Chapter Title : ഡെയ്‌സി 4 [മഞ്ജുഷ മനോജ്]

അവസരം അവർക്ക് ഒത്ത് വന്നിരുന്നില്ല. ലോഡ്ജിൽ മുറിയെടുക്കാൻ ഡെയ്‌സിക്ക് എന്തോ ഒരു മുദ്ധിമുട്ടു ഉണ്ടായിരുന്നു.

അങ്ങനെ ഇരിക്കുമ്പോഴാണ് ഒരു അവധി ദിവസം വന്നെത്തുന്നത്. വിഷ്ണു ഡെയ്‌സിക്ക് മെസ്സേജ് അഴച്ചു.

വിഷ്ണു : ഇന്ന് അധിയല്ലേ. നമ്മക് ഒരു സിനിമക്ക് പോയാലോ…

ഡെയ്‌സിക്ക് ഇത് കേട്ടതും വളരെ സന്തോഷമായി. കാരണം വിഷ്ണുവുമായുള്ള ഒരു കൂടി ചേരലിനായി അക്ഷമയോടെ കാത്തിരിക്കുന്നത് ഡെയ്‌സിയായിരുന്നു. വിഷ്ണുവിനൊപ്പം സിനിമക്ക് പോയാൽ ആരെങ്കിലും തന്നെ കണ്ട് പ്രശ്നമാകുമോ എന്നൊന്നും ചിന്തിക്കാതെ ഡെയ്‌സി വിഷ്ണുവിന്റെ ചോദ്യത്തിന് സമ്മതം മൂളി. ആ രാത്രിയിലെ പതിവ് ചൂടൻ ചാറ്റിന് ശേഷം കിടക്കാൻ ഒരുങ്ങിയ ഡെയ്‌സി, നാളെ നടക്കാൻ പോകുന്ന കാര്യങ്ങളെ കുറിച്ചോർത്ത് അൽപ്പം നാണത്തോടെയാണ് കിടന്നുറങ്ങിയത്.

അടുത്ത ദിവസം ഡെയ്‌സി രാവിലെ എഴുന്നേറ്റ്, അമ്മച്ചിയെ അടുക്കളയിൽ സഹായിച്ചതിന് ശേഷം പോകാനായി തയ്യാറെടുക്കുകയായിരുന്നു. രാവിലെ പതിനൊന്ന് മണിക്കാണ് സിനിമ തുടങ്ങുന്നത്. തന്റെ കൂടെ ജോലി ചെയ്യുന്ന ജിൻസി ചേച്ചിയുടെ കൊച്ചിന്റെ പിറന്നാൾ ആഘോഷത്തിൽ പങ്കെടുക്കാൻ പോകുകയാണെന്നാണ് അമ്മച്ചിയോട് ഡെയ്‌സി പറഞ്ഞിരിക്കുന്നത്.

കുളി കഴിഞ്ഞ് ഒരു മഞ്ഞ ചുരിദാർ ധരിച്ച് അവൾ മുറിക്ക് പുറത്തേക്ക് ഇറങ്ങി. ഡെയ്‌സിയോട് അപ്പോഴാണ് അമ്മച്ചി ഒരു കാര്യം ചോദിക്കുന്നത്.

"മോളെ അമ്മച്ചിക്ക് ഒരു സാരിയും രണ്ട് നൈറ്റിയും മേടിക്കണം. മോളുടെ കൂടെ ഞാനും വരാം. കടയിൽ കയറി സാധനം മേടിച്ചിട്ട് മോള് മോള് പരിപാടിക്ക് പൊക്കോ. ഞാൻ തിരിച്ച് വീട്ടിലോട്ട് പൊന്നേക്കാം…"

ഒരു നിമിഷം ഡെയ്‌സിക്ക് എന്ത് പറയണമെന്ന് അറിയാത്ത അവസ്ഥയായിരുന്നു. ഒരുപ്പാട് നാളുകൾക്ക് ശേഷമാണ് വിഷ്ണുവിനെ ഒന്ന് കാണാൻ ഒരു അവസരം ഒത്ത് വന്നിരിക്കുന്നത്. അത് പാഴാക്കാൻ അവൾ തയ്യാറായിരുന്നില്ല. പക്ഷേ അമ്മച്ചിയെ എങ്ങനെ ഒഴിവാക്കും എന്നതായിരുന്നു അവളെ അലട്ടിയിരുന്ന പ്രശ്നം. എന്താണാണെങ്കിലും അമ്മച്ചിയെ വെറുപ്പിക്കുന്നത് ശരിയല്ലെന്ന് ഡെയ്‌സിക്ക് തോന്നി. എന്തെങ്കിലും പറഞ്ഞ് തുണിക്കടയിൽ നിന്നും നേരത്തെ ഇറങ്ങാമെന്ന് ഡെയ്‌സി വിചാരിച്ചു. അങ്ങനെ അമ്മച്ചിയെയും കൂട്ടി ഡെയ്‌സി വീട്ടിൽ നിന്നും ഇറങ്ങി.

ബോട്ട് കയറാൻ നിൽക്കുമ്പോൾ തന്നെ അവിടെ വിഷ്ണുവും എത്തിയിരുന്നു. അമ്മച്ചിയെ ഡേയ്‌സിയുടെ കൂടെ കണ്ട് വിഷ്ണു ഒന്ന് അമ്പരന്നു. ഉടനെ തന്നെ മെസ്സേജ് വഴി