Chapter Title : ദൂരെ ഒരാൾ 4 [വേടൻ]

വന്നതൊന്നും ഞാൻ അറിഞ്ഞില്ല ഇടുപ്പിൽ ഒരു വേദന അനുഭവപ്പെട്ടപ്പോൾ ആണ് അവൾ അടുത്ത് വന്നു എന്ന് എനിക്ക് മനസിലായെ.. "

"മോനെ ഇനി വല്ലതും വേണോ..... "

കടയിലെ ചേട്ടൻ ആണ്

" വേണ്ടെട്ടാ... കുറച്ചൂടെ ഇരുന്നിട്ട് ഞങ്ങൾ ഇറങ്ങും... "

ഞാൻ പുള്ളിക്ക് ഉള്ള പൈസയും കൊടുത്ത് അവിടെ തന്നെ ഇരുന്ന്

" ശേ നല്ല രസത്തിൽ വരുവായിരുന്നു.. കളഞ്ഞു.... എന്നിട്ട് നീ ബാക്കി പറ.. "

ചേച്ചി കഥ പകുതിയിൽ മുറിഞ്ഞതിന്റെ ദെഷ്യത്തിൽ താടിക്ക് കൈയും കൊടുത്ത് എന്നെ നോക്കി അങ്ങനെ ഇരുന്നു

" അങ്ങനെ അവളോട് കുറെ സംസാരിച്ചു അവളുടെ പരിഭവങ്ങളും എല്ലാം എന്റെ ദേഹത്ത് തീർത്തു... ഞങ്ങൾ പതിയെ ഒരു ഷാർജ ഷേക്ക്‌ കുടിക്കാൻ ആയി വെളിയിൽ ഇറങ്ങി... പുള്ളി അതിന്റെ മെയിൻ ആൾ ആണ് അതിൽ ആരോ കൈവേഷം കൊടുത്തിട്ടുണ്ട്.

ഞാൻ ഒന്ന് ചിരിച്ചു.. ഒപ്പം അവളും..

"വെളിയിൽ ഇറങ്ങിയപ്പോ എന്റെ ഫ്രണ്ട് അജു എന്നെ വിളിച്ചു ഞങ്ങൾ അവിടെ നിന്നു... അപ്പോളേക്കും അഞ്ചുന്റെ ഫ്രണ്ട് ഓപ്പോസിറ്റ് നിന്ന് അവളെ വിളിച്ചു.. എന്നോട് ഇപ്പോ വരാം എന്ന് പറഞ്ഞു അവൾ അവളുടെ അടുത്തേക് ഓടി .... എന്റെ ശബ്ദം ഇടറി.. നെഞ്ചിൽ ആരോ കൊളുത്തി പിടിക്കണ പോലെ..

"ചേച്ചി..!!.. ചേച്ചി ഒരാളുടെ പ്രാണൻ പോകുന്നത് കണ്ടിട്ടുണ്ടോ നോക്കി നിന്നിട്ടുണ്ടോ... ആ സമയത്ത് അവരുടെ കണ്ണിൽ അവസാന ജീവൻ നിലക്കുന്നത് കണ്ടിട്ടുണ്ടോ.... ഏഹ്..."

കണ്ണുകൾ അനുസരണ ഇല്ലാതെ ഒഴുകിഇറങ്ങി... അവൾ എണ്ണിറ്റ് എന്റെ അടുത്തേക്ക് വന്ന് എന്നെ മാറോട് ചേർത്തു തലയിൽ