Chapter Title : ദിവ്യാനുരാഗം 5 [Vadakkan Veettil Kochukunj]

"

ഞാൻ അവനെ നോക്കി ചോദ്യഭാവത്തിൽ പറഞ്ഞു

" മ്മ്... മ്മ്.... "

അവൻ എന്നെ നോക്കി ഒരാക്കിയ ചിരിയോടെ മൂളി...

" എന്താടാ നാറി അതിന് നിൻ്റെ ഒരാക്കിയ ചിരി... "

അവൻ്റെ മൂളല് കേട്ടതും ഞാൻ ചോദിച്ചു

" മോനാരുടെ മുന്നിലാ ഈ അഭിനയിക്കുന്നേ... എന്തൊക്കെയായിരുന്നു രാവിലെ കൈ പിടിച്ച് തിരിക്കുന്നു... സൂചി കുത്താൻ പോകുമ്പോൾ അവൾക്ക് തന്നെ കുത്തണം എന്ന് പറയുന്നു... എന്നിട്ട് ഇതുവരെ ഇല്ലാത്ത സുഖത്തോടെ ഉള്ള ഒരു സൂചി കുത്തലും... എനിക്കൊന്നും മനസ്സിലാകുന്നില്ല എന്ന് വിചാരിക്കരുത്... "

അവൻ എന്നെ നോക്കി ഒരാക്കിയ ചിരി വീണ്ടും മുഖത്ത് ഫിറ്റാക്കികൊണ്ട് പറഞ്ഞു

" ഡാ മൈരേ ഒരുമാതിരി അനാവശ്യം പറയരുത് കേട്ടോ... "

ഞാൻ അവനെ നോക്കി പല്ലിറുമ്മി കൊണ്ട് പറഞ്ഞു

" ഞാൻ പറയുമ്പോൾ അനാവശ്യം ഇയാൾക്ക് ചെയ്യാം... "

അവൻ വീണ്ടും എന്നെ ഇളക്കാൻ എന്നോണം മറുപടി പറഞ്ഞു...

" നിനക്ക് എന്തിന്റെ കേടാടാ നാറി... "

ഞാൻ അവനെ പിടിച്ചു തള്ളിക്കൊണ്ട് പറഞ്ഞു

" ഡോ...ഒന്നവിടെ നിന്നേ... "

പുറകീന്ന് ഒരു വിളി കേട്ടാണ് തിരിഞ്ഞു നോക്കിയത്... നോക്കുമ്പോ ദിവ്യ ഞങ്ങളുടെ അടുത്തേക്ക് നടന്നു വരുന്നുണ്ട്

" അളിയാ...ദാ വരുണൂ...നിൻ്റെ പ്രിയസഖീ... ഇപ്പെങ്ങനുണ്ട്... "

അവൾ വരുന്നത് കണ്ട് നന്ദു എന്നെ നോക്കി പതുക്കെ ചിരിയോടെ പറഞ്ഞു... അതിന് ഞാൻ അവൻ്റെ കാലിനൊരു ചവിട്ടു വച്ചു കൊടുത്തു...

" എനിക്ക് തന്നോടൊന്ന് സംസാരിക്കണം... "

ഞങ്ങളുടെ അടുത്തെത്തിയതും അവളെന്നെ നോക്കി പറഞ്ഞു...

" മ്മ്....നടക്കട്ടെ നടക്കട്ടെ... "