Chapter Title : ദേവ കല്യാണി 5 [മന്ദന്‍ രാജ]

നുള്ളി

" എനിക്കെന്താ റൊമാൻസ് പറ്റില്ലേ ? മഞ്ജു കഴിഞ്ഞാൽ ദേവൻ ഒരാൾക്ക് മാത്രമേ എന്റെ മനസ് കാഴ്ച വെച്ചിട്ടുള്ളൂ ...അത് തനിക്കാ ... ഇപ്പൊ തനിക്കു മാത്രം "

ടെസ പെട്ടന്ന് ദേവന്റെ മാറിലേക്ക് വീണു .ടെസയുടെ കണ്ണുനീർ വീണു അയാളുടെ നെഞ്ചു പൊള്ളിയപ്പോൾ ദേവൻ അവളുടെ മുഖം കോരിയെടുത്തു തെരു തെരെ ഉമ്മവെച്ചു

" ഇത് മതിയോ ടെസെച്ചി ....അയ്യോ ..സോറി " ഡ്രെസ്സും കൊണ്ട് വന്ന കല്യാണി അത് കണ്ടു കൊണ്ട് തിരികെ നടക്കാൻ തുടങ്ങി

"ഹേയ് ..കല്ലൂ ....ഇങ്ങു പോരെ ..ഇത് വെറും സെന്റി സീനാ ...."

"സോറി ട്ടോ " കല്യാണി അകത്തേക്ക് വന്നപ്പോൾ ദേവൻ ചമ്മിയ മുഖത്തോടെ വെളിയിലേക്കു നടന്നു

ദേവൻ ടിവി ഓണാക്കി സോഫയിൽ ഇരുന്നപ്പോൾ ടെസ ഒരു ഗ്ലാസും വെള്ളവും വിസ്കി ബോട്ടിലുമായി വന്നു ടീപ്പോയിൽ വെച്ചു

" അതേയ് ..ഞാനിന്നു പറഞ്ഞെന്നു കരുതി ഒത്തിരി കുടിക്കണ്ട കേട്ടോ ....കല്യാണി പറഞ്ഞിട്ടുണ്ട് ക്വട്ടാ ഒക്കെ "

അപ്പോഴേക്ക് കല്യാണി മുട്ട ചിക്കി പൊരിച്ചതുമായ വന്നത് കൊണ്ട് ദേവൻ അതിനു മറുപടി പറഞ്ഞില്ല ..

ദേവൻ രണ്ടു പെഗ്ഗും കഴിച്ച ന്യൂസ് അവർ കണ്ടു കഴിഞ്ഞപ്പോഴേക്കും കല്യാണി ഭക്ഷണം കഴിക്കാൻ വിളിച്ചു .

ദേവനും ടെസക്കും മസാലയും കല്യാണിക്കു നെയ്‌റോസ്റ്റും .അപ്പോൾ ദേവനൊരു സംശയം

" ഇതെങ്ങനെ മൂന്നു പേർക്കുള്ള ആഹാരം വന്നു ?"

" അതോ ...എങ്ങാനും ദേവേട്ടന് കനിവ് തോന്നി എന്നോട് ഇവിടെ കിടക്കാൻ പറഞ്ഞാലോ എന്ന് കരുതി '

" എന്റെ ദേവേട്ടാ ....കിടക്കാൻ പറ്റിയില്ലേലും നിങ്ങടെ കൂടെയിരുന്നു കഴിച്ചിട്ടേ ഞാൻ പോകുമായിരുന്നുള്ളൂ .....ഞാൻ അവിടെ വല്ലതും വെച്ചിട്ടുണ്ടോ ...എന്നിട്ടും എന്നോട് പെട്ടന്ന് പൊക്കോളാൻ അല്ലെ പറഞ്ഞത് ? ഒന്നുമല്ലെങ്കിലും ഒരു സ്റ്റാഫ് എന്നുള്ള പരിഗണന എങ്കിലും താരാമായിരുന്നു '

ദേവൻ പിന്നെ ഒന്നും ചോദിച്ചില്ല ..കുനിഞ്ഞിരുന്നു ആഹാരം കഴിക്കാൻ തുടങ്ങി . കല്യാണി ചിരിക്കാനും

ദേവൻ കൈ കഴുകിയിട്ടു വന്നപ്പോഴും പെണ്ണുങ്ങൾ രണ്ടും ടേബിളിൽ തന്നെയിരുന്നു വാചകമടിയയായിരുന്നു . ദേവൻ പിന്നെയും റിമോട്ടും