Chapter Title : ദാമ്പത്യ വിരസത 10 [മൊൻക്രജു] [Climax]

അവളുടെ ഉള്ളിൽ വിഷമം ഉണ്ടെന്ന് എനിക്ക് മനസിലായി. അവൾ ഇടക്ക് അയാളുടെ വീട്ടിൽ പോകുന്നുണ്ടോ എന്ന് ഞാൻ തിരക്കാൻ നിന്നില്ല. അവരുടെ കാര്യങ്ങളിൽ ഞാൻ ഇടപെട്ടില്ല. അന്ന് അവിടെ വെച്ച് പിരിയാൻ തീരുമാനിച്ചതിന് ശേഷം ഞാൻ മനഃപൂർവം അവളിൽ നിന്ന് അകലം പാലിച്ചു.

ഞാൻ ഉള്ള സമയത്ത് ഒന്നും അവൻ ഞങ്ങളുടെ വീട്ടിലേക്ക് ഒന്നും മതിൽ ചാടി വന്നിട്ടില്ല. ഇനി ഞാൻ പോയ പിറകെ വന്നോ എന്ന് ആര് കണ്ട്. എന്തായാലും എല്ലാം അവളുടെയും അവൻ്റെയും കാര്യം.

ഇവിടെ വിദേശത്ത് വന്നത് പണി എടുക്കാൻ ഒന്നും അല്ല. ഇവിടെ ഞങ്ങൾക്ക് ഉള്ള ബിസിനസ് നന്നായി ഓടി പോകുന്നുണ്ട്. എനിക്ക് ഇവിടെ പണി ഒന്നും ഇല്ല. ഞാൻ ആദ്യം തന്നെ പറഞ്ഞില്ലേ... എനിക്ക് പണി എടുത്ത് ജീവിക്കേണ്ട ആവശ്യം ഇല്ല എന്ന്.

ഇതൊക്കെ പണ്ട് അപ്പൻ അപ്പൂപ്പന്മാർ ആയിട്ട് പോയി ഉണ്ടാക്കി എടുത്തതാ.. എനിക്ക് ഒന്നും ഇതിൽ ഒരു റോളും ഇല്ല. വെറുതെ കാലും നീട്ടി ഇരുന്നാൽ മതി. പത്ത് അല്ല, അതിൽ കൂടുതൽ തലമുറക്ക് അടിച്ച് പൊളിക്കാൻ ഉള്ളത് ഇവിടെ ഉണ്ട്.

എൻ്റെ കല്യാണം നടന്നത് പോലും ഈ കാരണങ്ങൾ കൊണ്ടാണ്. നാട്ടിൽ അറിയപ്പെടുന്ന കുടുംബം ആണ്, എല്ലാം വിദേശ പണം തന്നെ. എൻ്റെ ഭാര്യയുടെ തന്തക്ക് അത് നന്നായി അങ്ങ് ബോധിച്ചു.

എൻ്റെ സ്വത്തിൻ്റെ ഒരു അംശം പോലും ഞാൻ അവൾക്ക് കൊടുത്തിട്ടില്ല. കല്യാണത്തിന് സ്ത്രീധനം പോലും ഞാൻ ചോദിച്ചിട്ടില്ല. എന്നിട്ടും അയാള് പലതും തന്നു. കടം വാങ്ങിയോ മറ്റോ ആയിരുന്നു അത്. എൻ്റെ കയ്യിൽ