Chapter Title : ഏദൻ തോട്ടത്തിന്റെ കാവൽക്കാരൻ 11 [സഞ്ജു സേന]

, സാരമില്ല അവന്മാർ എന്നെ കിട്ടിയില്ലെങ്കിൽ കുഞ്ഞുങ്ങളെയും അമ്മയെയുമായിരിക്കും ദ്രോഹിക്കുക.. ''

''പ്രിയ ....''

നടക്കാൻ തുടങ്ങിയ അവരെ ഞാൻ തിരികെ വിളിച്ചു ,,ഇവരുടെ സംശയം പോലെ ഗായത്രിക്ക് വല്ലതും സംഭവിച്ചിട്ടുണ്ടെങ്കിൽ പ്രിയയിലേക്കും തുടർന്ന് എന്നിലേക്കും അധിക ദൂരമില്ല ,അത് കൊണ്ട് ഇവരെ അങ്ങനെ വിട്ടുകൊടുക്കാൻ പറ്റില്ല ..

'' തല്ക്കാലം നിങ്ങൾ വീട്ടിലേക്ക് പോകാതെ എന്റെ കൂടെ നിലക്ക് , അമ്മയെയും കുട്ടികളെയും നമുക്ക് സേഫായി മാറ്റാം.. ''

''അത് വേണ്ട അർജുൻ ,, അവന്‍റെ ശ്രദ്ധ നിങ്ങളിലേക്ക് മാറും..''

''സാരമില്ല , എന്തായാലും നമ്മള് ഇറങ്ങി തിരിച്ചില്ലേ, വരുന്നത് അന്നേരം നോക്കാം..''

മറുപടിക്ക് കാക്കാതെ ബാലേട്ടനെ വിളിച്ചു പ്രിയയുടെ അമ്മയെയും കുട്ടികളെയും കത്രീനയുടെ അടുത്തേക്ക് മാറ്റാനുള്ള കാര്യങ്ങൾ ഏർപ്പാടാക്കി..

''ഇതാ ,എന്‍റെ വണ്ടിയുടെ താക്കോൽ, പാർക്കിങ്ങിലെ മരത്തിനു കീഴെ കിടക്കുന്ന വൈറ്റ് ഇന്നോവ .അതിൽ കയറി ഇരുന്നോളൂ ,അല്ലെങ്കിൽകെട്ടിപ്പിടിത്തം ഇനിയും വേണ്ടി വരും ...''

അങ്ങനെ പറഞ്ഞത് കൊണ്ടാകും ,താക്കോൽ വാങ്ങുമ്പോൾ പ്രിയയുടെ മുഖമൊന്നു തുടുത്ത പോലെ....പാവം അകെ പേടിച്ചിട്ടുണ്ടു ,അവർ ഇന്നോവയിൽ കയറി ഇരുന്നെന്നു ഉറപ്പു വരുത്തി ഞാൻ ഐ സി യുവിന്റെ അടുത്തേക്ക് നടന്നു ..

''അർജുൻ...വേറെ കുഴപ്പമൊന്നുമില്ലെന്ന ഡോക്ടർ പറഞ്ഞത്..ഡിസ്ചാർജ് ആക്കിയിട്ടുണ്ട് ,''

ചെല്ലുമ്പോൾ ചെറിയമ്മ ബില്ലുമായി കാത്തു നിൽപ്പുണ്ടായിരുന്നു...അവരുടെ കൂടെ പോയി ബില്ലടച്ചു, മരുന്നും വാങ്ങി ,ചെറിയമ്മയുടെ മുഖത്തിപ്പോൾ ഭയമോ ആശങ്കകളോ ഇല്ല ,,പഴയ പോലെ വളരെ കൂളാണ്‌ ആൾ ,,,,അവർ ഉദ്ദേശിച്ചത് നടന്നിരിക്കുന്നു ,, ഇനിയൊരിക്കലും എനിക്കവരുടെ നേരെ വിരൽ ചൂണ്ടാൻ കഴിയില്ലെന്ന് അമ്മയും മോനും ഉറപ്പു വരുത്തിയിരിക്കുന്നു ... ക്ഷീണമുള്ളതു കൊണ്ട് ജയനെ താങ്ങി ഇന്നോവയിൽ കയറ്റേണ്ടി വന്നു.. വണ്ടിയിൽ പ്രിയയെ കണ്ടു ചെറിയമ്മ ചോദ്യ ഭാവത്തിൽ എന്നെയൊന്നു നോക്കി ,

അഞ്ജുച്ചേച്ചിയുടെ ഫ്രണ്ട് എന്ന് പറഞ്ഞത് വിശ്വാസമായില്ല എന്ന് ആ മുഖഭാവത്തിൽ നിന്നു വ്യക്തം..എങ്കിലും അത് മൈൻഡ് ചെയ്യാതെ വണ്ടി സ്റ്റാർട്ട് ചെയ്തു....തിരികെ തറവാട്ടിലെത്തിയപ്പോൾ എല്ലാവരും ഓടി വന്നു ജയനെ താങ്ങിയിറക്കി അകത്തേക്ക് കൊണ്ട് പോയപ്പോൾ പതുക്കെ വണ്ടി തിരിച്ചു ,നേരെ തോട്ടത്തിലേക്ക് ,പ്രതീക്ഷിച്ച പോലെ