Chapter Title : ഡാനിയുടെ മമ്മിയും ക്രിസ്റ്റിയും [സ്മിത]

എട്ട് മണിയായപ്പോള്‍ അവര്‍ അത്താഴം കഴിക്കാനിരുന്നു.

ഫിലിപ്പിന് നാല്പത്തി അഞ്ചാണ് പ്രായം. എങ്കിലും ജോലിയുടെ ഉത്തരവാദിത്തം കാരണം അതിലേറെ പ്രായം തോന്നിക്കും. ആവറേജ് ശരീരമാണ്. അക്കൌണ്ട് ഹെഡ് ആണ്. അതുകൊണ്ട് തന്നെ നല്ല ശമ്പളമുണ്ട്.

പക്ഷെ വ്യായാമത്തിനൊന്നും സമയം കണ്ടെത്താന്‍ പറ്റുന്നില്ല.

സുന്ദരിയായ ഭാര്യ സെലിനെ ജീവനാണ് അയാള്‍ക്ക്. അതുപോലെ മകനോടും. സത്യത്തില്‍ അവര്‍ക്ക് വേണ്ടി മാത്രമാണ് അയാളുടെ ജീവിതം.

“അതേ, കൊച്ചിന് ഒരു പ്രോബ്ലം ഉണ്ട്,”

കഴിക്കുന്നതിനിടയില്‍ സെലിന്‍ ഭര്‍ത്താവിനോട് പറഞ്ഞു. dഡാനി അത് കേട്ട് സെലിനെ ഇഷ്ട്ടക്കേടോടെ നോക്കി.

ഫിലിപ്പ് അദ്ഭുതത്തോടെ, ചോദ്യരൂപത്തില്‍ ഇരുവരേയും മാറി മാറി നോക്കി.

“എന്ത് പ്രോബ്ലം?”

അയാള്‍ ചോദിച്ചു.

സെലിന്‍ ഡാനിയെ നോക്കി. ‘പറയൂ’ എന്ന് കണ്ണുകള്‍ കൊണ്ട് ആംഗ്യം കാണിച്ചു.

വിമ്മിഷ്ടത്തോടെ, ലജ്ജയോടെ, ഡാനി ക്രിസ്റ്റിയെപ്പറ്റി പറഞ്ഞു. ശ്രദ്ധയോടെ കേട്ടിരുന്നതിനു ശേഷം പിലിപ്പ് ആലോചനയില്‍ മുഴുകി.

സെലിന്‍ അയാളെ ആകാംക്ഷയോടെ നോക്കി.

“ഇവനൊക്കെ ശരിക്കും കോളനി ടൈപ്പ് ആയിരിക്കും...”

ഫിലിപ്പ് പറഞ്ഞു. ആ പരാമര്‍ശം സെലിനു അത്ര ഇഷ്ടമായില്ല. മനുഷ്യരെ ആ പേരില്‍ പരാമര്‍ശിക്കുന്നത് സംസ്ക്കാരമുള്ള ആളുകള്‍ക്ക് ചേര്‍ന്നതല്ല. അവള്‍ ഉള്ളില്‍ പറഞ്ഞു.

“അതുകൊണ്ട് തന്നെ അവമ്മരോട് ഒക്കെ മുട്ടുമ്പം സൂക്ഷിക്കണം. നമ്മളെ നാറുവൊള്ളൂ...മോന്‍ ഒരു കാര്യം ചെയ്യ്‌..കൂടിപ്പോയാ ഒന്നോരണ്ടോ ദിവസം അങ്ങ് സഹിക്ക്. മടുക്കുമ്പം അവന്‍ താനേ നിര്‍ത്തിപ്പൊക്കോളും...”

സെലിന് അത് കേട്ട് അല്‍പ്പം ദേഷ്യം വന്നു.

“അത് കൊള്ളാം! നല്ല സൊല്യൂഷന്‍! ഒന്ന് പോ അച്ചായാ....എന്നുവെച്ചാ കൊച്ച് അവനെപ്പോലെ ഒരുത്തന്‍ കാരണം കരഞ്ഞു കൂവി നടക്കട്ടേന്നൊ?”

അടുത്ത പി ടി ഏ മീറ്റിങ്ങിന് പോയപ്പോള്‍ പ്രതീക്ഷിച്ചത് പോലെ ക്രിസ്റ്റിയുടെ വീട്ടില്‍ നിന്നും ആരും വന്നില്ല.

അതുകൊണ്ട് സെലിന്‍ ഡാനിയുടെ ക്ലാസ് ടീച്ചറിനെ ചെന്നു കണ്ടു.

“കാര്യം ശരിയാ!”

സെലിന്‍ കാര്യം പറഞ്ഞപ്പോള്‍ അവര്‍ പറഞ്ഞു.

“ആ ചെറുക്കനെപ്പറ്റി കംപ്ലയിന്‍റ്റ് വേറെ ചെലരും പറഞ്ഞു. പക്ഷെ സെലിന്‍, ആക്ഷന്‍ ഒന്നും ഉണ്ടാവില്ല. ഇത്തവണ ബാസ്ക്കറ്റ്ബോള്‍ കപ്പ്‌ സ്കൂളിലേക്ക് കൊണ്ടുവരണം എന്ന ഒറ്റ വാശീലാ കോച്ച്...അതുകൊണ്ട് തന്നെ ക്രിസ്റ്റിടെ മൊറേല്‍ തകര്‍ക്കുന്ന ഒന്നും മാനേജ്മെന്‍റ്റിന്‍റെ ഭാഗത്ത് നിന്നും ഉണ്ടാവില്ല...”

സെലിന്‍ നിരാശയായി.

“അവന്‍റെ അഡ്രസ്സ് ഒന്ന് പറയാമോ മിസ്സേ?”

നിരാശയോടെ സെലിന്‍ ചോദിച്ചു.

“അതിനെന്നാ, അത് തരാം...”

അവര്‍ ഒരു ചെറിയ പേപ്പറില്‍ എന്തോ കുത്തിക്കുറിച്ച് സെലിനു നല്‍കി.

“അവന്‍റെ അപ്പനും അമ്മേം വേറെ എങ്ങാണ്ടുവാ...ഇവിടെ അവന്‍ അവന്‍റെ വല്യപ്പന്‍റെ കൂടെയാ