Chapter Title : ഡിറ്റക്ടീവ് അരുൺ 8 [Yaser]

സി ഐ ശേഖരനായിരുന്നു വിളിച്ചത്. അവൻ വേഗം തന്നെ ആ കോൾ അറ്റന്റ് ചെയ്തു. "ഹലോ സാർ. ഞാൻ സൂര്യനാണ്."

"മനസ്സിലായി അത് കൊണ്ടാണല്ലോ തിരിച്ച വിളിച്ചത്. എന്താ പ്രത്യേഗിച്ച്."

"ഒന്നുമില്ല. ചെറിയൊരു സഹായം ആവശ്യമുണ്ടായിരുന്നു. ഇന്ന് ആത്മഹത്യ ചെയ്ത നന്ദൻ മേനോന്റെ ലോഡ്ജിൽ നിന്നും അവിടേക്ക് തെളിവെടുപ്പിന് വന്ന പോലസുകാർക്ക് ഒരു വോയ്സ് റെക്കോർഡർ കിട്ടിയിട്ടുണ്ടോ എന്നറിയണം."

"നിലവിൽ ആ കേസ് എന്റെ ശ്രദ്ധയിൽ പെട്ടിട്ടില്ല. ഒരു പക്ഷേ സ്വാമിനാഥനായിരിക്കാം അപ്പേഷിച്ചത്. അവർ ഒരു തന്നിഷ്ടകാരനാണ്. എങ്കിലും ഞാനൊന്ന് അന്വേഷിച്ച ശേഷം വിവരം തരാം."

"ശരി. സാർ പെട്ടന്ന് തന്നെ വേണം."

"ഒകെ." അയാളുടെ മറുപടി കേട്ടയുടൻ സൂര്യൻ ഫോൺ കട്ട് ചെയ്തതും ഒരുമിച്ചായിരുന്നു.

പിന്നെയും കുറേ മിനുട്ടുകൾ കഴിഞ്ഞു സി ഐ ശേഖരന്റെ കോൾ സൂര്യന്റെ മൊബൈലിലെത്താൻ. നിങ്ങൾ തിരയുന്നത് പോലെ ഒരു സാധനവും പോലീസിന് കിട്ടിയിട്ടില്ലെന്നായിരുന്നു അയാളുടെ മറുപടി.

അവൻ ശേഖരനിൽ നിന്നും അറിഞ്ഞ വിവരങ്ങൾ ധരിപ്പിക്കാനായി രാകേഷിന്റെ നമ്പർ വീണ്ടും ഡയൽ ചെയ്തു.

"ഹലോ ഏട്ടാ." രാകേഷിന്റെ ശബ്ദം സൂര്യന്റെ കാതിലേക്കെത്തി.

"രാകേഷ്... സാധനം പോലീസിന്റെ കയ്യിൽ കിട്ടിയിട്ടില്ല. ഇനിയത് ഒന്നുകിൽ നന്ദൻ മേനോൻ താമസിച്ച ലോഡ്ജിലായിരിക്കും. അല്ലെങ്കിൽ അരുണിന്റെ കയ്യിൽ."

"ഏട്ടാ. എന്താ ചെയ്യേണ്ടത് എന്ന് പറഞ്ഞാൽ മതി."

"നന്ദന്റെ ലോഡ്ജിൽ നിന്ന് ആ വോയ്സ് റെക്കോർഡർ വീണ്ടെടുക്കണം."

"ശരി ഏട്ടാ. ഒരു സംശയം ലോഡ്ജ് പോലീസ് സീൽ ചെയ്തിട്ടുണ്ടാവില്ലേ."

"പൊളിക്കേണ്ടിവരും."

"ഒരു പക്ഷേ അതവിടെ ഇല്ലെങ്കിൽ." സംശയത്തോടെ ആയിരുന്നു. രാകേഷിന്റെ ചോദ്യം.

"നാളത്തെ പ്രഭാതം കാണാൻ അരുണും ഉണ്ടാവാൻ പാടില്ല." എന്തോ കരുതി ഉറപ്പിച്ചത് പോലെ സൂര്യൻ പറഞ്ഞു.

"ശരി ഏട്ടാ."

തുടരും........

ഇന്ന് എന്റെ മോളുടെ രണ്ടാം പിറന്നാളാണ്. അതിന്റെ ഒരു സന്തോഷം പങ്കിടുക എന്ന ഉദ്ദേശമാണ് ഇത്രയും വലിയ ഒരു ഭാഗം പോസ്റ്റ് ചെയ്യുക എന്ന ഒരു പരീക്ഷണത്തിന് ഞാൻ മുതിരാനുള്ള കാരണം.

ഇത്രയും വലിയ ഈ ഭാഗം പരാജയമായിരുന്നോ എന്ന് പറയേണ്ടത് നിങ്ങളാണ്. തീർച്ചയായും അഭിപ്രായങ്ങളും നിർദ്ദേശങ്ങളും അറിയിക്കുക.