Chapter Title : Curious case edited version 1,2,3,4 [Willie Beamen]

അലക്സ് പതുക്കെ പറഞ്ഞു.

“ഞങ്ങൾ കോളേജിൽ പോകുന്നത് പഠിക്കാനാണ്, അടിപിടിക്കല്ല,” ടിറ്റോ തുടങ്ങിയത് ഷാഹിർ പൂർത്തിയാക്കി. അവന്മാരുടെ ഭാവം കണ്ടാൽ എങ്ങനെയോ പരീക്ഷ പാസ്സായി അഡ്മിഷൻ എടുത്തതാണെന്ന് അറിയാം, എങ്കിലും ഞാൻ കൂടുതൽ പറയാൻ നിന്നില്ല.

“എന്നാ നിങ്ങൾ വിട്ടോ,” ചിരിച്ചുകൊണ്ട് തന്നെ ഞാൻ പറഞ്ഞു. അത് കേൾക്കാൻ കാത്തുനിന്ന പോലെ അവർ സണ്ണിയെ ഒന്ന് നോക്കി ചിരിച്ചിട്ട് അവിടെ നിന്ന് പോയി.

സണ്ണി നിരാശയോടെ എന്റെ അടുത്തേക്ക് വന്നു. “ജോലി രാജിവെച്ച് ഞാനും വരട്ടെയോ നിന്റെ കൂടെ?” അവൻ എന്നെയൊന്ന് പുച്ഛിച്ചു. ഈ വ്യാളി പിള്ളേരുടെ സഹായം എനിക്ക് കോളേജിൽ ആവശ്യമാണ്, ഇല്ലെങ്കിൽ ഞാൻ ഇവരുടെ അടുത്തേക്ക് വരില്ലല്ലോ.

“നീ പറഞ്ഞപ്പോൾ ഞാൻ ഇത്രയും പ്രതീക്ഷിച്ചില്ല, പിള്ളേർ കൊള്ളാം,” നടന്നു പോകുന്നവരെ നോക്കി ഞാൻ സണ്ണിയുടെ തോളിൽ കൈവെച്ചു.

“ഇനി ദിവ്യയാണോ ലക്ഷ്യം?” സണ്ണി ചോദിച്ചു.

“പ്രിയ! ആദ്യം അവളെ കാണണം. ഒരു ഉമ്മ കൊടുത്ത കേസിന്റെ പുറകെ നടക്കാൻ ഞാൻ പഴയ പ്ലസ് ടു കാരനല്ലെന്ന് അവൾക്ക് ഒന്ന് ഓർമ്മപ്പെടുത്തി കൊടുക്കണം.” അവന്റെ 'ദിവ്യ പ്ലാൻ' ഞാൻ പതുക്കെ പൊളിച്ചു കൊടുക്കും.

“നിന്റെ കൺഫ്യൂഷൻ മാറിയോ?” സണ്ണി ആകാംക്ഷയോടെ ചോദിച്ചു.

“കാര്യം സിമ്പിളാണ് സണ്ണീ. ദിവ്യയുടെ പേരിൽ പ്രിയ ഒരു ഫേക്ക് അക്കൗണ്ട് ഉണ്ടാക്കി എന്നെ അറിയാവുന്നവരെ ടാർഗറ്റ് ചെയ്യുന്നു. അതൊരു കളിയാണ്.”

“നിങ്ങളുടെ പോലീസിൽ ഇതൊരു കേസാണോ?” പോലീസിന്റെ പേര് പറഞ്ഞ് അവൻ എന്നെ വീണ്ടും ചൊറിഞ്ഞു.

“ടാ...!” അവനെ ദേഷ്യത്തിൽ തള്ളിമാറ്റി ഞാൻ ബൈക്കിൽ കയറി. സണ്ണിയും പുറകിൽ കയറി. ഗ്രൗണ്ടിലെ