Chapter Title : ദേവരാഗം 8 [ദേവന്‍]

എനിക്ക് വീണ്ടും ദേവേട്ടനെ നഷ്ടപ്പെടില്ലേ...??”

“...ഉം...”

“...ഞാന്‍ തെറ്റ് ചെയ്തു എന്ന് തോന്നിയാല്‍ ഒന്ന് തല്ലിക്കൂടെ ദേവേട്ടന്... അങ്ങനെ എന്നോടുള്ള ദേഷ്യം തീര്‍ക്കാല്ലോ... പിന്നെ എന്തിനാ ഇങ്ങനെയൊക്കെ....??”

“.... എനിക്ക് നിന്നെ തല്ലാന്‍ പറ്റില്ല ആദീ... പിന്നെ എല്ലാം അടക്കിപ്പിടിച്ചുള്ള  ജീവിതമല്ലായിരുന്നോ ഇതുവരെ... ഞാനും ഒരു ആണല്ലെടീ... നിന്നെപ്പോലൊരു പെണ്ണ്‍ എന്തിനും തയ്യാറായി മുന്നില്‍ നില്‍ക്കുമ്പോള്‍ പിടിച്ചു നിക്കാന്‍ പറ്റുന്നതിനു ഒരു പരിധിയില്ലേ... അല്ലാതെ ഇങ്ങനെയൊക്കെ വേണമെന്ന് വിചാരിച്ചല്ല ഞാന്‍ നീ വിളിച്ചപ്പോള്‍ വന്നത്...”

“... എന്നാലും ഈ രാത്രി പുലരുമ്പോള്‍ ഈ നെഞ്ചില്‍ എനിക്ക് സ്ഥാനമുണ്ടാവില്ലല്ലോ...???”

“... അത് ഇല്ലാതാക്കിയത് നീ തന്നെയാ ആദീ... ചെയ്ത തെറ്റ്  തുറന്നു പറഞ്ഞ് ഇന്ന് നീ ആത്മാര്‍ഥമായി എന്നോടൊരു സോറി പറഞ്ഞിരുന്നെങ്കില്‍ ഒരുപക്ഷെ എന്റെ മനസ്സ് മാറിയേനെ ... പക്ഷെ നീ വീണ്ടും എന്നെ ചതിക്കുവല്ലേ ചെയ്തത്...”

“... ദേവട്ടാ... അത്.... ഞാന്‍... വേണന്നു കരുതി ചെയ്തതല്ല.... ദേവേട്ടന് അറിയോ... എല്ലാരും ഉണ്ടായിട്ടും ദേവേട്ടന്റെ കാര്യത്തില്‍ മാത്രം എന്നെ ആരും സഹായിച്ചില്ല... എല്ലാം അറിഞ്ഞപ്പോള്‍ എന്റെ അടുത്ത കൂട്ടുകാര്‍പോലും എന്നെ കുറ്റപ്പെടുത്തുകയാണ് ചെയ്തത്... എനിക്ക് എന്ത് ചെയ്യണം എന്നറിയില്ലാരുന്നു .... അങ്ങനെ പറ്റിപ്പോയതാ...” അവളുടെ കണ്ണ് നിറഞ്ഞ് തുള്ളികള്‍ എന്റെ കഴുത്തില്‍ വീണു.

“...അതിന് നമ്മടെ കല്യാണം വീട്ടുകാരൊക്കെ തീരുമാനിച്ചു വച്ചേക്കുവല്ലേ...?? പിന്നെ എന്തിനാരുന്നു ഇങ്ങനെ ഒരു നാടകം...”

“... ഹും.. കല്യാണം...!!! ദേവേട്ടനോട് അവരൊക്കെ ഈ കാര്യം ചോദിക്കുന്ന വരെയല്ലേ ആ സ്വപ്നത്തിനു ആയുസ്സ് ഉണ്ടാവൂ... ദേവേട്ടന്‍ എന്നെ വേണ്ടാ എന്ന് പറഞ്ഞാല്‍ അതിന്റെ കാരണം പോലും