Chapter Title : ചിറകുള്ള മോഹങ്ങൾ 1 [സ്പൾബർ]

“മോനേ… കാര്യം പറയെടാ… “

ഹൃദയം പൊട്ടുന്ന പോലെ ശിവരാജൻ പറഞ്ഞു..

“” അമ്മാവന് ഷഫീഖ് എന്നൊരാളെ അറിയോ… ?””.

ഒരു ബന്ധവുമില്ലാത്ത ചോദ്യം കേട്ട് അയാൾ അമ്പരന്നു.
പിന്നെ ഇല്ലെന്ന് തലയാട്ടി..

“ അമ്മാവനറിയും.. അമ്മായിയും അറിയും… നിങ്ങളെല്ലാരും അറിയും അവനെ…””

പ്രശാന്തിന്റെ മുഖത്തേക്ക് കോപം ഇരച്ച് കയറുന്നത് ശിവരാജൻ കണ്ടു..
അയാൾക്കെത്ര ആലോചിച്ചിട്ടും അതാരാണെന്ന് മനസിലായില്ല..

“” ഒരു മൂന്ന് വർഷം മുൻപ് ഐശ്വര്യ ഒരുത്തന്റെ കൂടെ ഒളിച്ചോടിയത് അമ്മാവനറിയോ… ?.
അവനാണ് ഷഫീഖ്..ഇപ്പോ മനസിലായോ.. ?”

പരിഹാസത്തോടെയുള്ള പ്രശാന്തിന്റെ ചോദ്യം കേട്ട് ശിവരാജൻ വിറച്ച് പോയി..

“ അവനെ തല്ലി പരിപ്പെടുത്ത് അവളെ നിങ്ങൾ തിരിച്ച് കൊണ്ടുവന്നു…
എന്നിട്ടെന്റെ തലയിൽ കെട്ടിവെക്കുകയും ചെയ്തു… ശരിയല്ലേ… ?”

മിണ്ടാനായില്ല ശിവരാജനും, സുശീലക്കും..
ഇതെങ്ങിനെ ഇവനറിഞ്ഞു..
അവൾ പറഞ്ഞോ… ?.
എന്തിന്… മൂന്ന് വർഷമായി അവരുടെ വിവാഹം കഴിഞ്ഞിട്ട്… ഒരു കൊച്ചുമായി… ഇപ്പഴെന്തിനാണ് അവളിത് പറഞ്ഞത്… ?.

ശിവരാജൻ ഒന്നും മനസിലാവാതെ കിതച്ച് കൊണ്ട് പ്രശാന്തിനെ നോക്കി..

“” അന്ന് നിങ്ങളവളെ പിടിച്ചോണ്ട് പോന്നെങ്കിലും അവർ തമ്മിലുള്ള ബന്ധം വിട്ടിരുന്നില്ല… ഇപ്പഴും അവർ തമ്മിൽ ബന്ധമുണ്ട്….”

പ്രശാന്ത് പറഞ്ഞത് സുശീലക്ക് തീരെ വിശ്വാസം വന്നില്ല.. ഒരിക്കലുമതിന് സാധ്യതയില്ല..
അവനൊന്നുമില്ലാത്ത ഒരു തെണ്ടിയാണെന്നും, തന്നെ പറ്റിച്ചതാണെന്നും, ഇനിയവനെ കാണുന്നത് പോലും തനിക്ക് വെറുപ്പാണെന്നും ഐശു തന്നോട് പറഞ്ഞതാണ്…

“” മോനേ… അങ്ങിനെയൊന്നുണ്ടായി എന്നത് സത്യം തന്നെയാണ്… പക്ഷേ, അതിന് ശേഷംഅവര് തമ്മിൽ യാതൊരു ബന്ധവുമുണ്ടായിട്ടില്ല…
എനിക്കറിയാം മോനേ… അവളല്ലാം എന്നോട് പറഞ്ഞിട്ടുണ്ട്… “”

സുശീല അവനെ കാര്യം