Chapter Title : ?ചെറിയമ്മയുടെ സൂപ്പർഹീറോ 5?[Hyder Marakkar]

ന്ന്...... അത് കാര്യം ആയിട്ട് പറഞ്ഞതാണോ??” ദേവു എന്നെ ഒന്ന് നോക്കിയത് അല്ലാതെ ഒന്നും മിണ്ടിയില്ല... “അതിലെ ദേവു..... എനിക്ക്...... നമ്മുടെ ചിത്രയെ ഇഷ്ടമാണ്, ദേവു പറഞ്ഞത് തന്നെ ആണ് ശരി, എനിക്ക് ദേവൂനോട് തോന്നിയത് ഈ പ്രായത്തിന്റെ വെറും മണ്ടത്തരം ആണ്, അത് എനിക്ക് മനസിലായത് ചിത്രയെ കണ്ടപ്പോഴാണ്.... ഇത് അവളോട്‌ പറയുന്നതിന് മുന്നെ ദേവൂനോട് പറയണമെന്ന് തോന്നി, അതാ ഞാൻ.........” ഞാൻ ഇത്രയും പറഞ്ഞ് കഴിഞ്ഞതും, ദേവൂന്റെ മുഖം ആകെ വിളറി വെളുത്ത്, ആ മനസ്സിൽ അനുഭവിക്കുന്ന വിഷമം ആ മുഖത്തു എടുത്ത് കാണിക്കുന്നുണ്ട്..... വിഷമം മറച്ചു വെക്കാൻ ദേവു നന്നേ കഷ്ടപ്പെടുന്നത് ഞാൻ മനസിലാക്കി, ഇത് തന്നെ ആയിരുന്നു എന്റെ പ്ലാൻ, അറ്റ്ലീസ്റ്റ് ദേവൂന് എന്നെ ഇഷ്ടമാണെന്നു എനിക്ക് നൂറ് ശതമാനം ഉറപ്പിക്കാൻ ആ മുഖത്തേക്ക് ഇപ്പോ ഒന്ന് നോക്കിയ മാത്രം മതി. ദേവുന്റെ ഒരു പ്രത്യേകത എന്താണെന്നു വച്ച ആ മനസ്സിൽ എന്താണോ അത് കൃത്യമായി ആ മുഖത്തു എഴുതി വച്ചിട്ടുണ്ടാവും, സന്തോഷം ആയാലും സങ്കടം ആയാലും ഭയം ആയാലും ഒക്കെ, മറ്റുള്ളവർക്ക് മനസ്സിലാകുമോ എന്ന് അറിയില്ല പക്ഷെ എനിക്ക് അത് വ്യക്തമായി മനസിലാക്കാൻ സാധിക്കും, ഇപ്പോ എന്നോടുള്ള ഇഷ്ടം തന്നെ അത്രമാത്രം ഞാൻ അറിയരുതെന്ന് ആഗ്രഹിച്ചിട്ടും ഇടയ്ക്ക് ആ മുഖത്തു നോക്കുമ്പോൾ എനിക്ക് ഓരോ സൂചന കിട്ടിയിരുന്നു, ഇപ്പൊ അത് പൂർണമായി എനിക്ക് സ്ഥിരീകരിക്കാൻ സാധിച്ചു. “ദേവു എന്താ ഒന്നും പറയാത്തത്” “അത്..... പിന്നെ...... ചിത്ര നല്ല കുട്ടിയാണ്.... പാവം” “എങ്കിൽ ഞാൻ നാളെ അവളോട് ഇഷ്ടമാണെന്ന് പറയട്ടെ” “മ്മ.......”