ചോക്ലേറ്റ് ബോക്സ് 1

Chcocolate Box Part 1 | Author : Kunnikkuru

ഇന്നലെ അമൃതയുടെയും അരുണിന്റേയും അച്ഛന്റെ സുഹൃത്ത് ഗൾഫിൽ നിന്നും വന്നതുമുതലാണ് ഇതിന്റെ എല്ലാം തുടക്കം.

സാധാരണ ഗൾഫുകാരെപ്പോലെ അദ്ദേഹവും കുറെ ഡ്യൂട്ടി പെയ്‌ഡ്‌ സാധനങ്ങൾ വീട്ടിൽ ഏൽപ്പിച്ചു. അമൃത മാത്രമേ വീട്ടിൽ ഉണ്ടായിരുന്നുള്ളു. അതുകൊണ്ടു തന്നെ ചോക്ലേറ്റിന്റെ വലിയൊരു പെട്ടി അവൾ സ്വന്തം മുറിയിലേക്ക് ആരും കാണാതെ മാറ്റി. അലമാരയുടെ മുകളിൽ ഭദ്രമായിവെച്ച് ഇടയ്ക്കിടയ്ക്ക് ഓരോന്നെ എടുത്ത് തിന്നാനുള്ള പരിപാടി.

അമൃതയുടെ അനിയൻ അരുണാണ് അവളുടെ മെയിൻ എതിരാളി. അതുകൊണ്ടുതന്നെ എല്ലാദിവസവും മുറി അടച്ചിട്ടു പഠിക്കാൻ തുടങ്ങുമ്പോൾ ഓരോന്നെ എടുത്ത് കഴിക്കൽ ആണ് സ്ഥിരം പരിപാടി. പക്ഷെ അമൃതയുടെ മുറിയിൽ ഇടയ്ക്കിടെ പരിശോധന നടത്തുന്ന അരുൺ ഗൾഫ് ചോക്ലേറ്സ്ന്റെ കവറുകൾ കണ്ടു തുടങ്ങിയപ്പോൾ മുതൽ ചേച്ചി പഠിക്കാൻ കേറുമ്പോൾ വാതിലിന്റെ മറയിൽ നിന്ന് ചോക്ലേറ്റ് പൊട്ടിക്കുന്നതും കടിക്കുന്നതും ഒക്കെ ശ്രദ്ധിച്ച് ഒരു ദിവസം അവളെ പിടിക്കാൻ തന്നെ തീരുമാനിച്ചു.

അന്ന് അച്ഛനും അമ്മയും താഴെ ഹാളിൽ ഇരുന്നു ചായകുടിക്കുമ്പോൾ പഠനക്കാരി അമൃത ഞാൻ പഠിക്കാൻ പോകുവാ എന്നുപറഞ്ഞ് റൂമിലേക്ക് പോയി. അവൾ പോയ പിന്നാലെ അരുണും ഒന്നും അറിയാത്ത മട്ടിൽ അവളുടെ പിന്നാലെ ചെന്നു. ചോക്ലേറ്റിന്റെ കവർ പൊടിച്ചതും അരുൺ വാതിലിൽ മുട്ടി.

"എടി ചേച്ചി, വാതിൽ തുറക്ക്."

"എന്താടാ..."

വായിൽ ചോക്ലേറ്റ് കാരണം ശരിക്ക് മിണ്ടാൻപോലും അമൃതക്ക് പറ്റിയില്ല.

"നീ ചോക്ലേറ്റ് തിന്നുവല്ലേ, എനിക്കറിയാം, നീ തുറന്നില്ല ഇപ്പൊ ഞാൻ അമ്മയെ വിളിക്കും."

അമൃത ഞെട്ടി ഇവനിങ്ങനെ ഇത് മനസിലായി.