Chapter Title : ദേവാൻഷ് 4 [മഹി]

ചുറ്റും നോക്കി...തുറന്നു കിടന്ന ജനാലയിലൂടെ കടന്നു വന്ന രാത്രിയുടെ തണുപ്പിലും അവൾ വിയർത്തു,കിതച്ചു....കടുത്ത തലവേദന തോന്നിയത്തും ദക്ഷ നെറ്റിയിൽ ഉള്ളം കൈ താങ്ങി

"ചീ.... എന്തൊരു വൃത്തികെട്ട സ്വപ്നമായിരുന്നു....."
അവൾ ആഞ്ഞു ശ്വസിച്ചു.... മൊബൈലിൽ സമയം വെളുപ്പിന് നാലുമണി കഴിഞ്ഞിരുന്നു
.
.
.

പിറ്റേന്ന് പ്രഭാതം...

ക്ലാസ്സിലേക്ക് വന്നുകയറിയ ദേവാൻഷിന്റെ വെള്ള ഹൂഡിയിൽ ദക്ഷയുടെ വലതുകാൽ പതിഞ്ഞു....അവൻ കാൽ തെറ്റി നിലത്തേക്ക് വീണുപോയി...

"മേലിൽ എന്റെ ദേഹത്ത് തൊടരുത്...."
നിലത്തുകിടന്ന ദേവാൻഷിന്റെ നേർക്ക് വിരൽ ചൂണ്ടി ദക്ഷ കോപത്തോടെ പറഞ്ഞു.... പിന്നെ വെട്ടി തിരിഞ്ഞ് ക്ലാസ്സിനുള്ളിലേക്ക് കയറിപ്പോയി....

മനുവും ആൽവിനും ഓടിവന്ന് അൻഷിനെ പിടിച്ച് എഴുന്നേൽപ്പിച്ചു....

"ആ പിശാച് എന്തിനാ നിന്നെ ചവിട്ടിയെ...."
ആൽവിൻ അവന്റെ നെഞ്ചിലെ മണ്ണും പൊടിയും തട്ടികളഞ്ഞുകൊണ്ട് ചോദിച്ചു.... ദക്ഷ പോയ വഴിയേ നോക്കി അൻഷ് രണ്ടു തവണ തുമ്മി...

"എനിക്ക് അറിയാൻ മേല...."
അവനൊരു വട്ടം കൂടെ തുമ്മി....
.
.

"നീയെന്തിനാ അവനെ ചവിട്ടിയത്"
ദേഷ്യത്തോടെ ഇരിക്കുന്ന ദക്ഷായണിയെ നോക്കി അഭിരാമി ചോദിച്ചു....

"അവനെന്നെക്കേറി പിടിച്ചു...."

"ഛെ...."
അഭിരാമി ദേഷ്യത്തോടെ എഴുന്നേറ്റു ....മനുവിന്റെയും ആൽവിന്റെയും ഒപ്പം അകത്തേക്ക് കയറുന്ന ദേവാൻഷിന്റെ മുഖം നോക്കി കൈവീശി.... അവൻ തല പെട്ടെന്ന് പിന്നിലേക്ക് വലിച്ചു ഒഴിഞ്ഞുമാറി....

"എന്താടി നിനക്ക്...."
അൻഷ് കലിതുള്ളി നിൽക്കുന്ന അഭിരാമിയെ നോക്കി....

"നീ പെണ്ണുങ്ങളെ കേറി പിടിക്കും അല്ലേടാ...."

"ഞാനോ..."
അൻഷ് അന്തം വിട്ടു....

"അല്ല ഞാനാടാ...."
അഭിരാമി വീണ്ടും അവന്റെനേരെ കൈവീശാൻ തുനിഞ്ഞതും ദക്ഷായണി ഓടിവന്ന് അവളെ പിടിച്ചു.....

"വിട്രി എന്നെ...."
അൻഷിന്റെ മുഖം കാണെ അഭിരാമി അവളുടെ പിടിയിൽ നിന്ന് കുതറി... ദക്ഷയുടെ അടുത്ത ചവിട്ട് പ്രതീക്ഷിച്ച അൻഷ് ഇതെന്തുകൂത്തെന്ന് അറിയാതെ ആൽവിനെ പിടിച്ച് ഫ്രണ്ടിൽ നിർത്തി

"അഭിരാമി ഒന്നടങ്ങ്...."
ദക്ഷ അവളെ പിടിച്ചു വലിച്ചുകൊണ്ട് സീറ്റിൽ ഇരുത്തി...

"അഭി... ഞാൻ... ഞാനൊരു സ്വപ്നം കണ്ടതാ..... അവനെന്നെ കേറി പിടിച്ചതായിട്ട്...."
മറ്റാരും കേൾക്കാതെ ദക്ഷ അടക്കം പറഞ്ഞു

"അയ്യേ...."

മുന്നിൽ നിൽക്കുന്ന മൂവരെയും കണ്ട് അഭിരാമി വിളറി...

"എന്താടി നിനക്ക്?"..
അൻഷ് അവളുടെ ചെവിയിൽ പിടിച്ച്