Chapter Title : ദേവൂട്ടി എന്റെ അനിയത്തി 1 [Garuda]

പോന്നാൽ പോരായിരുന്നോ "" അച്ഛന്റെ വക ഒരു ചെറിയ ഉപദേശം.

""ഇതൊക്കെ ഒരു രസമല്ലേ അച്ഛാ ""

""അവന്റെയൊരു രസം. "" അൽപ്പം ദേഷ്യത്തോടെ അമ്മ എന്റെ തല തോർത്തി തന്നു. നനഞ്ഞ ഷർട്ട്‌ അഴിച്ചു പിഴിഞ്ഞ് ഒരു മൂലയിൽ വച്ചു. പിന്നെ തോർത്തു എടുത്തു അകത്തേക്ക് പോയി. അമ്മ ദേഷ്യപ്പെട്ടത് കണ്ടു ഉള്ളിൽ എന്നെ കളിയാക്കികൊണ്ട് ദേവൂട്ടിയും കൂടെ വന്നു.

റൂമിൽ കയറിയ ഞാൻ ഡ്രെസ് ചേഞ്ച്‌ ചെയ്തു. അവൾ എന്റെ ഫോൺ എടുത്തു നോക്കാൻ തുടങ്ങി. ഫോണിൽ പേടിക്കാൻ മാത്രമുള്ളതൊന്നും ഇല്ല..ഇനിയിപ്പോൾ ആകെയുള്ള ഫുട്ബോൾ കളിയും രണ്ടു ദിവസത്തേക്ക് നടക്കില്ല. മഴ പെയ്താൽ പിന്നെ അവിടെ ചെളി നിറയും..

""ഹോ എന്തൊരു തണുപ്പ് "" തണുത്തു വിറച്ചു കൊണ്ടു ഞാൻ പറഞ്ഞു.

""ഏട്ടൻ മഴ നനഞ്ഞിട്ടല്ലേ ""

""മഴ നനഞ്ഞെന്നു കരുതി തണുപ്പ് തണുപ്പല്ലാണ്ടാവോ ""

""എന്നാ പുതച്ചു കിടന്നോ ""

""അല്ല നിനക്ക് പഠിക്കാനൊന്നും ഇല്ലേ ""

""പ്രത്യേകിച്ച് ഒന്നും ഇല്ല. ""

""ക്ലാസ്സിൽ ഫസ്റ്റ് വാങ്ങിയാൽ എന്റെ ദേവൂന് ഞാൻ ഒരു സമ്മാനം വാങ്ങിത്തരും "" പുതപ്പെടുത് ശരീരത്തിലേക്കു വലിച്ചു കയറ്റുന്നതിനിടയിൽ ഞാൻ പറഞ്ഞു.

""എന്ത് സമ്മാനം "" ഞാൻ പറഞ്ഞത് കേട്ടു എന്റെ ഫോൺ മാറ്റി വച്ചു അവൾ ചോദിച്ചു..

""അതൊക്കെ മോള് ഫസ്റ്റ് വാങ്ങിയിട്ട് വാ അപ്പോൾ തരാം ""

""എന്താ ഏട്ടാ.. ഇങ്ങനെയെന്തെങ്കിലും കേട്ടാൽ പിന്നെ അതറിയാതെ നിൽക്കാൻ എനിക്ക് കഴിയില്ലെന്ന് ഏട്ടനറിയില്ലേ.. പ്ലീസ്‌ എന്നോട് പറ ""

എന്റെ അടുത്ത് വന്നു കെഞ്ചി കൊണ്ടു അവൾ പറഞ്ഞു.

""അതൊക്ക അന്ന് വാങ്ങിത്തരും. ഞാൻ പറഞ്ഞാൽ നിനക്കറിയാലോ. വാങ്ങിത്തന്നിരിക്കും "" അവളുടെ കൈ പിടിച്ചു ഞാൻ സത്യം ചെയ്തു.

""അപ്പോൾ എന്നെ ഇഷ്ട്ടല്ലലെ.."" അവളൊന്നു പിണങ്ങിയത് പോലെ കാണിച്ചു.

""നിന്നെയല്ലാതെ പിന്നെ ആരെയാടി ഞാൻ ഇഷ്ടപെടാ... നീയെന്റെ ചക്കര മോളല്ലേ ""

""എന്നാ എന്നോട് പറ ""

""നിനക്ക് ഞാൻ ഒരു ജോഡി കമ്മൽ വാങ്ങി തരാം "" എന്നെകൊണ്ട് വാങ്ങാൻ കഴിയുന്ന ഒരു സമ്മാനം ഞാൻ പറഞ്ഞു.