Chapter Title : Curious case edited version 1,2,3,4 [Willie Beamen]

ലുക്മാൻ ലോപ്പസ്. ലൂക്കാച്ചന്റെ കല്യാണം കഴിഞ്ഞു; ചേട്ടത്തി പല്ലവി, പിന്നെ ഞങ്ങളുടെ ജീവനായ കുഞ്ഞു നദിയും. അനിയത്തി റിയ ലോപ്പസ് പ്ലസ് വണ്ണിന് പഠിക്കുന്നു.

സ്വന്തം സ്ഥലം പത്തനംതിട്ടയാണെങ്കിലും ഞങ്ങൾ സെറ്റിൽ ചെയ്തിരിക്കുന്നത് കൊല്ലത്താണ്. അമ്മയുടെ അച്ഛൻ ലോപ്പസ്, എന്റെ വല്യപ്പൻ. പുള്ളി ഒരു അസ്സൽ കൊല്ലംകാരനാണ്. ഞങ്ങളുടെ പേരിനൊപ്പം 'ലോപ്പസ്' എന്ന് വരാനുള്ള കാരണം വഴിയിേ പറയാം.

അപ്പന്റെ ഫാമിലി ശരിക്കും പത്തനംതിട്ടയിലാണ്. അവിടെയൊരു തറവാടി പ്രമാണി കുടുംബമാണ് അവരുടേത്. പക്ഷേ, എന്റെ മുത്തശ്ശന് അപ്പനോടും അമ്മയോടും അത്ര താല്പര്യമില്ല. എന്നാൽ എന്നോട് വലിയ താല്പര്യമാണ്, അതിന് കാരണം എന്റെ പേര് തന്നെയാണ്.

പ്ലസ് ടു കഴിഞ്ഞ സമയത്ത് അപ്പൻ വിളിച്ചിട്ടാണ് ഞാൻ പത്തനംതിട്ടയിലേക്ക് പോയത്. എന്റെ അപ്പന്റെ അപ്പനെ ഞാൻ 'അപ്പൻ' എന്ന് തന്നെയാണ് വിളിക്കുന്നത്. ഒരു അവധിക്കാലം ആഘോഷിക്കാൻ ചെന്നതായിരുന്നു ഞാൻ. പക്ഷേ, വലിയവീട്ടിൽ കുരുവിള തന്റെ സാമ്രാജ്യം മുഴുവൻ എന്റെ കൈകളിലേക്ക് വെച്ചുതന്നു. മൂന്ന് വർഷക്കാലം ഞാൻ അതൊക്കെ നോക്കി നടത്തി. എന്റെ അച്ഛൻ പോലീസുകാരനായിരുന്നല്ലോ, ആ ചോരയുടെ ഗുണം എന്റെ ഉള്ളിലുമുണ്ട്.

ഒടുവിൽ വലിയവീട്ടിൽ കുരുവിളയോട് യാത്ര പറഞ്ഞ് ഞാൻ സ്വന്തം വീട്ടിലേക്ക് തിരിച്ചു വന്നു. നല്ല മാർക്കുള്ളത് കൊണ്ടും, സ്വാധീനമുള്ള ചില വിളികൾ പോയതുകൊണ്ടും കോളേജിൽ എളുപ്പത്തിൽ അഡ്മിഷൻ കിട്ടി. എന്റെ കൂടെ പഠിച്ചവരൊക്കെ ഡിഗ്രി കഴിഞ്ഞ് ഇറങ്ങിയ സമയത്താണ് എനിക്ക് സ്വന്തമായൊരു ഡിഗ്രി വേണമെന്ന തോന്നുലുണ്ടായത്. അറിവ് കാശ് കൊടുത്തു വാങ്ങാൻ പറ്റില്ലല്ലോ. അങ്ങനെ വീണ്ടും പഠിക്കാൻ തന്നെ തീരുമാനിച്ചു.

——————————————————————

കോളേജ് തുറക്കാൻ രണ്ട് ദിവസം കൂടിയുണ്ട്. ഇന്നലെ അടിച്ച കള്ളിന്റെ ഹാങ്ങോവർ മാറാതെ കിടക്കുമ്പോഴാണ് അനിയത്തി വന്ന് വാതിലിൽ മുട്ടുന്നത്. എന്റെ അനക്കം കേൾക്കാതെ വന്നപ്പോൾ അവളുടെ ശബ്ദം അൽപ്പം കൂടി ഉയർന്നു.

പതുക്കെ ബോധം തിരിച്ചു വരാൻ തുടങ്ങി. ഉറക്കം ശരിയാകാത്തത് കൊണ്ട് എഴുന്നേറ്റപ്പോൾ ആകെ മൊത്തം ഒരു ചുറ്റൽ.

"സണ്ണി ചേട്ടൻ വന്നിരിക്കുന്നു."

"ആരാ?" പകുതി ബോധത്തിൽ സണ്ണി വന്നു എന്ന് മാത്രമേ ഞാൻ കേട്ടുള്ളൂ.

"ഡോഗ്!"

അവൾ സണ്ണിയുടെ ഇരട്ടപ്പേര് പറഞ്ഞപ്പോൾ