Chapter Title : ദേവരാഗം 12 [ദേവന്‍]

എന്നറിയാന്‍ ഞാന്‍ ചോദിച്ചു..

“...ഏട്ടാ... ആദിചേച്ചീടെ സ്വഭാവം ഏട്ടനേക്കാള്‍ നന്നായി എനിക്കറിയാം... പണ്ട് ഈ നാട്ടില്‍ ചേച്ചീടെ കൂട്ടുകാരടക്കം ഒരുപാട് പെണ്ണുങ്ങള്‍ മോഹിച്ചിരുന്ന ചെക്കനാരുന്നു ദേവേട്ടന്‍... ആ ദേവേട്ടനെ വേറെയാരും സ്വന്തമാക്കാതിരിക്കാനാ ആദിചേച്ചി ഏട്ടനെ ഇഷ്ടാന്ന് പറഞ്ഞത്... വേറെയാരും ഏട്ടന്റെ ഇഷ്ടം പിടിച്ചു പറ്റാതിരിക്കാനുള്ള വാശി... ഏട്ടനും തിരിച്ച് ഇഷ്ടാന്ന് പറഞ്ഞപ്പോ നിങ്ങള് തമ്മില് പ്രേമായി... അങ്ങനെ എല്ലാരുടെം മുന്നില് ഏട്ടന്റെ പെണ്ണായി ചേച്ചി ഞെളിഞ്ഞു നടന്നു... എന്നാ മോനൂട്ടന്‍ മരിച്ച് ഏട്ടന്‍ അതിന്റെ വിഷമത്തില് നടന്നപ്പോ കോളേജിലോക്കെ ഏട്ടനെ കൊണ്ടുപോയി കൂട്ടുകാരികളെയൊക്കെ കാണിച്ച് എല്ലാരും ചേച്ചിയെ അസൂയയോടെ നോക്കുന്നത് കാണണം എന്ന ചേച്ചീടെ മോഹം നടന്നില്ല... പലപ്പോഴും ഏട്ടനോട് നാട്ടിലും കോളേജിലും ഒക്കെ വരാന്‍ പറഞ്ഞ് ചേച്ചി അന്നൊക്കെ നിര്‍ബന്ധിച്ചിരുന്നത് ഏട്ടന്‍ ഓര്‍ക്കണില്ലേ..??

“...ഉം...” ഞാന്‍ തലയാട്ടി..

“...ആളൊരു കോഴിയാണെങ്കിലും അന്ന് കോളേജിലെ സ്റ്റാറായിരുന്നു വരുണ്‍... ആ വരുണ്‍ ചേച്ചിയുടെ പുറകേ വന്നപ്പോ, എന്ത് കാരണംകൊണ്ട് ഏട്ടനെ ചേച്ചി ഇഷ്ടപ്പെട്ടുവോ അതെ കാരണംകൊണ്ട് അവനേം ഇഷ്ടപ്പെട്ടു... എട്ടനെ ചതിച്ചു...” വലിയൊരു കാര്യം പറഞ്ഞുതീര്‍ത്തതിന്റെ ആശ്വാസം പോലെ ശ്വാസമൊന്നു ആഞ്ഞുവലിച്ച് അവള്‍ അല്‍പ്പസമയം എന്റെ മുഖത്തേയ്ക്ക് നോക്കിനിന്നു... അന്ന് നടന്ന കാര്യങ്ങളൊക്കെ അച്ചുപറഞ്ഞതിന്റെ കൂടെ കൂട്ടിവായിച്ചുകൊണ്ട് ഞാന്‍ മുന്നോട്ടു നടന്നു... അവളും... അമ്പലത്തിന്റെ മതില്‍ക്കെട്ട് കടക്കുമ്പോള്‍ ശാസ്താവിനു മുന്നില്‍ ആരോ നേദിച്ച നീരാഞ്ജനത്തിന്റെ നെയ്മണം ഞങ്ങളെത്തഴുകി അന്തരീക്ഷത്തില്‍ പടര്‍ന്നു..

“...ഇത്രയും വര്‍ഷം ആദിചേച്ചി ഹാപ്പിയായിരുന്നു... എന്നാല്‍ ഏട്ടനോ..?? ഏട്ടന്‍ അനുഭവിച്ചതൊക്കെ എനിക്കറിയാം... വല്യേച്ചി ഇല്ലായിരുന്നേല്‍ ഏട്ടന്റെ അവസ്ഥ എന്തായിരുന്നിരിക്കുമെന്നുമറിയാം.. ഇപ്പോള്‍ ഏട്ടന്‍ പഴയതിനേക്കാള്‍ വല്യയാളാ... ശ്രീമംഗലത്തെ മുഴുവന്‍