Chapter Title : ദേവരാഗം 6 [ദേവന്‍]

വെയര്‍ ഷോപ്പില്‍ കൊണ്ട് പോയി എനിക്ക് കല്യാണത്തിന് ഇടാനുള്ള ഡ്രസ്സൊക്കെ എടുത്ത് തന്നു.. പിന്നെ കുറെ ടീ ഷര്‍ട്ടുകള്‍, ട്രാക്പാന്റുകള്‍, ഇന്നര്‍ വെയറുകള്‍, എന്ന് തുടങ്ങി എനിക്ക് ഒരു രണ്ടു കൊല്ലത്തേയ്ക്ക് ഇടാനുള്ള ഡ്രസ്സ് അവള്‍ വാങ്ങിത്തന്നു.... എന്നിട്ട് ഒരു ഡയലോഗും..

“... എന്റെ കല്യാണം കഴിഞ്ഞാല്‍ എത്രയും പെട്ടന്ന് എട്ടന് ഞാനൊരു പെണ്ണിനെ തപ്പിപ്പിടിച്ചു തരും... ഞാന്‍ നോക്കുന്നത് പോലെ എന്റെ ഏട്ടന്റെ കാര്യങ്ങള്‍ നോക്കും എന്ന്‍ എനിക്ക് തോന്നുന്ന ഒരു പെണ്ണിനെ... അതുവരെ ഈ ഡ്രസ്സൊക്കെ കൊണ്ട് അഡ്ജസ്റ്റ് ചെയ്തോണം... പിന്നെ പുതിയത് വെല്ലോം വേണന്നു തോന്നിയാ എന്നെ വിളിച്ചു പറഞ്ഞാല്‍ മതി ഞാന്‍ വാങ്ങിക്കൊണ്ട് തന്നോളം.. കേട്ടല്ലോ...???

“.... ആയിക്കോട്ടെ മുതലാളീ...” ഞാന്‍ വാക്കൈയ്യും പൊത്തി നിന്ന് സമ്മതിച്ചു.. പിന്നെ ബാക്കിയുള്ള അവളുടെ കൂട്ടുകാരികളുടെ വീടുകളിലും പോയി വിളി കഴിഞ്ഞ് ഞങ്ങള്‍ വീട്ടില്‍ തിരിച്ചെത്തിയപ്പോള്‍ രാത്രി എട്ടുമണി കഴിഞ്ഞിരുന്നു...

അന്ന് രാത്രി അത്താഴം കഴിഞ്ഞു കിടക്കാന്‍ വേണ്ടി ഞാന്‍ മുറിയില്‍ ചെന്നപ്പോള്‍.. നമ്മുടെ വാനരപ്പട മുഴുവന്‍ എന്റെ മുറിയിലുണ്ട്... ഇന്ന് അവരെല്ലാം എന്റെ ഒപ്പമാണ് ഉറങ്ങുന്നതെന്നും.. വല്യേച്ചിയുടെ (മുത്തിനെ അവരെല്ലാം അങ്ങനാണ് വിളിക്കുന്നത്.., മാളുവിനെ  കുഞ്ഞേച്ചി എന്നും) കല്യാണം കഴിഞ്ഞാല്‍ പിന്നെ എല്ലാവര്ക്കും ഒരുമിച്ചു കൂടാന്‍ പറ്റില്ല എന്നും പറഞ്ഞു അവര് നേരത്തെ തന്നെ എന്റെ കട്ടിലില്‍ സ്ഥാനം പിടിച്ചിരുന്നു....

തമാശകളും  കളിയും ബഹളവുമൊക്കെയായി ഞങ്ങള്‍ ആറുപേരും രാത്രി പകലാക്കി... പിന്നെ മുത്തിനെയും മാളുവിനെയും നടുക്ക് കിടത്തി ഞങ്ങള്‍ എല്ലാവരും എന്റെ കിംഗ് സൈസ് ഫാമിലികോട്ട് കട്ടിലില്‍ കെട്ടിപ്പിടിച്ചു കിടന്നുറങ്ങി... കൂട്ടത്തില്‍ ഏറ്റവും ഇളയകുട്ടികളായ സച്ചിക്കും ശ്രീക്കുട്ടനും പോലും പതിനെട്ടു വയസ്സ് തികഞ്ഞിട്ടും ഒരുമിച്ചു കൂടിയാല്‍ ഞങ്ങളെല്ലാവരും ചെറിയ കുട്ടികളെ പോലെയാണ്..

രാവിലെ പതിവ് പോലെ ഓടാന്‍ പോയിട്ട് തിരിച്ചു ഞാന്‍ വരുമ്പോഴേക്കും എല്ലാവരും അവരവരുടെ മുറികളിലേയ്ക്ക് പോയിരുന്നു.. വരുമ്പോള്‍ ഹാളില്‍ ആരെയും കണ്ടില്ല.. അടുക്കളയില്‍ നിന്നും പെണ്ണുങ്ങളുടെ സംസാരം കേള്‍ക്കാം... പഞ്ചമിയുടെ ഒച്ചയാണ്‌ എല്ലാത്തിനും മേലെ... ഞാന്‍ ചിരിച്ചുകൊണ്ട് എന്റെ മുറിയിലേയ്ക്ക് പോയി..

ഇന്ന് ഞാന്‍ സാധരണ വരുന്നതിനേക്കാള്‍ നേരത്തെ ആയിരുന്നു.. തന്നെയുമല്ല