Chapter Title : ദി ട്രിപ്പ് [ഫിർഔൻ]

വെള്ളം വീഴുമ്പോൾ എന്തെന്നില്ലാത്ത ഒരു കുളിര് അവൾക് അനുഭവപ്പെട്ടു, തലേ ദിവസം രാത്രി നടന്നതൊക്കെ അവളുടെ മനസിലൂടെ ഊളിയിടാൻ തുടങ്ങി, അവളുടെ ചുണ്ടിൽ ചെറു പുഞ്ചിരി വിടർന്നു... കല്യാണ ശേഷം ഭാര്യ, പ്രസവ ശേഷം ഉമ്മ.... കഴിഞ്ഞ 8 വർഷമായി ഈ രണ്ട് വേഷങ്ങൾ കെട്ടിയാടുകയായിരുന്നു... പക്ഷെ ഇന്നലെ.... അല്ല കുറച്ചുനാളായി ഒരു "പെണ്ണ്" എന്ന വേഷം കൂടി കെട്ടി തുടങ്ങി, അല്ലെങ്കിൽ ഒരു "കാമുകി" ഇനി അതും അല്ലെ, ഒരു "പ്രണയിനി"..... അവൾ ഓരോന്ന് ആലോചിച്ചു, ശരീരത്തിൽ നിന്നും കൊഴിഞ്ഞു പോയ എന്തൊക്കെയോ തിരിച്ചു വന്ന ഒരു അനുഭൂതി, ഏതോ ഒരു മായാജാലത്തിൽ എന്നപോലെ.....

ശെരിയാണ്, ശരീരം പോലും ആ മാറ്റം ഇത്ര പെട്ടെന്ന് അംഗീകരിച്ചു തുടങ്ങി, പ്രണയത്തിന്റെ മൊട്ടുകൾ മനസ്സിൽ മാത്രമല്ല ശരീരത്തിലും വിരിഞ്ഞു തുടങ്ങി, അതിനുള്ള തെളിവായി ശരീരം പലതും കാണിച്ചു തരുന്നുണ്ട്, പതിവില്ലാതെ ഒരു നാണം, അറിയാതെ പുഞ്ചിരിച്ചു പോവുന്നു, ഉണർന്നിരിക്കുമ്പോള്ളും സ്വപ്നം കാണുന്നു, ചുറ്റുമുള്ളത്തിലൊക്കെ ഒരു അസാമാന്യ ശോഭ കാണുന്നു, അബു ദാബിയിലെ 42° ച്ചുട് പോലും കുളിരായി തോനുന്നു, പണ്ടെങ്ങോ മനസ്സിൽ കുഴിച്ചിട്ട മൂളി പാട്ടുകൾ കുഴി തോണ്ടി പുറത്തേക്ക് വന്നിരിക്കുന്നു, സ്വയം അറിയാതെ അണിഞ്ഞൊരുങ്ങി പോവുന്നു.... എന്തെന്നില്ലാത്ത ലഹരിയിലേക് താൻ വീണ്ണുകൊണ്ടിരിക്കുന്നത് അവൾ അറിഞ്ഞു, പ്രണയ ലഹരി....

സ്കൂളിൽ പഠിക്കുമ്പോൾ ചില ചെക്കന്മാരോട് ഒരു അട്ട്രാക്ഷൻ തോന്നിയിരുന്നെങ്കിലും അതൊന്നും ഒരു പ്രണയമായി മാറിയിരുന്നില്ല, അല്ല.. താൻ ജീവിതത്തിൽ ഒരിക്കലും പ്രണയിച്ചിട്ടില്ല, പ്രണയിക്കപ്പെട്ടിട്ടില്ല...

കല്യാണ ശേഷം ഹാഷിമിന് തന്നോട് സ്നേഹം ആയിരുന്നു, വാത്സല്യം ആയിരുന്നു, ബഹുമാനം ആയിരുന്നു പക്ഷെ അതിലൊക്കെ ഒന്നിന്റെ കുറവ് ഉണ്ട് പ്രണയത്തിന്റെ, സ്നേഹവും പ്രണയവും വെവ്വേറെ ആണെന്ന തിരിച്ചറിവ് അവൾക് വന്നു, സ്നേഹം എന്നത് ഭാര്യക്കും ഭർത്താവിനും ആണെങ്കിൽ പ്രണയം എന്നത് ആണിനും പെണ്ണിനും തമ്മിലാണ്... പ്രണയം എന്ന ലഹരി അനുഭവിക്കാനുള്ള ഭാഗ്യം തനിക് കല്യാണ ശേഷം ലഭിക്കും എന്ന് സ്വപ്നത്തിൽ പോലും വിചാരിച്ചതല്ല, .

പുറത്ത് ഹാഷിമിന്റെ വിളി കേട്ടാണ് ഫെസ്സ ചിന്തയിൽനിന്നും ഉണർന്നത്...."ഫെസ്സ എന്താ ചെയ്യുന്നേ, എത്ര നേരമായി ഇത്‌... കുഞ്ഞിനെ കുളിപ്പിക്കണ്ടേ..