Chapter Title : ഡെയ്‌സി 11 [മഞ്ജുഷ മനോജ്]

രണ്ട് പേരും പരസ്പരം നോക്കി ഒന്ന് ചിരിച്ചു.  തുടർന്ന് അവർ കാറിൽ കയറി അവരുടെ ടൂർ ആരംഭിച്ചു. ഊട്ടിയിലെ ഒട്ടുമിക്ക ടൂറിസ്റ്റ് സ്പോട്ടുകളിലും അവർ പോയി.

വൈകുന്നേരം 6 മണി കഴിഞ്ഞപ്പോൾ തന്നെ ഇരുട്ട് വീണ് തുടങ്ങിയിരുന്നു. റൂമിൽ എത്തി ഒന്ന് ഫ്രഷ് ആയിട്ട് പോകാമെന്ന് വിഷ്ണു എല്ലാരോടും പറഞ്ഞു. പക്ഷേ അവന്റെ മനസ്സിൽ, ഈ തണുപ്പിൽ ഒരു അവസാന കളിയുംകൂടി കളിച്ചിട്ട് പോകാമെന്ന ചിന്തയായിരുന്നു ഉണ്ടായിരുന്നത്.

അങ്ങനെ അവർ റൂമിൽ എത്തി. 8 മണിക്ക് ക്യാമ്പ് ഫയർ തുടങ്ങണമെന്ന് ഹോം സ്റ്റേയിലെ തമിഴനെ വിഷ്ണു അറിയിച്ചു.

കൃത്യ സമയത്ത് തന്നെ ക്യാമ്പ് ഫയർ ആരംഭിച്ചു. ഗാർഡൻ ഏരിയയിൽ ആയിരുന്നു ക്യാമ്പ് ഫയർ സെറ്റ് ചെയ്തിരുന്നത്. ഗ്രിൽഡ് ചിക്കനും ബിയറും ഒക്കെ ഉണ്ടായിരുന്നു അവർക്ക് കഴിക്കാൻ. ഒരു ബീയർ പൊട്ടിച്ച് ജിത്തു നിരുപമയുടെ കയ്യിലേക്ക് കൊടുത്തു. അവൾ അത് ഒരു കവിൾ കുടിച്ചതിന് ശേഷം ഡെയ്‌സിക്ക് നേരെ നീട്ടി.

ബീയർ കുടിച്ച് ശീലമില്ലാത്ത അവൾ ആദ്യമൊന്ന് മടിച്ചു. എങ്കിലും നിരുപമ നിർബന്ധിച്ചപ്പോൾ ഡെയ്‌സി കുടിക്കാൻ തയ്യാറായി. ആദ്യമൊക്കെ ചെറിയ ചവർപ്പും മറ്റും ഒക്കെ അവൾക്ക് തോന്നിയെങ്കിലും ഡെയ്‌സിക്ക് പിന്നീട് അതിന്റെ രുചി അങ്ങോട്ട് ഇഷ്ട്ടപ്പെട്ടു. അവൾ ഒരു കുപ്പി മുഴുവനും അങ്ങനെ അകത്താക്കി.

വിഷ്ണു ബ്ലെടൂത്ത് സ്പീക്കറിൽ ഉറക്കെ ഒരു പാട്ട് വെച്ചു. ജിത്തുവും വിഷ്ണുവും അതിന് ഡാൻസ് ചെയ്യാൻ തുടങ്ങി. ഇരുവരും നിരുപമയെയും ഡെയ്‌സിയെയും ഡാൻസ് ചെയ്യാൻ വിളിച്ചു.

നിരുപമ ഓടി ചാടി നേരെ ജിത്തുവിന്റെ അടുത്തേക്ക് ചെന്നു. അവൾ അവനെ കെട്ടിപിടിച്ച് ഡാൻസ് ചെയ്യാൻ