Chapter Title : ദീപാരാധന 9 [Freddy Nicholas] [ആദ്യരാത്രി]

കണ്ണുകൾ, അല്പം ഈറൻ ഉള്ള മുടി കൈവിരലുകൾ കൊണ്ട് കോതി മുന്നോട്ടിട്ടു കൊണ്ട്, ഞാൻ ഇരിക്കുന്ന ബാൽക്കണിയിലേക്ക് നടന്നടുക്കുന്ന എന്റെ ദീപുവിനെ പെട്ടെന്ന് കണ്ടപ്പോൾ എന്റെ അടിവയറ്റിൽ നിന്നും ഒരു തണുപ്പ് ഇരച്ചു കയറി.

ഇത്തിരി കുറുവക ആയത് കൊണ്ട് എന്റെ ഷർട്ട്‌ അവൾക്ക് മുട്ടിനു മുകളിൽ നിൽക്കുകയാണെങ്കിലും നല്ല പാകമായിരുന്നു...

അവൾ എന്റെ തൊട്ടടുത്ത കസാരയിൽ വന്നിരുന്നു...

കുളി കഴിഞ്ഞ്, ഏതോ സുഗന്ധമുള്ള ക്രീമും, സ്വതവേ ഒരു പാൽ മണമുള്ള മാസ്മരികത മണക്കുന്ന അവളുടെ ശരീരത്തിൽ നിന്നും ഒഴുകി വരുന്ന സ്ത്രീ ഗന്ധം രണ്ട് നിമിഷം ഞാൻ കണ്ണുമടച്ചു ആസ്വദിച്ചു.

""എന്താ റോയിച്ചാ തുടങ്ങിയോ...??""

""എയ്... നീ വരാതെ എങ്ങനെയാ മോളെ തുടങ്ങുന്നേ...??""

""ഈ ഇരിപ്പ് കണ്ടപ്പോൾ ഞാൻ കരുതി ഒന്നാമത്തേത് കഴിഞ്ഞു കാണുമെന്ന്...!!""

""ന്നാ.. ഒഴിക്കട്ടെ... അവൾ ചോദിച്ചു...""

""യെസ്... ഇനിയെന്തിനാ വൈകിക്കുന്നെ...??

അവൾ കുപ്പിയെടുത്തു തുറക്കാനായി എന്റെ കൈയ്യിൽ തന്നു...

എന്റെ ഗ്ലാസ്സിൽ അവൾ ഒരു പെഗ് ലാർജ്ജ് ഒഴിച്ച്, സോഡാ ബോട്ടിൽ തുറന്ന് അതിൽ ഒഴിച്ച ശേഷം ഞാൻ അവളുടെ ബീർ ബോട്ടിലും തുറന്ന് ബിയർഗ്ലാസ്സിൽ ഒഴിച്ച് മേശപ്പുറത്തു വച്ചു... രണ്ടുപേരും ചിയേഴ്‌സ് അടിച്ചു...

ആദ്യം ഒഴിച്ച പെഗ് ഞാൻ പെട്ടെന്ന് തന്നെ കഴിച്ചു തീർത്തു, അൽപ്പം സ്നാക്സ് എടുത്തു വായിലിട്ടു.

രണ്ടാമത്തേത് ഒഴിച്ച് വച്ചു... അവൾ ബീറിന്റെ മുക്കാൽ ഭാഗവും കുറഞ്ഞ സമയം കൊണ്ട് തീർത്തു.

ഞങ്ങൾ അന്ന് ചുറ്റി കറങ്ങി കാണാൻ പോയ സ്ഥലങ്ങളെ കുറിച്ചും, ആസ്വദിച്ച കാഴ്ചകളെ കുറിച്ചും, കഴിച്ച ഭക്ഷണത്തെ കുറിച്ചുമൊക്കെ ചർച്ച ചെയ്തു സംസാരിച്ചു കൊണ്ടിരുന്നു...

സംസാരത്തിനിടെ അവൾ പിന്നെയും എന്റെ കല്ല്യാണത്തിന്റെ കാര്യം പറഞ്ഞോണ്ട് വന്നു...

""എന്റെ ദീപു... നിനക്ക് ഈയൊരു വിഷയയമല്ലാതെ വേറൊന്നും സംസാരിക്കാനില്ലേ...??""

ഒരു ബീറിന്റെ മുക്കാലും തീർത്ത ദീപു പെട്ടെന്ന് തന്നെ അല്പം ഫോമിലാണെന്ന് ഞാൻ മനസ്സിലാക്കി.

""അതിന് ചേട്ടായിയുടെ കാര്യത്തിൽ ഒരു തീരുമാനം ആയതിന് ശേഷമേ എന്റെ കാര്യം തീരുമാനിക്കേണ്ടതുള്ളൂ. അല്ലങ്കിൽ എനിക്കും വേണ്ട കല്ല്യാണം... ഞാനും ഇങ്ങനെ ഒക്കെയങ്ങ് ജീവിച്ചു കൊള്ളാം...""

രണ്ടാമത്തെ പെഗ് കഴിച്ചു തുടങ്ങിയപ്പോഴേ, ഞാൻ അൽപ്പം സെന്റിയായി...

""അപ്പൊ ഈ ചേട്ടായിക്ക് നിന്റെ കാര്യത്തിൽ തീരുമാനമെടുക്കാൻ ഒരു അവകാശവുമില്ലന്നാണോ അതിന്റെ അർത്ഥം...??""

""അങ്ങനെ ആര് പറഞ്ഞു...""

"" തീർച്ചയായും ഉണ്ട് റോയിച്ചാ...""

"" ചേട്ടായിയല്ലേ എന്നെ വളർത്തി ഇത്രയും വലുതാക്കിയതും... പഠിപ്പിച്ചതുമൊക്കെ...?? ""

""എല്ലാം നിന്റെ