Chapter Title : ദി ടൈം 5 [Fang leng] [Climax]

തന്നെ അവർ ഒരു കായൽ തീരത്തിനു മുന്നിലെത്തി

"സാം ഇത്.."

"അതും ഇതുമൊക്കെ അവിടെ നിൽക്കട്ടെ ആദ്യം സ്ഥലം എങ്ങനെയുണ്ടെന്ന് പറ നീ ഇതിനു മുൻപ് ഇവിടെ വന്നിട്ടില്ലല്ലോ അല്ലേ "

"ഇല്ല സാം നിനക്കെങ്ങനെ ഈ സ്ഥലം അറിയാം "

"അതൊക്കെ അറിയാം നീ വാ നമുക്ക് കുറച്ചുകൂടി അടുത്ത് ചെന്ന് കായൽ കാണാം "

ഇത്രയും പറഞ്ഞു സാം റിയയുമായി മുന്നോട്ടു നടന്നു ശേഷം ഇരുവരും ചേർന്ന് കായൽ നോക്കി കണ്ടു

"ഇവിടെ നിന്ന് കായൽ കാണാൻ എന്ത് ഭംഗിയാ അല്ലേ സാം "

"ഹേയ് നിന്റെ അത്രയും ഭംഗിയൊന്നും ഉണ്ടാകില്ല "

"ഹോ തുടങ്ങി ദയവ് ചെയ്ത് ഇത്തരം ദുരന്തം ഡയലോഗുകൾ എഴുന്നള്ളിച്ച് എന്റെ മൂഡ് കളയല്ലേ ഞാൻ ഇതൊക്കെ ഒന്ന് ആസ്വച്ചോട്ടെ "

"ശെരി ഞാൻ മിണ്ടുന്നില്ല പോരെ പിന്നെ വൈകുന്നേരം കായൽ കാണാൻ ഇതിലും ഭംഗിയുണ്ടാകും നമുക്ക് അതൊക്കെ കണ്ടിട്ടു പോകാം എന്താ "

"വൈകുന്നേരം വരെയോ അത്.."

"എന്താ എന്നെ വിശ്വാസമില്ലേ കൊണ്ടു വന്നതുപോലെ ഞാൻ വീട്ടിൽ ആക്കിയേക്കാം "

"ഉം ശരി.. ടാ സാമേ അങ്ങോട്ട് നോക്കിയേ ദാ അവിടെ "

റിയ കായലിലേക്ക് കൈ ചൂണ്ടി സാമിനോട്‌ പറഞ്ഞു

"എന്താ റിയാ "

"ടാ അവിടെ കുറേ മീനുകൾ ഒരുപാടുണ്ടെടാ "

"അയ്യേ ഇതിനാണോ കൊച്ചുകുട്ടികളെ പോലെ ഇങ്ങനെ ബഹളം വച്ചത് കായലാകുമ്പോൾ മീനൊക്കെ ഉണ്ടാകും "

"ഓഹ് ചില സമയം ശെരിക്കും നീ വലിയ ഏതോ മാമനെ പോലെയാ പെരുമാറുന്നത് ഇങ്ങനെയാണെങ്കിൽ ശെരിയാകില്ല "