ദിവ്യാനുരാഗം 8

Divyanuraagam Part 8 | Author : Vadakkan Veettil Kochukunj

[ Previous Part ]

എല്ലാവരും മഴയൊക്കെ ആയി ബുദ്ധിമുട്ടുകയാണെന്നറിയാം...എല്ലാവരും സേഫ് ആയി ഇരിക്കുക...ദുരിതങ്ങളൊക്കെ മാറി പുത്തൻ പ്രതീക്ഷകളുടെ പൊൻപുലരി നമ്മുടെ കേരളത്തിലേക്ക് കടന്നു വരും എന്ന് പ്രതീക്ഷിക്കാം....

ഒരുപാട് സ്നേഹത്തോടെ ?

വടക്കൻ വീട്ടിൽ കൊച്ചുകുഞ്ഞ്...

_________________________________________

അവളേയും പ്രാകികൊണ്ട് അവിടെ നിന്നും വീട്ടിലേക്ക് തിരിച്ചു...വീട്ടിലെത്തി പെട്ടന്ന് തന്നെയൊരു കുളിയും പാസാക്കി ഭക്ഷണവും കഴിച്ച് നേരെ കോളേജിലേക്ക് വിട്ടു...

" ഒരു ദിവസം എങ്കിലും നിനക്ക് എന്നെക്കാൾ നേരത്തെ വന്നൂടെ മൈരേ... "

കോളേജിലെത്തി വണ്ടി പാർക്ക് ചെയ്യുമ്പോൾ മതിലിന് പുറത്തിരുന്ന നന്ദു എന്നോട് ചോദിച്ചു...അവൻ മാത്രമേ അവിടെ ഉണ്ടായിരുന്നുള്ളൂ... ബാക്കി രണ്ടും ക്ലാസിൽ കേറി കാണണം...

" നേരത്തെ വന്നിട്ടിവിടെ ഹോമം നടത്താനൊന്നുമില്ലല്ലോ... വെറുതെ ഇവിടെ ഇരുന്ന് വായിനോക്കാനല്ലേ... "

മതിലിലേക്ക് കയറി ഇരിക്കുമ്പോൾ ഞാൻ അവനോടായി ചിരിച്ചുകൊണ്ട് മറുപടി പറഞ്ഞു...

" അതല്ല മൈരെ എന്നും ഞാനല്ലേ ആദ്യം എത്തി പോസ്റ്റാവുന്നത്... "

അവൻ എന്നെ നോക്കി ചെറിയപിള്ളാരെ പോലെ പരാതി പറഞ്ഞു...ഞാനതിന് എന്തോന്നടേയ് എന്നർത്ഥത്തിൽ അവനെ നോക്കി...

" അതിനിപ്പൊ നിന്നോട് കുളിക്കാതയും നനക്കാതയും വരാൻ ഞാൻ പറഞ്ഞോ... "

ഞാൻ ചുമ്മാ അവനെ ആക്കാനെന്നോണം ചിരിച്ചുകൊണ്ട് പറഞ്ഞു

" ഓ കോമഡി...ചിരിക്കാൻ പറഞ്ഞതാണേൽ ഞാനൊന്ന് ചിരിച്ചു തരാം... "

എന്റെ ഊഞ്ഞാലാട്ടൽ ഇഷ്ട്ടപെടാതെ അവൻ പുച്ഛത്തോടെ പറഞ്ഞു

" എന്റെ പൊന്നു മൈരേ അത് വിട്... പോസ്റ്റാക്കാൻ വിച്ചാരിച്ചതല്ല...ആ മറ്റവള് കാരണാ... "