Chapter Title : ചേട്ടത്തിയുടെ ഒപ്പം [Master]

അമ്മെ”

“നിങ്ങള് പോ മീരേ; ഹരി ഉണ്ടല്ലോ? പിന്നെന്താ”

“ജി എമ്മിനെ വിളിച്ച് ചോദിച്ചൂടെ ഓഫീസില്‍ വരണോ വേണ്ടയോ എന്ന്?”

“എനിക്ക് വരാന്‍ താല്‍പര്യവും ഇല്ല. ഞാനെന്തെടുക്കാനാ ബീച്ചില്‍ വന്നിട്ട്. ഒന്നാമത് നടുവേദന; കൂടാതെ തലയും വേദനിക്കുന്നുണ്ട്. നിങ്ങള്‍ പോയിട്ട് വാ. അതാ നല്ലത്”

പിന്നീട് ചേച്ചി ഏട്ടനെ നിര്‍ബന്ധിച്ചില്ല.

“ചെന്ന് മാമനോട് പറ ഒരുങ്ങാന്‍” ചേച്ചി കുട്ടികളോട് പറയുന്നത് ഞാന്‍ കേട്ടു.

കുട്ടികള്‍ ആര്‍ത്തുവിളിച്ചുകൊണ്ട് എന്റെ മുറിയിലേക്ക് എത്തി.

ബീച്ചില്‍ തിരക്ക് കുറവായിരുന്നു. പടിഞ്ഞാറ് തുടുത്ത് ചുവന്ന മാനത്തേക്കാള്‍ അധികം തുടുപ്പുണ്ട് ചേച്ചിയുടെ മുഖത്തിനെന്ന് എനിക്ക് തോന്നി. കാറില്‍, ചേച്ചി പിന്‍സീറ്റില്‍ ആണ് ഇരുന്നത്. മകനെ മുമ്പില്‍ ഇരുത്തി. ചുരിദാര്‍ ധരിച്ചിരുന്ന ചേച്ചി ഷാള്‍ ദേഹം മൂടി പുതച്ചുകൊണ്ടാണ് വീട്ടില്‍ നിന്നും ഇറങ്ങിയതുതന്നെ. യാത്രയില്‍ ഉടനീളം എന്നോട് യാതൊന്നും സംസാരിച്ചുമില്ല. പക്ഷെ കുട്ടികളുടെ കലപില മൂലം അതൊരു വീര്‍പ്പുമുട്ടലായി അനുഭവപ്പെട്ടില്ല.

ബീച്ചില്‍ വണ്ടി പാര്‍ക്ക് ചെയ്തിട്ട് ഞാനിറങ്ങി. കുട്ടികളെയും കൊണ്ട് ചേച്ചിയും.

“വാമ്മേ; നമുക്ക് കടലില്‍ ഇറങ്ങാം” കടല്‍ വെള്ളത്തില്‍ കളിക്കുന്ന മറ്റു കുട്ടികളെ നോക്കിക്കൊണ്ട് മോനും മോളും ഉത്സാഹത്തോടെ പറഞ്ഞു.

“മാമനോട് പറ. വെള്ളത്തില്‍ ഇറങ്ങാന്‍ എനിക്ക് പേടിയാ” ചേച്ചി എന്നെ നോക്കാതെ അവരോടു പറഞ്ഞു.

ഞാന്‍ കുട്ടികളെ നോക്കിച്ചിരിച്ചു.

“വാ”

കുട്ടികളെയും കൂട്ടി ഞാന്‍ മണലിലൂടെ കടലിലേക്ക് നടന്നു. ചേച്ചി പിന്നാലെ വരുന്നുണ്ടായിരുന്നു. ചേച്ചി അകലം പാലിക്കുന്നത് എന്നെ അസ്വസ്ഥനാക്കി. ആ മനസ്സിലെ ചിന്ത എന്താണെന്ന് മനസ്സിലാക്കാന്‍ എനിക്ക് സാധിച്ചില്ല. കടല്‍ക്കരയില്‍ എത്തി ഞാന്‍ നിന്നു.

“വാ മാമാ; കടലില്‍ ഇറങ്ങാം” കുട്ടികള്‍