Chapter Title : ചിറകുള്ള മോഹങ്ങൾ 1 [സ്പൾബർ]

ശിവരാജൻ പതറി…

സംശയത്തോടെ തന്നെ നോക്കുന്ന ഭാര്യ ശ്രദ്ധിക്കാതെ ശിവരാജൻ മുന്നോട്ട് നോക്കി വണ്ടിയോടിച്ചു..

സുശീലക്ക് സമാധാനം കിട്ടിയില്ല..

“രാജേട്ടാ… എന്താ ശരിക്കും പ്രശ്നം…?
ഒന്ന് തെളിച്ച് പറ… എന്താ ഐശു മോൾക്ക് പറ്റിയത്…?.””

എന്തായാലും അവിടെയെത്തിയാൽ ഇവളറിയും.. അവിടെച്ചെന്ന് ബഹളമുണ്ടാക്കുന്നതിനേക്കാൾ നല്ലത് ഇവിടെ വെച്ച് പറയുന്നതാണ്..

“” അത്.. എടീ… ഐശു മോൾക്കൊരു കയ്യബദ്ധം പറ്റി…
പ്രശാന്ത് എവിടേക്കോ പോയി രാത്രി മടങ്ങിവന്നപ്പോ… അവളുടെ മുറിയിൽ നിന്ന്… ഒരാളെ… പിടിച്ചത്രേ… “

“” എന്റീശ്വരാ… നമ്മുടെ ഐശു മോളോ… ?.
അവൾക്കിങ്ങനെയൊരബദ്ധം… ?””

സുശീലക്കത് വിശ്വസിക്കാനായില്ല..

✍️✍️✍️

കൂടപ്പിറപ്പുകളാണ് ശിവരാജനും, ശോഭനയും..
ശിവരാജന് അൻപതും, ശോഭനക്ക് നാൽപത്തിയെട്ടും..
ഒരേ ദിവസമായിരുന്നു അവരുടെ വിവാഹം..
കൃത്യം ഒരു വർഷമായപ്പൊഴേക്കും ശോഭന ഒരു പെൺകുഞ്ഞിനെ പ്രസവിച്ചു..അതാണ് ഐശു എന്നെല്ലാവരും വിളിക്കുന്ന ഐശ്വര്യ…
അവൾക്കിപ്പോ ഇരുപത്തൊൻപത് വയസ്..

ഐശൂന് പത്ത് വയസായപ്പോ അവളുടെ അച്ചൻ ക്യാൻസർ വന്ന് മരിച്ചു..
സഹോദരിയെ അതിരറ്റ് സ്നേഹിച്ച ശിവരാജൻ ശോഭനയേയും, മോളേയും തന്റെ വീടിന് തൊട്ടടുത്ത് മറ്റൊരു വീടുണ്ടാക്കി അങ്ങോട്ട് മാറ്റിപ്പാർപ്പിച്ചു..

അതിന് വേറൊരു കാരണവും കൂടിയുണ്ടായിരുന്നു..
ശിവരാജനും, സുശീലക്കും മക്കളില്ല.. ഐശൂനെ സ്വന്തം മോളെപ്പോലെ അവർ വളർത്തി..
രണ്ട് വീടാണെങ്കിലും വെപ്പും കുടിയുമൊക്കെ ശിവരാജന്റെ വീട്ടിൽ തന്നെയായിരുന്നു..
സുശീലയും, ശോഭനയും നാത്തൂൻമാരെപ്പോലെയല്ല, സഹോദരിമാരെപ്പോലെയാണ് കഴിഞ്ഞത്..
രാത്രി ഭക്ഷണ ശേഷം ശോഭന കിടക്കാനായി തൊട്ടടുത്തുള്ള തന്റെ വീട്ടിലേക്ക് പോകും.. ഐശു മിക്കവാറും കിടത്തം ഇവിടെത്തന്നെയാവും..

ഐശൂനെ വളർത്തിയത് മുഴുവൻ സുശീലയാണ്..
കുട്ടികളില്ലാത്ത കുറവ് അവൾ അറിഞ്ഞതേയില്ല..
ഐശൂനെ നല്ല നിലയിൽ തന്നെ ശിവരാജൻ നോക്കി..