Chapter Title : ചേക്കിലെ വിശേഷങ്ങൾ 4 [Padmarajan]

രണ്ടു പേർക്കും നേരെ വിരൽ ചൂണ്ടി കൊണ്ട് പറഞ്ഞു -

"ഇന്ന് ഈ കാണിച്ചതിന് നിങ്ങൾ അനുഭവിക്കാൻ പോകുന്നത് എന്താണെന്ന് കാത്തിരുന്നോ , പന്ന ****** മക്കളെ"

ആ തെറി വിളി ഇഷ്ടപെടാതിരുന്ന ജഗന്നാഥന്റെ കാൽ സെബാസ്റ്റിൻറെ അരക്കെട്ടിൽ പതിച്ചത് അയാൾ ഒട്ടും പ്രതീക്ഷിക്കാതെ ആയിരുന്നു.

മലന്നടിച്ചു വീണ സെബാൻറെ നെഞ്ചിൽ കാൽ കയറ്റി ജഗൻ

"നീ എന്ത് ഉണ്ടാക്കാൻ ആടാ പീറ സബ് ഇൻസ്‌പെക്ടർ തെണ്ടി, ഉണ്ടാക്കുന്നേൽ നീ അങ്ങോട്ട് വാ എന്റെ നാട്ടിലേക്ക്, കണിമംഗലം, അതാണ് എന്റെ നാട്, പേര് ജഗന്നാഥൻ ..ഞാൻ അവിടെ കാണും, ഇപ്പൊ ഒരു നല്ല കാര്യത്തിന് വന്നതാ, വഴി ,മുടക്കാതെ എഴുന്നേറ്റു പോ ."

നാട്ടുകാരുടെ കരഘോഷം ഉയർന്നു.

"യൂണിഫോമിൽ ഉള്ള പോലീസുകാരനെ കയ്യേറ്റം ചെയ്തു എന്ന് പറഞ്ഞു കേസെടുത്താൽ സാറിനു നാണക്കേടാണെ , ഇവിടെ സാക്ഷി പറയാൻ പോലും ആരേം കിട്ടില്ല." മാധവൻ ഉച്ചത്തിൽ പറഞ്ഞു.

നാട്ടുകാർ കൂവി വിളിക്കുന്നതിനിടെ സെബാസ്റ്റ്യൻ വേച്ചു കൊണ്ടെണീറ്റു ജീപ്പിൽ പോയിരുന്നു. ഓടി വന്ന ഡ്രൈവർ വണ്ടി അതിവേഗം മുന്നോട്ടെടുത്തു.

നാട്ടുകാർ എല്ലാം ആദരവോടെ ജഗന്നാഥനെ നോക്കി നിന്നു.

കൂട്ടത്തിൽ ഉണ്ടായിരുന്ന ത്രിവിക്രമൻ മുന്നോട്ടു കയറി പറഞ്ഞു -

"മാഷേ ഞാൻ ത്രിവിക്രമൻ, അച്യുതൻ നമ്പൂതിരിയുടെ വീട് ഞാൻ കാണിച്ചു തരാം, വാ വാ വാ കാറിൽ കേറൂ , മാധവോ ഒന്ന് നമ്പൂരിച്ചനെ വിളിച്ചു പറ വീട്ടിൽ വിരുന്നുകാർ ഉണ്ടെന്നു"

ശേഷം ത്രിവിക്രമൻ കൂടി കാറിൽ കയറി അവർ നമ്പൂരിച്ചന്റെ വീട്ടിലേക്കു വിട്ടു.

---- ടൂ ടു ടുട്ടുട്ടു

ദേഷ്യത്തോടെ മാമച്ചൻ ഫോൺ എടുത്തു.

"എന്താടാ മാത്താ"

"മാമച്ചോ , പ്രഭേച്ചിയുടെ അച്ഛനും വേറെ രണ്ടു മൂന്ന് പേരും ഒരു കാറിൽ വീട്ടിലേക്കു വരുന്നു"

"ഏഹ് ഇപ്പോഴോ, അങ്ങേരെ കൊണ്ട് ഉപദ്രവം ആണല്ലോ, അവരെവിടെ എത്തിയെടാ ?"

"ഇല്ലത്തേക്കുള്ള റോഡിലേക്ക് കയറാൻ നോക്കുന്നുണ്ട്, വലിയ വണ്ടി ആയോണ്ട് ഇവിടെ വളച്ചെടുക്കാൻ പണിപെടുവാ, ഒരു 3 മിനുട്ടു കൊണ്ട് പടിപ്പുരക്ക് എത്തും"

"3 മിനുട്ട് ഉണ്ടല്ലേ, ശരി നീ വെച്ചോ , എന്നിട്ടു