Chapter Title : ദീപുവിന്റെ വല്യേച്ചി 2 [Sagar Kottappuram]

നീ ഇത് മറക്കല്ലേ ട്ടോ " വീണ്ടുമൊരു ഓർമപ്പെടുത്തൽ പോലെ അവൾ പറഞ്ഞു . അതിനു ഒന്നമർത്തി മൂളി ഞാൻ ഫോൺ കട്ടാക്കി . പിന്നെ കവലയിൽ തന്നെയുള്ള ബുക്ക് സ്റ്റാളിൽ നിന്ന് ഒരു തൊഴിൽവീഥി വാങ്ങി ബൈക്കിന്റെ ടാങ്ക് കവറിനുള്ളിൽ തിരുകിവെച്ചു . പിന്നെ നേരെ വീട് ലക്ഷ്യമാക്കി വണ്ടി പറത്തി . കഷ്ടിച്ച് പത്തുമിനിറ്റ് മാത്രമേ കവലയിൽ നിന്നും വീട്ടിലേക്കുള്ളു . ബൈക്കുമായി ഞാനാദ്യം ചെന്നത് ചേച്ചിയുടെ വീട്ടിലേക്കു തന്നെയാണ് . പക്ഷെ എന്റെ പ്രതീക്ഷകൾ തെറ്റിച്ചുകൊണ്ട് അവിടെ രാജി ഉണ്ടായിരുന്നില്ല . "ചേച്ചീ ...വല്യേച്ചീ ..." ഉമ്മറത്ത് നിന്നും ഞാൻ സ്വല്പം ശബ്ദത്തിൽ അകത്തേക്ക് നോക്കി വിളിച്ചു . പക്ഷെ അതിനുള്ള മറുപടി ആയിവന്നത് വല്യമ്മയുടെ സ്വരമാണ് . "ഡാ അവള് അപ്പുറത്തു പോയി ...ഇന്ന് അവിടെയാത്രേ കിടത്തമൊക്കെ " സീരിയൽ കാണുന്നതിനിടെ വല്യമ്മ ഉറക്കെ വിളിച്ചു പറഞ്ഞു . അതുകേട്ടപ്പോൾ ഞാൻ ശരിക്കുമോന്നു ഞെട്ടി ! പറഞ്ഞ പോലെ പെണ്ണ് എന്നേക്കാൾ ഫാസ്റ്റ് ആയിട്ട് കരുനീക്കുന്നുണ്ട് . "ആഹ്..എന്ന ശരി വല്ല്യമ്മേ ..അവൾക്ക് ഒരു ബുക്ക് കൊടുക്കാൻ ഉണ്ട്..ഇനിയിപ്പോ അവിടെ ചെന്ന് കൊടുത്തോളം "

ഉള്ളിലെ സന്തോഷം പുറത്തു ഭാവിക്കാതെ ഞാൻ ഒഴുക്കൻ മട്ടിൽ പറഞ്ഞു . പിന്നെ ബൈക്കും തള്ളിക്കൊണ്ട് വീട്ടിലേക്കു നീങ്ങി . മുറ്റത്തു ബൈക്ക് നിർത്തി സ്റ്റാൻഡ് ഇട്ടു വെച്ച് ടാങ്ക് കവറിനുള്ളിൽ നിന്നും ഞാൻ തൊഴിൽവീഥി പുറത്തെടുത്തു . പിന്നെ അതും കയ്യിൽ ചുരുട്ടിപിടിച്ചുകൊണ്ട് പൂമുഖത്തേക്ക് കയറി .അമ്മയും പെങ്ങളുമൊക്കെ സീരിയൽ കാണുന്ന തിരക്കിലാണെന്നു അകത്തു നിന്നും ടി.വി യുടെ ശബ്ദം കേട്ടപ്പോഴേ മനസിലായി . ഞാൻ ഉമ്മറത്തേക്ക് കയറി നേരെ ഹാളിലേക്ക് നോക്കി . അമ്മയും അനിയത്തിയും സോഫയിലിരുന്നു സീരിയൽ കാണുന്നുണ്ട് . വല്യേച്ചിയെ ഹാളിൽ ഒന്നും കാണുന്നില്ല . ഞാൻ ഒന്ന് ചുമച്ചുകൊണ്ട് ഹാളിലേക്ക് കയറിയതും അമ്മയും അനിയത്തിയും എന്നെ തിരിഞ്ഞു നോക്കി . "ആഹ് നീ വന്നോ ..ഇന്ന് നേരത്തെ ആണല്ലോടാ .." അമ്മ പയ്യെ പറഞ്ഞുകൊണ്ട് ഇരിക്കുന്നിടത്തു നിന്നും എഴുനേറ്റു മുടി