരുന്നിന്റെ ശക്തിയിൽ അടുത്ത മൂന്ന് മണിക്കൂർ ഗൗരി ഒന്നുമറിയാതെ ഉറങ്ങി. ഇടയ്ക്കിടെ സിസ്റ്റർമാർ വന്നു ചെക്ക് ചെയ്യുമ്പോൾ ഒഴിച്ച് ജയകൃഷ്ണനും അടുത്തൊരു കസേരയിൽഇരുന്നു മയങ്ങി.

ഡിസ്ചാർജ് വാങ്ങി ഇറങ്ങിയപ്പോൾ രാത്രി ഏഴു മണി ആയിരുന്നു,

മൂവരും കാറിൽ കയറി. കുറച്ചു ദൂരം കൂടി സഞ്ചരിച്ചു,  അടുത്ത താലൂക് എത്തിയതോടെ ഗൗരിക്ക് വീണ്ടും ക്ഷീണം വന്നു. ഇനി യാത്ര വേണ്ട എന്ന തീരുമാനത്തിൽ, അവിടെ ഉള്ള ഗവ റസ്റ്റ് ഹൗസിലേക്ക് വണ്ടി എടുക്കാൻ പറഞ്ഞു.

" ഒരു മുറി മാത്രമേ ഒഴിവുള്ളൂ, ഇതൊരു ചെറിയ റസ്റ്റ് ഹൌസ്